Tag: მარკეტინგული კვლევა

პიარისა და მარკეტინგული კომუნიკაციების კურსის შეფასება

Posted on by Tinatin Samkurashvili

PR-ის და მარკეტინგული კომუნიკაციების კურსს, პიარსკოლის კურსდამთავრებული, ანუკა კობალაძე აფასებს:

მოკლედ მოგვიყევი შენი საქმიანობის შესახებ…

მე ვარ ქოუჩი (Life coach), ვატარებ როგორც ინდივიდუალურ, ასევე ჯგუფურ სესიებს კომპანიების დაკვეთით. ასევე ვმუშაობ ქოუჩ-დღიურის შექმნაზე, რომელიც დაეხმარება ადამიანს საკუთარი თავის პოვნაში, მიზნების დასახვასა და მიღწევაში.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა ძალიან მეხმარება ჩემს საქმიანობაში, როგორც ქოუჩს, ასევე ადამიანს, რომელიც მუშაობს საინტერესო პროექტზე და ქმნის ბრენდს. თამამად შემიძლია ვთქვა, რომ რომ არა პიარსკოლაში მიღებული ცოდნა დღიურზე მუშაობა აუხდენელ ოცნებად დარჩებოდა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

ჩემს გუნდს პროფესიული განათლების პოპულარიზაციის თემა შეხვდა, რასაც მიღებული ცოდნისა და შესანიშნავი მენტორის დახმარებით წარმატებით გავართვით თავი. პროექტზე მუშაობამ კი მიღებული ცოდნა გამიმყარა და მასწავლა, თუ როგორ შეიძლება მიღებული თეორიული ცოდნის პრაქტიკაში წარმატებით გამოყენება.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსი 3 თვიანია და ამ 3 თვის განმავლობაში ყველა საჭირო ცოდნის მიღებაა შესაძლებელი. კურსი არა მხოლოდ თეორიული მასალების გაცნობას, არამედ პრაქტიკული დავალებების შესრულებასაც მოიცავს. ეს კი მიღებულ ცოდნას ერთი ორად ამყარებს. ვფიქრობ, ნებისმიერი პროფესიის ადამიანისთვის აუცილებელია ამ კურსის გავლა, ვინაიდან აქ მიღებული ცოდნა ნებისმიერ ადამიანს გამოადგება, როგორც პროფესიულ ასევე ყოველდღიურ ცხოვრებაში.

ყველაზე მეტად რა მოგეწონა კურსზე? რას გამოარჩევდი?

ჩემი აზრით, შეუძლებელია ერთი კონკრეტული რამის გამორჩევა. მთლიანად კურსი იმდენად კარგად არის შედგენილი და რაც ყველაზე მნიშვნელოვანია, დაკომპლექტებულია პროფესიონალი ლექტორებით.

რას ნიშნავს შენთვის იყო პიარსკოლელი?

კურსის პირველ დღეს გვითხრეს, რომ პიარსკოლა არის დიდი ოჯახი და მოგვილოცეს, რომ ჩვენც ამ ოჯახის წევრები გავხდით. მეუცნაურა, თუმცა მალევე მივხვდი რას ნიშნავდა ეს სიტყვები. ეხლა კი ბედნიერი და ამავდროულად ამაყი ვარ, რომ პიარსკოლის ოჯახის წევრი ვარ.

მიიღე პრაქტიკული გამოცდილება პიარსა და მარკეტინგში

Posted on by Tinatin Samkurashvili

ამ ბლოგპოსტში დეტალურად მოგიყვებით პიარსკოლის „ინტეგრირებული მარკეტინგული კომუნიკაციების“ კურსის შესახებ, რომელიც პიარისა და მარკეტინგის სფეროში აუცილებელ ყველა დარგს შეასწავლის მსურველებს.

თუ კი პიარსა და მარკეტინგში თეორიულ ცოდნასთან ერთად, პრაქტიკული გამოცდილების მიღება და ახალი პრაქტიკების პროფესიულ საქმიანობაში დანერგვა გსურთ, მაშინ ჩვენი კურსი თქვენთვისაა.

„ინტეგრირებული მარკეტინგული კომუნიკაციების“ კურსის უპირატესობას საქართველოს ბაზარზე არსებულ მოთხოვნებზე დაფუძნებული სილაბუსი და პრაქტიკოსი ლექტორები წარმოადგენენ.

