პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ნათია მოდებაძე აფასებს:

როგორ იყენებ პიარსკოლაში მიღებულ ცოდნას საქმიანობაში?

პიარსკოლაში მიღებული თეორიული და პრაქტიკული ცოდნა მეხმარება, როგორც სამუშაო პროცესში, ისე ყოველდღიურ ცხოვრებაში. კურსი დამეხმარა აღმომეჩინა ჩემი შესაძლებლობები და გავმხდარიყავი მეტად თავდაჯერებული.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

ვმუშაობდი პროფესიული განათლების პოპულარიზაციის კამპანიაზე. მუშაობის პროცესი ძალიან საინტერესო იყო, მომეცა საშუალება თეორიული ცოდნა გადმომეტანა პრაქტიკაში. მე და ჩემმა გუნდმა ყველა საფეხური გავიარეთ და პროექტი წარმატებით ჩავაბარეთ.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსს განსაკუთრებულს ხდის პროფესიონალი ლექტორები და გამოცდილება, რომელსაც გვიზიარებენ.

ყველაზე მეტად რა მოგეწონა კურსზე? რას გამოარჩევდი?

გამოვარჩევდი პრაქტიკულ დავალებებს, ის ამყარებდა თეორიულ ცოდნას და გვასწავლიდა გუნდურ მუშაობას. ამ დავალებების პროფესიონალი ლექტორების მიერ დეტალებში შეფასება კი ძალიან კარგი გამოცდილებაა.

რას ნიშნავს შენთვის იყო პიარსკოლელი?

აქ ცოდნასთან ერთად შევიძინე ახალი მეგობრები და ძალიან მიხარია,რომ ამ გუნდის წევრი ვარ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, თინათინ იმნაძე ფასებს:

მოკლედ მოგვიყევი შენი საქმიანობის შესახებ…

მერვე წელია ვმუშაობ ღვინის კომპანიაში “შუხმან ვაინს ჯორჯია”, ამ ეტაპზე ადგილობრივი გაყიდვების და მარკეტინგის განყოფილების უფროსის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა დამეხმარა ჩემი შესაძლებლობების აღმოჩენაში, უცნაურია, მაგრამ ის, რაც მეგონა არ ვიცოდი, ან არასდროს გამომივიდოდა თურმე ჩემი ძლიერი მხარე ყოფილა და პირიქითაც, რაც მეგონა, ვიცოდი თურმე მხოლოდ ზედაპირულად და მშრალად, აქ კი ყველაფერს დეტალებში გავეცანი .

ძალიან საინტერესო ლექციები თუ პრაქტიკული სამუშაოები  გადმოვიტანე ყოველდღიურ სამუშაო პროცესში და აშკარა წინსვლით ვტკბები.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტზე მუშაობა ჩემთვის ყველაზე სასიამოვნო აღმოჩნდა, ღვინის ფესტივალი შეგვხვდა და თავს ისე ვგრძნობდი როგორც თევზი წყალში :)) თვითონ პროექტის მომზადებაში ჩემი სამსახურეობრივი გამოცდილება ძალიან დამეხმარა და მერე უკვე ეს პროექტი გახდა ჩემთვის მაგალითი ბევრ კარგ საქმეში, რაც შუხმანში განვახორციელე.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ჩემი აზრით, პიარსკოლაში ერთხელ მაინც უნდა მოხვდეს ყველა, არ აქვს მნიშვნელობა მის პროფესიას და სამომავლო გეგმებს. სიმართლე რომ ვთქვა, თავიდან მოსაწყენი ლექციებისთვის მოვემზადე და ისე მოხდა საღამოობით სამსახურიდან დაღლილი სიხარულით გავრბოდი პიარკოლაში, იქ კი დროის და დაღლილობის შეგრძნებას საერთოდ ვკარგავდი. საბოლოოდ მივიღე სწორად დანახული საკუთარი თავი და ერთი შეხედვით რუტინული საქმიანობიდან სიამოვნების მიღებაც ვისწავლე.

სახელი “მარკეტინგული კომუნიკაციების კურსი” ვერ აღწერს იმ შეგრძნებებს, რაც აქ ელოდება ადამიანს. მეორედ რომ მომეცეს შანსი აუცილებლად დავუბრუნდები ამ ადგილს და დარწმუნებული ვარ კიდევ ბევრ საინტერესო რაღაცას აღმოვაჩენ.

