პიარისა და მარკეტინგული კომუნიკაციების კურსის შეფასება

პიარისა  და მარკეტინგული კომუნიკაციების კურსს, პიარსკოლის კურსდამთავრებული, მარიკა გაჩეჩილაძე აფასებს:

მოკლედ მოგვიყევი შენი საქმიანობის შესახებ…

პიარსკოლის ლექციების დასაწყისშივე  მივხვდი, რომ კარიერული სვლა მარკეტინგის მიმართულებით უნდა გამეგრძელებინა. რეალურად, ამ კურსის დახმარებით შევძელი ჩემთვის საინტერესო საქმიანობის აღმოჩენა, ახლა კი სასიამოვნო სიახლეების მოლოდინის რეჟიმში ვარ.

პიარსკოლამ საშუალება მომცა აღმომეჩინა საკუთარი თავი აწმყოში და მომავალში. პატარა კომპასივითაა ეს კურსი, ბევრი ფიქრის, ცოდნის მიღების და გააზრების შემდეგ საბოლოო მიმართულებასაც ხედავ…

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში..

ჩემი პროექტი პროფესიული განათლების პოპულარიზაციის კამპანია წარმოადგენდა. ცხადია, თემა თავიდანვე ძალიან მაინტერესებდა, თუმცა პრაქტიკული მუშაობის პროცესმა სულ სხვაგვარად მიიპყრო ჩემი ყურადღება. პროექტზე მუშაობამ მომცა პრაქტიკული ცოდნა და უნარები, რასაც ვერ შეძლებდა მხოლოდ თეორიული სწავლება. რეალური, ცოცხალი, რთული და მომენტებში სტრესული სამუშაო რეჟიმი უფრო მეტ და ხელშესახებ ცხოვრებისეულ გამოცდილებას ტოვებს, ვიდრე მარტივი და იოლი საქმე. აქ ვისწავლე სირთულეებთან გამკლავება, კონფლიქტის მოგვარება, სტრესული სიტუაციების მართვა და რაც მთავარია, გუნდური მუშაობა, ეს უკანასკნელი კი, ხშირად, ყველაზე დიდი სირთულე შეიძლება აღმოჩნდეს. საბოლოოდ, მე და ჩემმა გუნდმა შევძელით პროექტის წარმატებით დასრულება.

შენი აზრით, რა არის პიარსკოლის უპირატესობა? რა მოგეწონა ყველაზე მეტად?

პიარსკოლის უპირატესობა წარმოდგენილი ლექტორების, მათი პროფესიული კომპეტენციებისა და ცოდნის მრავალფეროვანი არჩევანია. სწორედ განსხვავებული, ამავე დროს ერთმანეთთან დაკავშირებული საინტერესო ინფორმაციების მეშვეობით შეგვიძლია პანორამულად შევხედოთ მარკეტინგულ კომუნიკაციებს და ამ სფეროში კონკრეტული ადგილი მოვინიშნოთ ჩვენთვის. ყველაზე მეტად მომეწონა ლექციების საერთო ოპტიმისტური ხედვა, დადებითი მუხტი და მოტივაცია, რაც კურსის დასრულებისას კიდევ უფრო გაძლიერდა.

რას ნიშნავს შენთვის იყო პიარსკოლელი?

ეს არის პასუხისმგებლობა, დაპირება და დანაპირების მაქსიმალურად სწრაფად სისრულეში მოყვანა. რა თქმა უნდა, ეს ეხება მარკეტინგული კომუნიკაციების კურსისგან მიღებული ცოდნის რეალიზებას და მომავლისკენ წარმატებულ სვლას .

პიარსკოლის მენტორი – სალომე ქვრივიშვილი

წელს პირველად მომიწია სტუდენტებთან მუშაობა პიარსკოლის მენტორის როლში. გავიცანი უამრავი ჭკვიანი და მონდომებული ადამიანი, ვნახე, როგორ არაჩვეულებრივად გაართვეს თავი რეალურ პროექტზე მუშაობას, უმოკლეს დროში დაგროვილი ცოდნით.