კურსის ფარგლებში შეისწავლით 12 საგანს, რომელიც საკომუნიკაციო სტრატეგიის შემუშავებისა და განხორციელების პროცესის წარმატების მნიშვნელოვანი კომპონენტებია:

1. ეფექტური კომუნიკაციები

2. მარკეტინგი

3. მარკეტინგული კვლევა

4. ბრენდინგი

5. პიარი

6. ივენთ მენეჯმენტი

7. სოციალური მედია

8. მედია მენეჯმენტი

9. რეკლამა და მედია დაგეგმარება

10. ამბის თხრობის ხელოვნება

11. ვიზუალური მარკეტინგი

12. BTL

თითოეულ საგანს სფეროს წამყვანი პროფესიონალები უძღვებიან, რომლებიც სტუდენტებს არა მხოლოდ თეორიულ ცოდნას, არამედ პრაქტიკულ გამოცდილებასაც უზიარებენ.

კურსის მთავარი უპირატესობა მისი საბოლოო პრაქტიკული დავალებაა. 3 თვის განმავლობაში სტუდენტები მუშაობენ საკომუნიკაციო სტრატეგიის შექმნაზე, ამ პროცესში კი მათ საკონსულტაციო კომპანია “ჯეპრა”-ს კონსულტანტები უწევენ მენტორობას. პროექტზე მუშაობისას სტუდენტს უწევს ყველა იმ თეორიული ცოდნის გამოყენება, რომელიც თითოეული ქვეკურსის ფარგლებში მიიღო.

ყველა სტუდენტს, რომელიც პრაქტიკულ დავალებასა და ტესტს ჩააბარებს, გადაეცემა პიარსკოლის სერტიფიკატი და დიპლომი. ხოლო, ლექტორების რჩეულ 3 საუკეთესო სტუდენტს გადაეცემა 12 ლექტორის მიერ ხელმოწერილი სამოტივაციო წერილი.

კურსის დასრულების შემდეგ, პიარსკოლელები წევრიანდებიან კურსდამთავრებულთა ჯგუფში „PRSchool Alumni”, სადაც პიარსკოლის ადმინისტრაცია სხვადასხვა მნიშნნელოვან ინფორმაციას ანთავსებს, მათ შორის, საკომუნიკაციო სფეროში არსებულ ვაკანსიებს.

“ინტეგრირებული მარკეტინგული კომუნიკაციების” კურსი 3 თვე გრძელდება. მისი საფასური 1800 ლარია, რომლის გადახდაც შესაძლებელია ეტაპობრივად, 3 თვეზე გადანაწილებით.

ლექციები ტარდება ყოველ ორშაბათს, ოთხშაბათსა და პარასკევს 19:00-22:00 საათებში.

პიარი და მარკეტინგი ყოველდღიურად ვითარდება. ამიტომაც, იჩქარე და დარეგისტრირდი პიარსკოლის 2022 წლის ზამთრის კურსზე:

პიარისა და მარკეტინგული კომუნიკაციების კურსის შეფასება

Posted on by Tinatin Samkurashvili
პიარსკოლის კურსდამთავრებული, მარიამ გუჯაბიძე აფასებს პიარის და მარკეტინგული კომუნიკაციების კურსს:
მოკლედ მოგვიყევი შენი საქმიანობის შესახებ…

ვარ დაზღვევის სახელმწიფო ზედამხედველობის სამსახურის იურისტი, ასევე, ვმართავ ტურიზმის მიმართულებით სოციალურ მედია პლატფორმებს, ვგეგმავ და ვახორციელებ ტურიზმის სექტორში სხვადასხვა პროექტებს.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნას და ინფორმაციას ძირითადად ვიყენებ პროექტების დაგეგმვის და მათი იმპლემენტაციის ეტაპზე, კამპანიის ცნობადობის ამაღლებასთან დაკავშირებით განხორციელებულ აქტივობებზე მუშაობის პერიოდში. გარდა ამისა, მიღებული გამოცდილება დამეხმარა საკუთარი კომპანიის ბრენდინგზე მუშაობისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

რეალურად, პროექტის მუშაობის ეტაპზე გამოვიყენე ყველა ის ინტრუმენტი, რის თაობაზეც სამი თვის განმავლობაში მოგვაწოდეს ინფორმაცია ლექტორებმა. პროექტის დაგეგმვის ეტაპიდან, მის პრეზენტირებამდე გავლილი დაგეგმვის პროცესი, არის რეალურად მუშაობის ის ხაზი, რაც მადგება ყოველდღიურ მუშაობაში. მიუხედავად განსხვავებული პროექტების კონტენტისა, ის მიმართულებები, იქნება ეს თაიმლაინი, ბიუჯეტირება თუ ვიზუალიზაცია, რაც წამოწეულია პროექტის მომზადების ეტაპზე, ძალიან მნიშვნელოვანია დღევანდელ დღეს, ყველა სფეროში თუ პოზიციაზე მუშაობისას.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