რას ურჩევდი კომუნიკაციების სფეროთი დიანტერესებულ ადამიანებს?

თითქმის ყველა საქმიანობაში წარმატება დამოკიდებულია სწორ კომუნიკაციაზე. აუცილებელია ყველარგოლის თანამშრომელს ჰქონდეს ამის შესახებ ინფორმაცია და სულ მცირე ცოდნა მაინც. სამსახურეობრივისაქმიანობა რომ გვერდით გადავდოთ, ელემენტარული ურთიერთობებიც სწორ კომუნიკაციაზეა აგებულიდა რაღაც ეტაპზე ამის სწავლა ყველასთვის ძალიან მნიშვნელოვანია.

მიიღე პრაქტიკული გამოცდილება პიარსა და მარკეტინგში

ამ ბლოგპოსტში დეტალურად მოგიყვებით პიარსკოლის „ინტეგრირებული მარკეტინგული კომუნიკაციების“ კურსის შესახებ, რომელიც პიარისა და მარკეტინგის სფეროში აუცილებელ ყველა დარგს შეასწავლის მსურველებს.

თუ კი პიარსა და მარკეტინგში თეორიულ ცოდნასთან ერთად, პრაქტიკული გამოცდილების მიღება და ახალი პრაქტიკების პროფესიულ საქმიანობაში დანერგვა გსურთ, მაშინ ჩვენი კურსი თქვენთვისაა.

„ინტეგრირებული მარკეტინგული კომუნიკაციების“ კურსის უპირატესობას საქართველოს ბაზარზე არსებულ მოთხოვნებზე დაფუძნებული სილაბუსი და პრაქტიკოსი ლექტორები წარმოადგენენ.

კურსის ფარგლებში შეისწავლით 12 საგანს, რომელიც საკომუნიკაციო სტრატეგიის შემუშავებისა და განხორციელების პროცესის წარმატების მნიშვნელოვანი კომპონენტებია:

1. ეფექტური კომუნიკაციები

2. მარკეტინგი

3. მარკეტინგული კვლევა

4. ბრენდინგი

5. პიარი

6. ივენთ მენეჯმენტი

7. სოციალური მედია

8. მედია მენეჯმენტი

9. რეკლამა და მედია დაგეგმარება

10. ამბის თხრობის ხელოვნება

11. ვიზუალური მარკეტინგი

12. BTL

თითოეულ საგანს სფეროს წამყვანი პროფესიონალები უძღვებიან, რომლებიც სტუდენტებს არა მხოლოდ თეორიულ ცოდნას, არამედ პრაქტიკულ გამოცდილებასაც უზიარებენ.

კურსის მთავარი უპირატესობა მისი საბოლოო პრაქტიკული დავალებაა. 3 თვის განმავლობაში სტუდენტები მუშაობენ საკომუნიკაციო სტრატეგიის შექმნაზე, ამ პროცესში კი მათ საკონსულტაციო კომპანია “ჯეპრა”-ს კონსულტანტები უწევენ მენტორობას. პროექტზე მუშაობისას სტუდენტს უწევს ყველა იმ თეორიული ცოდნის გამოყენება, რომელიც თითოეული ქვეკურსის ფარგლებში მიიღო.

ყველა სტუდენტს, რომელიც პრაქტიკულ დავალებასა და ტესტს ჩააბარებს, გადაეცემა პიარსკოლის სერტიფიკატი და დიპლომი. ხოლო, ლექტორების რჩეულ 3 საუკეთესო სტუდენტს გადაეცემა 12 ლექტორის მიერ ხელმოწერილი სამოტივაციო წერილი.

კურსის დასრულების შემდეგ, პიარსკოლელები წევრიანდებიან კურსდამთავრებულთა ჯგუფში „PRSchool Alumni”, სადაც პიარსკოლის ადმინისტრაცია სხვადასხვა მნიშნნელოვან ინფორმაციას ანთავსებს, მათ შორის, საკომუნიკაციო სფეროში არსებულ ვაკანსიებს.

“ინტეგრირებული მარკეტინგული კომუნიკაციების” კურსი 3 თვე გრძელდება. მისი საფასური 1800 ლარია, რომლის გადახდაც შესაძლებელია ეტაპობრივად, 3 თვეზე გადანაწილებით.

ლექციები ტარდება ყოველ ორშაბათს, ოთხშაბათსა და პარასკევს 19:00-22:00 საათებში.

პიარი და მარკეტინგი ყოველდღიურად ვითარდება. ამიტომაც, იჩქარე და დარეგისტრირდი პიარსკოლის 2022 წლის ზამთრის კურსზე:

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, LLC COLLIDER-ის დამფუძნებელი ანანო ჭიჭაღუა აფასებს:

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებულ ცოდნას დღევანდელ საქმიანობაში აქტიურად ვიყენებ და ძალიან მიხარია, რომ გავიარე პიარისა და მარკეტინგული კომუნიკაციების კურსი.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

M2-ის საკომუნიკაციო კამპანიაზე. ძალიან საინტერესო იყო და საერთოდ სხვა კუთხით შემახედა პიარისმიმართულებებზე და ცოდნის პრაქტიკაში გამოყენებაზე. საკმაოდ ეფექტური დასასრული იყო კურსის.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ვფიქობ, ვისაც პიარი და მარკეტინგი აინტერესებს, მათ აუცილებლად უნდა გაიარონ ეს კურსი, იმიტომ რომ საიტერესო ბეჭდვითი მასალის გარდა, ლექტორების გამოცდილებიდან გამომდინარე, მათი მაგალითებიდან კიდევ უფრო მეტს იგებს სტუდენტი. ზოგადად პრაქტიკული სავარჯიშოები არის ძალიან საინტერესო და პროდუქტიული.

რა მოგეწონა ყველაზე მეტად კურსზე? რას გამოარჩევდი?

გამოვარჩევდი ლექტორებს, მენეჯმენტს. ზოგადად ვფიქრობ, რომ ძალიან კარგად არის აწყობილი არამარტო კურსი, არამედ ზოგადად მენეჯმენტი. ასევე გამოვყოფდი პრაქტიკულ ლექციებს. თუმცა პრიორიტეტებში მაინც ლექტორები არიან.

რას ნიშნავს შენთვის, იყო პიარსკოლელი?

რაოდენ უცნაურადაც არ უნდა ჟღერდეს, ძალიან ამაყი ვარ, რომ  გავიარე ეს კურსი, და კიდევ უფრო მეტად ამაყი ვარ როდესაც ხმამაღლა ვამბობ, რო მე პიარსკოლელი ვარ,  ყველამ იცის რა დიდი და კარგი გუნდის წევრი ვარ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ლიკა როგავა აფასებს:

მოკლედ მოგვიყევი შენი საქმიანობის შესახებ…

ვმუშაობ UDAID-ZRDA Activity in Georgia (USAIDის პროექტი ზრდა საქართველოში)-ს სამეგრელოს რეგიონალურ ოფისში თემის მობილიზატორის (Community Liaison) პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა მეხმარება სხვადასხვა აქტივობის განხორციელების პროცესში. ხაზგასმით შემიძლია ვთქვა, რომ ეს ცოდნა არის მნიშვნელოვანი და აქტუალური.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტი, რაზეც ჯგუფთან ერთად მომიწია მუშაობა, ნიკო ნიკოლაძის საუნივერსიტეტო პრემიის საკომუნიკაციო კამპანიის შექმნა იყო. ეს დავალება მიღებული თეორიული ცოდნის პრაქტიკაში გადატანაში დამეხმარა. ბევრ კითხვის ნიშანს რომელსაც თეორიული პასუხით ცოტა ბუნდოვანი შეხედულება ჰქონდა გამარტივდა და პრაქტიკაში ადვილად “მოგვარდა”.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსის უმნიშვნელოვანესი უპირატესობა არის ის ძლიერი, მცოდნე და გამოცდილი გუნდი, რომელიც ამ კურსს ანხორციელებს. სწორედ ამ გუნდითაა გამორჩეული სხვა პიარკურსებისგან. ხმამაღლა შემიძლია ვთქვა, რომ თუ გაინტერესებთ ეს სფერო, და გსურთ მიიღოთ ცოდნა ამ მიმართულებით, აუცილებლად უნდა მოხვიდეთ პიარსკოლაში.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ გუჯაბიძე აფასებს პიარის და მარკეტინგული კომუნიკაციების კურსს:
მოკლედ მოგვიყევი შენი საქმიანობის შესახებ…