გარდა რეალურად უმაგრესი ლექტორებისა, სხვადასხვა მიმართულებით პიარის და მარკეტინგის საკითხების დეტალურად, პრაქტიკულ მაგალითებზე დაყრდნობით განხილვისა, ჩემი აზრით, დამატებით რაც პაირსკოლის კურსს სხვებისგან გამოარჩევს: პროექტზე მუშაობის კომპონენტია. სწორედ ამ პროცესში გიწევს მიღებული ცოდნის პრაქტიკაში გადატანა, რაც ერთი მხრივ, არის ცოდნის გამყარების საფუძველი, ხოლო მეორე მხრივ, ხედავ უკვე კურსის დროს შესწავლილი ინსტრუმენტების სწორად გამოყენების გზებსა და ხერხებს.

პიარისა და მარკეტინგული კომუნიკაციების კურსის შეფასება

Posted on by Tinatin Samkurashvili

პიარსკოლის კურსდამთავრებული, მარიამ ჩხარტიშვილი პიარის და მარკეტინგული კომუნიკაციების კურსის შესახებ:

მოკლედ მოგვიყევი შენი საქმიანობის შესახებ..

სოციალური მედია სააგენტოს ფრილანს კრეატიული მენეჯერი და ედვერთაიზერი ✋🏻

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

ჩემი საქმიანობიდან გამომდინარე, ძალიან გამომადგა მარკეტინგისა და ბრენდინგის ლექციების გამოცდილება. ასევე, უფრო დაკვირვებული გავხდი მომხმარებლებთან კომუნიკაციისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ზოგადად ბოლო 5 წლის განმავლობაში, ძალიან ბევრ ქეისზე მაქვს ნამუშევარი. ჩვენი საბოლოო პროექტისთვის თემები გვქონდა გადანაწილებული. მე ის სფერო შემხვდა, რომელშიც ისედაც დიდი პრაქტიკა მქონდა. თუმცა ახალ სირთულეებთან გამკლავება, ახალი ინფორმაციების მიღება – ყოველ ახალ პროექტში მონაწილეობის მიზეზია.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

უპირატესობა ეს ის გუნდია, რომელიც მუშაობს პიარსკოლელების განათლებაზე. თითოეული ტრენერი, მენტორი არის ის მიზეზი, რის გამოც ამ კურსის გავლას ვურჩევდი სხვას.

რას ურჩევდი კომუნიკაციების სფეროთი დაინტერესებულ ადამიანებს?

არასდროს შეწყვიტონ სწავლა და სიახლეების შეცნობა!

მარკეტინგული კვლევის მნიშვნელობა ბიზნესში და რატომ უნდა იცოდეთ მეტი მის შესახებ!

Posted on by Tinatin Samkurashvili

ბიზნესის წარმატებულად მართვა და ზრდა დამოკიდებულია იმაზე, თ`უ რამდენად კარგად იცნობთ მომხმარებლებს. მას შემდეგ, რაც ნათელი სურათი გაქვთ, თუ რა მიზნები, საჭიროებები და ღირებულებები აქვთ მომხმარებლებს, მით უფრო შეგიძლიათ ბიძგი მისცეთ მათ, იყიდონ თქვენი პროდუქტი თუ სერვისი.

მარკეტინგული კვლევა ერთ-ერთი საუკეთესო მეთოდია მომხმარებელთა შესასწავლად. ის გაძლევთ იმ მონაცემებს, რომლებსაც შეუძლიათ თქვენი მარკეტინგული სტრატეგიის სწორი ფორმირება, რაც მარკეტინგსა და გაყიდვებს მეტად ეფექტურს ხდის.

გარდა ამისა მარკეტინგული კვლევა გეხმარებათ:

  • კომუნიკაციის გაუმჯობესებაში
  • შესაძლებლობების განსაზღვაში
  • რისკების შემცირებაში

მარკეტინგული კვლევა მნნიშვნელოვანია იმის შესაფასებლად, თუ რა მუშაობს და რა არ მუშაობს თქვენს ბიზნესმოდელში. ის მოიცავს კვლევებს სამიზნე ბაზრებისა და იმ სისტემების შესახებ, რომლებიც გავლენას ახდენენ თქვენს მარკეტინგულ გადაწყვეტილებებზე.

მარკეტინგული კვლევა ყველა იმ ასპექტს აკვირდება, რომელსაც 4P მოიცავს: პროდუქტს, ფასს, ადგილსა და პრომომუშენს. ეს კი მოიცავს:

  • საზოგადოებასთან ურთიერთობას
  • დისტრიბუციის მეთოდებს
  • ახალი პროდუქტების/სერვისების განვითარებას
  • პრომოციასა და რეკლამას
  • ფასთა დაწესებას
  • ბაზრის მდგომარეობას
  • ბრენდინგს

მარკეტინგული კვლევა გვეხმარება გავიგოთ არა მხოლოდ მომხმარებელთა სურვილები, არამედ რამდენად წარმატებით უკავშირდება და ამყარებს ბიზნესი მათთან კომუნიკაციას. ის გვეხმარება გამოვავლინოთ პრობლემები და შესაძლებლობები, დავხვეწოთ სისტემები და შევაფასოთ არსებული მარკეტინგული სტრატეგია.

როგორ უნდა აწარმოოთ კვლევა თქვენი ბიზნესისთვის:

მარკეტინგული კვლევა მონაცემთა შეგროვებისა და ანალიზისთვის შემდეგ საფეხურებს გადის:
  • პრობლემის განსაზღვრა. განსაზღვრეთ თუ რაზე უნდა ფოკუსირდეს კვლევა. იმის ცოდნა, თუ რა კითხვებზე ცდილობთ პასუხის გაცემას, დაგეხმარებათ კვლევის სტრუქტურის ეფექტურ ჩამოყალიბებაში.
  • განსაზღვრეთ ბიუჯეტი და ვადები. რამდენის დახარჯვა შეგიძლია კვლევის პროცესზე? რა ვადებში გჭირდება რომ მზად გქონდეს მონაცემები? როგორც ყველა სტრატეგია, რომელსაც ბიზნესის განვითარებისთვის იყენებთ, კვლევაც თქვენს ხელთარსებული და მისაწვდომი რესურსების ფარგლებში უნდა ჩატარდეს. თუმცა, შესაძლებელია ის კითხვები, რომელზეც პასუხის გაცემასაც ცდილობთ, იმდენად მნიშვნელოვანი იყოს თქვენთვის, რომ ბიუჯეტის გამოყოფას ყოვლისმომცველი შედეგების მისაღებად ნამდვილად იმსახურებდეს.
  • განსაზღვრე მეთოდები და საჭიროებები. განსაზღვრე თუ რა მონაცემები უნდა შეაგროვო და როგორ შეძლებ ამას. მაგალითად, არსებობს მათ შესაგროვებლად რამდენიმე ვარიანტი: დაკვირვება, გამოკითხვები, სატელეფონო ზარები, ფოკუს ჯგუფები.
  • განსაზღვრეთ შერჩევის მეთოდი. როგორ უნდა აარჩიოთ კვლევაში მონაწილე პირები? შესაძლოა შემთხვევითი შერჩევის მეთოდით მოსახლეობისგან ამოარჩიოთ ის ჯგუფი, რომელსაც საერთო ცხოვრების სტილი აქვს და მათზე დაფუძნებით შეძლებთ მონაცემთა განზოგადებას. ან შესაძლებელია თავად თქვენი მომხმარებლებისგან მიიღოთ გარკვეულ კითხვებზე პასუხები. მოკლედ, შექმენით გეგმა კვლევაში მონაწილე პირების იდენტიფიცირებისა და მათთან კონტაქტისთვის.
  • დაგეგმეთ მონაცემთა ანალიზის პროცესი. გადაწყვიტეთ, როგორ უნდა გაანალიზოთ მიღებული მონაცემები. გაანალიზე: რაოდენობრივი მონამცემები გჭირდება სტატისტიკური ანალიზისთვის თუ თვისებრივი მონაცემები უფრო დიდი სურათის დასანახად? გამოიყენებ რაიმე პროგრამულ უზრუნველყოფას თუ მონაცემთა ანალიზს ხელით გააკეთებთ? გამოყავით დრო იმისთვის, რომ შეისწავლოთ სხვადასხვა მეთოდები ანალიზისთვის, რათა იპოვოთ ის ერთი, რომელიც ყველა თქვენს კითხვაზე გაპოვნინებთ პასუხს.
  • მონაცემთა შეგროვება. მას შემდეგ, რაც გეცოდინებათ რა კითხვებზე ეძებთ პასუხს, განსაზღვრავთ კვლევის მეთოდს პასუხების მოსაძიებლად განსაზღვრული ბიუჯეტისა და ვადების ფარგლებში, დრო დგება რომ შეაგროვოთ მონაცემები. ბევრი ბიზნესი სხვადასხვა კვლევის კომპანიებთან ან კონსულტანტებთან თანამშრომლობენ კვლევის წასამართად.
  • მონაცემთა ანალიზი. არ აქვს მნიშვნელობა, რამდენად მარტივია მიღებული მონაცემები, თქვენ აუცილებლად დაგჭირდებათ კონკრეტული მეთოდები ანალიზისთვის, რათა დარწმუნდეთ, რომ კარგად გესმით, თუ რას გეუბნებათ ეს მონაცემები. ანალიზის მეთოდები, რომლებსაც გამოიყენებთ, დამოკიდებული იქნება შეგროვებული მონაცემების ტიპზე. ეს ასევე უნდა მოხდეს შეცდომების ანალიზისას, რომლებიც შესაძლოა მოხდეს შერჩევის, მონაცემთა შეგროვებისა და ანალიზის საფეხურებზე.
  • შექმენი რეპორტი. კვლევის საბოლოო პროცესი რეპორტის შექმნაა იმ მიგნებებზე, რომლებიც კვლევის შედეგად გამოვლინდა. რეპორტში ასახული უნდა იყოს კვლევის მთლიანი პროცესი – პრობლემის იდენტიფიცირების საფეხურიდან მონაცემთა ანალიზის შედეგებამდე.