ვარ დაზღვევის სახელმწიფო ზედამხედველობის სამსახურის იურისტი, ასევე, ვმართავ ტურიზმის მიმართულებით სოციალურ მედია პლატფორმებს, ვგეგმავ და ვახორციელებ ტურიზმის სექტორში სხვადასხვა პროექტებს.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნას და ინფორმაციას ძირითადად ვიყენებ პროექტების დაგეგმვის და მათი იმპლემენტაციის ეტაპზე, კამპანიის ცნობადობის ამაღლებასთან დაკავშირებით განხორციელებულ აქტივობებზე მუშაობის პერიოდში. გარდა ამისა, მიღებული გამოცდილება დამეხმარა საკუთარი კომპანიის ბრენდინგზე მუშაობისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

რეალურად, პროექტის მუშაობის ეტაპზე გამოვიყენე ყველა ის ინტრუმენტი, რის თაობაზეც სამი თვის განმავლობაში მოგვაწოდეს ინფორმაცია ლექტორებმა. პროექტის დაგეგმვის ეტაპიდან, მის პრეზენტირებამდე გავლილი დაგეგმვის პროცესი, არის რეალურად მუშაობის ის ხაზი, რაც მადგება ყოველდღიურ მუშაობაში. მიუხედავად განსხვავებული პროექტების კონტენტისა, ის მიმართულებები, იქნება ეს თაიმლაინი, ბიუჯეტირება თუ ვიზუალიზაცია, რაც წამოწეულია პროექტის მომზადების ეტაპზე, ძალიან მნიშვნელოვანია დღევანდელ დღეს, ყველა სფეროში თუ პოზიციაზე მუშაობისას.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

გარდა რეალურად უმაგრესი ლექტორებისა, სხვადასხვა მიმართულებით პიარის და მარკეტინგის საკითხების დეტალურად, პრაქტიკულ მაგალითებზე დაყრდნობით განხილვისა, ჩემი აზრით, დამატებით რაც პაირსკოლის კურსს სხვებისგან გამოარჩევს: პროექტზე მუშაობის კომპონენტია. სწორედ ამ პროცესში გიწევს მიღებული ცოდნის პრაქტიკაში გადატანა, რაც ერთი მხრივ, არის ცოდნის გამყარების საფუძველი, ხოლო მეორე მხრივ, ხედავ უკვე კურსის დროს შესწავლილი ინსტრუმენტების სწორად გამოყენების გზებსა და ხერხებს.

პიარის და მარკეტინგული კომუნიკაციების კურსის შეფასება

ყველაფერი დაიწყო მაშინ, როდესაც სოციალური მეცნიერებების ფაკულტეტის მაგისტრატურას ვამთავრებდი. ამ პერიოდში ხშირად მქონდა კითხვა, თუ რომელი სფერო შემესწავლა დამატებით. მინდოდა ისეთი პროფესიის შესწავლა, რომელიც ჩემს ბუნებასთან იქნებოდა ახლოს. ჩემი კომუნიკაბელურობიდან და ხასიათის სხვა თვისებებიდან გამომდინარე, ვიფიქრე, რომ პიარი აყო ის სფერო, რომელშიც თავს კომფორტულად და თავისუფლად ვიგრძნობდი, ასეც მოხდა…

კურსი სოფო შუბლაძემ გახსნა. სოფო გვიკითხავდა ეფექტური კომუნიკაციის ლექციებს. სოფო – უენერგიულესი, უნიჭიერესი, თავის პროფესიაზე შეყვარებული და გადარეული ადამიანი იყო. ზუსტად მან მომცა დამატებითი სტიმული, მოტივაცია და მუხტი იმისა, რომ გამეგრძელებინა პიარსკოლაში სწავლა. ძალიან ბედნიერი ვარ, რომ მერგო წილად გამეცნო ის და მონაწილეობა მიმეღო მის სუპერ სამოტივაციო და ენერგიის მომცემ ლექციებში.

უნდა აღინიშნოს, რომ პიარსკოლის ყველა ლექტორი გამორჩეულია თავისი პროფესიონალიზმით. ისინი გვიზიარებენ არამხოლოდ თეორიულ ცოდნას, არამედ თავიანთ მრავალწლიან პრაქტიკულ გამოცდილებას.