პიარსკოლის ინტეგრირებული მარკეტინგული კომუნიკაციების კურსის ფარგლებში მარკეტინგულ კვლევას 2 სალექციო დღე ეთმობა, რომლის ფარგლებშიც შეისწავლით:

  • რა არის მარკეტინგული კვლევები, კვლევის მეთოდები
  • როგორ ხდება რაოდენობრივი და თვისებრივი მეთოდების შედარება
  • რაოდენობრივი კვლევების მეთოდებს
  • მედიაკვლევებს
  • ხარისხობრივი კვლევის მეთოდებს
  • კვლევის ექსპერიმენტული მეთოდებს
  • კვლევის კონკრეტული მეთოდების არჩევის კრიტერიუმებს
  • კვლევით კომპანიასთან ურთიერთობას
  • კვლევის დროს დაშვებულ შეცდომებს

რა მომცა პიარსკოლამ?

Posted on by Tinatin Samkurashvili

ეს ის პერიოდია, როდესაც პირველ ნაბიჯებს ვდგავდი მარკეტინგის სფეროში, მჭირდებოდა ჩემი თეორიული ცოდნის უფრო გაღრმავება და პრაქტიკული მაგალითებით განმტკიცება. პიარსკოლამ მომცა სწორედ ეს. აქ გამომუშავებული უნარ-ჩვევები და მიღებული ცოდნა მეხმარება, სწორად დავგეგმო და ვმართო სხვადასხვა პროექტი.

გარდა პროფესიული გამოცდილებისა, პიარსკოლამ მომცა საკუთარი თავის რწმენა, მოკლე დროში უკეთ დავინახე ჩემი შესაძლებლობები და შევიძინე საუკეთესო მეგობრები.

ლექტორების სიას თუ გადახედავთ, აუცილებლად მიხვდებით რატომ ავირჩიე პიარსკოლა. აქ დამხვდა გამოცდილი და პროფესიონალი ლექტორების გუნდი, რომლებიც ნებისმიერ დროს მზად არიან დასახმარებლად. თეორიულ ნაწილთან ერთად, ბევრი პრაქტიკული რჩევაც მივიღე. ეს ის ადგილია, სადაც არასდროს გეზარება მისვლა და შენი ცხოვრების დიდი და საინტერესო ნაწილი ხდება.

ვთვლი, რომ კარიერული განვითარების ყველა ეტაპზე საჭიროა ახალი გამოწვევების მიღება და თეორიული თუ პრაქტიკული უნარ-ჩვევების განმტკიცება. სწორედ ამ მიზნით მივედი პიასკოლაში და ცოდნის გაღრმავების გარდა, მივიღე უამრავი დადებითი ემოცია საუკეთესო ლექტორებისგან და ჯგუფის წევრებიასგნ.