მსოფლიო პანდემია პიარსკოლაში სწავლის პერიოდში გამოცხადდა. ყველანი ავღმოჩნდით ერთმანეთისგან იზოლირებული, ამიტომაც მიმდინარე კურსიც შეჩერდა. თვითიზოლაციის პერიოდში, პიარსკოლის წარმომადგენლები გვერდში გვედგნენ და უსასყიდლოდ გვამხნევებდნენ ონლაინ ტრენინგებით. ამისთვის განსაკუთრებული მადლობა სოსო გალუმაშვილს. იგი ყოველთვის გვაგრძნობინებდა, რომ არ უნდა გავჩერებულიყავით და თვითიზოლაციის პერიოდი გამოგვეყენებინა თვითგანვითარებისთვის.

მოგვიანებით პიარსკოლის კურსი უკვე ახალი სახით, ონლაინ ჩართვების საშუალებით გაგრძელდა. მიუხედავად იმისა, რომ ყველას გვინდოდა აუდიტორიებში, ცოცხალ რეჟიმში გაგვერძელელებინა შეხვედრები, სახელმწიფოს მიერ დაწესებული რეგულაციების გამო ეს შეუძლებელი გახდა.

მაგრამ უნდა ითქვას, რომ ონლაინ სწავლების რეჟიმმა გაამართლა. ჩვენ, მოსწავლეებმა და პიარსკოლის წარმომადგენლებმა მარტივად ავუღეთ ონლაინ სწავლების რეჟიმს “ალღო” და დაწყებული საქმე ( კურსი) წარმატებულად მივიყვანეთ ბოლომდე.

პიარსკოლამ ბევრი რამ სხვა თვალით დამანახა, შემიცვალა ხედვა. პიარსკოლის კურსის საშუალებით საზოგადოებასთან ურთიერთობის სფეროში გამიფართოვდა ცოდნა არა მარტო თეორიული, არამედ პრაქტიკული მიმართულებითაც. მიღებული ცოდნა მეხმარება, ფეხი ავუწყო თანამედროვე მოვლენებს და თავდაჯერებულად ვუპასუხო ახალ გამოწვევებს.

პიარსკოლას ვურჩევ ყველას, განსაკუთრებით მათ, ვისაც სურს აღმოაჩინოს საკუთარ თავში ახალი უნარები და შესაძლებლობები, საკუთარ თავში ჩამოიყალიბოს ახალი ხედვა და მიზნები.

მე ვამაყობ რომ პიარსკოლის კურსდამთავრებული ვარ!

პიარის და მარკეტინგული კომუნიკაციების კურსის შეფასება

პიარსკოლის შესახებ ყოველთვის ბევრი მსმენოდა და გამეგო. ვიცოდი, რომ ეს იყო განსაკუთრებული, საინტერესო და მრავალფეროვანი კურსი, თუმცა ის რაც გამოვცადე, ის პროცესები, რაშიც აქტიური მონაწილეობა მივიღე არის დაუვიწყარი გამოცდილება და მოგონება, რომელსაც კომუნიკაციების ჯადოსნურ სამყაროში შებიჯებას დავარქმევდი და რომელიც მთელი ცხოვრება დარჩება ჩემთვის იმ წარმატებულ გადაწყვეტილებათა სიაში, რომლითაც ვამაყობ.

მთელი კურსის განმავლობაში აქამდე არსებულ თეორიულ ცოდნას ისეთი მიმართულება მიეცა, იმდენი ხედვა, ახალი იდეა დაიბადა, რომელთა სრულყოფილად განსახორციელებლად შეიძლება რამდენიმე წელიც დამჭირდეს.

პიარსკოლა – ეს არის თეორიულ ცოდნაზე დაფუძნებული პრაქტიკული გამოცდილება, რომელიც ყველა დახურულ კარს მიღმა, ყველა მიუწვდომელ “ჭუჭრუტანაში” გაგახედებთ და დაგანახებთ რომ კომუნიკაციები იმაზე მეტია, ვიდრე ოდესმე წარმოიდგენდით.

ახლა სეირნობ ქუჩებში,  უყურებ სარეკლამო ბანერებს, ბილბორდებს, გიგანტი ქართული თუ უცხოური კოპმანიების სარეკლამო და პიარ სტრატეგიებს და ისეთი შეგრძნება გაქვს, თითქოს თითოეული პიარ კამპანია შენს თვალწინ შეიქმნა, თითქოს მათ დაგეგმვაში შენი წვლილი შეიტანე, იცი რა პროცესს რა მოყვა, როგორი პოზიციონირების განაცხადით, სტრატეგიით და სეგმენტაციით განხორციელდა. თითქოს წინასწარ იმუშავე კომპანიის იმ ტენდენციებსა და მიდგომებზე, რომელიც  მის იმიჯსა და რეპუტაციას უზრუნველყოფს, აანალიზებ ამ ყველაფერს და გრძნობ, რომ ეს სფერო შენია, სფერო, რომელშიც ბევრი გაქვს სათქმელი.

მე მიყვარს პიარსკოლა და ქართულ ამერიკულ უნივერსიტეტში გატარებული თითოეული ლექცია და ლექტორი. საალექციო საათები, რომელიც არასოდეს ყოფილა ისეთი საინტერესო და ჯადოსნური, როგორც 2019 წლის შემოდგომით..

და ბოლოს, იყო პიარისა და ინტეგრირებული მარკეტინგული კომუნიკაციების კურსდამთავრებული – ეს არის დიდი ძალისხმევა და გამოწვევაა, ერთგვარი გარანტი იპოვო საკუთარი თავი, გწამდეს შენი განუზომელი შესაძლებლობების და  იყო წარმატებული მთელი კარიერის განმავლობაში.

მენტორების რჩევები – ანუკი ცხოვრებაძე

კითხვა გვაძლევს საშუალებას ვიმოგზაუროთ მაშინ, როდესაც უნდა დავრჩეთ იქ სადაც ვართ. -ნეტა დამემახსოვრებინა ვინ თქვა

არც ფსიქოლოგი ვარ გირჩიოთ, როგორ გაიტანოთ თავი და ემოციური ჯანმრთელობა მსოფლიო პანდემიის პერიოდში და არც სამოტივაციო სპიკერი ვარ ორი სიტყვით სკამიდან თუ საწოლიდან თქვენი წამოხტომა შევძლო. მაგრამ გაგიზიარებთ  რჩევებს იმის შესახებ როგორ უნდა ან არ უნდა მოვიქცეთ.

პირველ რიგში, საჭიროა, დაფიქრდეთ რა გინდათ მიიღოთ რამდენიმე თვიანი სახლში ყოფნისგან და საერთოდ გინდათ თუ არა მიიღოთ რაიმე. დაისახეთ მოკლე და გრძელვადიანი მიზნები, შედეგსა და უშედეგობას შორის არჩევანი მარტივი გასაკეთებელია, შემდეგი ნაბიჯია უბრალოდ დილემა: სიზარმაცე თუ მოქმედება. ამ ორს შორის არჩევანის გაკეთებაში კი სწორედ, დასახული მიზნის მიღწევის მოტივაცია დაგეხმარებათ. მაგრამ მთავარია ეს მოტივაცია და შედეგის მიღების სურვილი თვითდისციპლინაში ასახოთ, რაშიც ძილის მოწესრიგება, ვარჯიშის დაწყება და დღის დაგეგმვის მარტივი მეთოდებიც დაგეხმარებათ.

თუმცა შეეცადეთ საკუთარ თავს სტრესი არ დაუმატოთ, შინაპატიმრობის სტრესიც გეყოფათ, თქვენი გეგმები მაქსიმალურ ბალანსში ამყოფეთ დასვენებასთან.

რჩევებს რაც შეეხებათ, ერთი ბანალური, თუმცა კონკურენტს რომ ვერ უპოვი ისეთი რჩევა მაქვს:

იკითხეთ რაც შეიძლება მეტი, თუმცა სწორად განსაზღვრეთ რამდენად ეხმიანება არჩეული ლიტერატურა არჩეულ მიზანს. შავი ჭირის წაკითხვას ყოველთვის მოასწრებთ, დღევანდელ სამეცნიერო ლიტერატურას კი ხვალ შეიძლება ვადა გაუვიდეს და მოძველდეს.

საკომუნიკაციო სფეროსთვის,  როგორც სხვა სფეროებისთვის დღევანდელი ვითარება დიდი გამოწვევაა, მაგრამ გულწრფელად უნდა აღვნიშნოთ, რომ მაინც ბევრად უკეთეს მდგომარეობაშია ვიდრე ტურისტული თუ სხვა ის სფეროები, რომლებიც  საჭიროებდნენ სოციალურ ინტერაქციას და ვირტუალურ რეჟიმს ვერაფრით მოერგებოდნენ.

და ამ სფეროსთვისაც ალბათ ყველაზე საინტერესო პერიოდიცაა, თუ თქვენი პროფესია ამ სფეროს უკავშირდება ან მომავალში უნდა დაუკავშირდეს, გირჩევთ დააკვირდეთ კომპანიებს, ორგანიზაციებს, მთავრობებს, თუ როგორ კომუნიკაციას ინარჩუნებენ, რა აქტივობები  და როგორი ურთიერთობა აქვთ საზოგადოებასთან. ეს პერიოდი ავლენს არა მხოლოდ ლოიალურ მომხმარებელს, არამედ მომხმარებლის მიმართ ლოიალურ კომპანიებსაც.

თითქმის ყოველდღე სხვადასხვა კომპანია, ორგანიზაცია, უნივერსიტეტი საჯარო ონლაინ ლექციებს, საუბრებს, პრეზენტაციებს ატარებს უამრავ სხვადასხვა საკითხზე. მოიძიეთ და დაესწარით თქვენთვის საინტერესო თემებს, მიიღეთ მაქსიმუმი დისტანცირებისგან.

მენტორების #რჩევები – რუსკა უსტიაშვილი

მოულოდნელად გაჩენილმა ვირუსმა ყველა ჩვენგანზე მოახდინა გავლენა. სოციალური დისტანცირება, თავისუფლების შეზღუდვა, ცხოვრების წესის რადიკალური ცვლილება, ნეგატიური ინფორმაცია დაავადებულებსა და გარდაცვლილებზე, შიში საკუთარი თუ ახლობლების ჯანმრთელობასა და  ყველაზე დიდი – გაურკვევლობის შიში, როცა არ იცი როდის დასრულდება პანდემია და რა იქნება მერე – ეს ყველაფერი რთული გასაძლებია, ყველა ვაცნობიერებთ ამას.

ამ პერიოდში უამრავ რჩევას მოისმენდით როგორიც ფიზიკურ, ისე ფსიქიკურ ჯანმრთელობასთან და სოციალური იზოლაციის დროს მოქცევასთან დაკავშირებით, ამიტომ თავს არ შეგაწყენთ ამ რჩევების გამეორებით.

ჩემი აზრით, ყველაზე მნიშვნელოვანს გაგიმხელთ:

არ შეწყვიტოთ განვითარება, ოღონდ ეს თქვენი გადასაწყვეტია რა კუთხით – დამატებით ცოდნას და უნარებს შეიძენთ, ახალ ჰობს გაიჩენთ ან არსებულს განივითარებთ, ოჯახის წევრებთან ურთიერთობას გააღრმავებთ, მავნე ჩვევებზე იტყვით უარს და ჯანმრთელობას მიხედავთ, თუ უბრალოდ თქვენი თავის მოსმენას და მის უფრო სიღრმისეულად გაგებას დაიწყებთ, ეს არჩევანი თქვენი გასაკეთებელია.

ორი რამ ვიცით ზუსტად:

  • ეს ყველაფერი აუცილებლად ჩაივლის

  • ცოტათი შეცვლილ სამყაროს მივიღებთ და არა ისეთს, როგორშიც აქამდე ვცხოვრობდით

ამიტომ, მთავარია, რომ როდესაც ეს ყველაფერი დასრულდება, იმაზე ცოტა უკეთესები, იმაზე მეტად განვითარებულები ვიყოთ იმ კუთხით, რაც ყველაზე მეტად პრიორიტეტულია  ჩვენთვის. ამით გავიადვილებთ იზოლაციის პროცესის გაძლებასაც და მერე უკვე, სახლებიდან რომ გავალთ, ბევრად ადაპტირებულები, ხალისიანები, ენერგიულები გავაგრძელებთ ჩვენი გეგმების და მიზნების განხორციელებას და იმ ცხოვრებით დატკბობას, რომელიც ახლა უფრო მეტად დავაფასეთ.

საკომუნიკაციო სფეროთი დაინტერესებულებს კი Coursera-ს 2 ონლაინ კურსს გირჩევთ:

  1. Communication Strategies for a Virtual Age

  2. Creative Thinking: Techniques and Tools for Success