მენტორების საქმიანობა სტუდენტებთან ერთად საფინალო პროექტზე მუშაობას – დავალებების მიცემას, დროულ ვადებში შესრულების კონტროლსა და შესრულებულ სამუშაოზე რეკომენდაციების მიცემას გულისხმობს. პირველ რიგში, ეს ჩემთვისაც სრულიად ახალი გამოცდილება იყო. საკმაოდ რთულია, შეაფასო სხვების იდეები ისე, რომ არა მათი დემოტივაციის, არამედ ახალი იდეების შთაგონების წყაროც კი გახდე. რაც მთავარია, უნდა შეგეძლოს საკუთარი და სწორი ხედვების გამიჯვნა, რადგან, როგორც წესი, ეს ორი ყოველთვის ერთიდაიმავეს არ ნიშნავს.

ჩვენს გუნდს ძალიან მნიშვნელოვან პროექტზე მოუწია მუშაობა. მათ ნაადრევი ქორწინების წინააღმდეგ საკომუნიკაციო კამპანია დაგეგმეს. ჩვეულებრივ, სოციალურ თემებზე კომუნიკაცია შედარებით კომპლექსურ მიდგომას საჭიროებს ხოლმე, თუმცა შეიძლება ითქვას, გუნდმა არაჩვეულებრივად გაართვა თავი. მუშაობის პროცესში გუნდის თითოეული წევრი პრობლემის უშუალო თანამონაწილე გახდა. შედეგიც შესაბამისი მივიღეთ – მათგან უამრავი კრეატიული იდეა მოვისმინეთ.

თუმცა, საბოლოოდ, ჩვენი ერთობლივი მუშაობიდან მიღებული მთავარი გაკვეთილი მაინც გუნდში როლებისა და პასუხისმგებლობების სწორად გადანაწილების მნიშვნელობა აღმოჩნდა. ჩვენი გუნდის თითოეულმა წევრმა მოახერხა საკუთარი უნიკალური უნარები საერთო მიზნის მისაღწევად გამოეყენებინა, რასაც უშედეგოდ არ ჩაუვლია. ჩვენმა პროექტმა ჟიურის დიდი მოწონება და უმაღლესი შეფასებაც დაიმსახურა.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ნათია მოდებაძე აფასებს:

როგორ იყენებ პიარსკოლაში მიღებულ ცოდნას საქმიანობაში?

პიარსკოლაში მიღებული თეორიული და პრაქტიკული ცოდნა მეხმარება, როგორც სამუშაო პროცესში, ისე ყოველდღიურ ცხოვრებაში. კურსი დამეხმარა აღმომეჩინა ჩემი შესაძლებლობები და გავმხდარიყავი მეტად თავდაჯერებული.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

ვმუშაობდი პროფესიული განათლების პოპულარიზაციის კამპანიაზე. მუშაობის პროცესი ძალიან საინტერესო იყო, მომეცა საშუალება თეორიული ცოდნა გადმომეტანა პრაქტიკაში. მე და ჩემმა გუნდმა ყველა საფეხური გავიარეთ და პროექტი წარმატებით ჩავაბარეთ.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსს განსაკუთრებულს ხდის პროფესიონალი ლექტორები და გამოცდილება, რომელსაც გვიზიარებენ.

ყველაზე მეტად რა მოგეწონა კურსზე? რას გამოარჩევდი?

გამოვარჩევდი პრაქტიკულ დავალებებს, ის ამყარებდა თეორიულ ცოდნას და გვასწავლიდა გუნდურ მუშაობას. ამ დავალებების პროფესიონალი ლექტორების მიერ დეტალებში შეფასება კი ძალიან კარგი გამოცდილებაა.

რას ნიშნავს შენთვის იყო პიარსკოლელი?

აქ ცოდნასთან ერთად შევიძინე ახალი მეგობრები და ძალიან მიხარია,რომ ამ გუნდის წევრი ვარ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ნიტა ხაჩიძე აფასებს:

მოკლედ მოგვიყევი შენი საქმიანობის შესახებ…

ვმუშაობ სამშენებლო კოლეჯ “კონსტრუქტ2”-ში, საზოგადოებასთან ურთიერთბის მენეჯერის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

სამსახურის სპეციფიკიდან გამომდინარე, რომელიც საზოგადოებასთან მუდმივ კომუნიკაციას გულისხმობს, მიღებული ცოდნა და გამოცდილება, ჩემი თითქმის ყოველდღიური საქმიანობის შემადგენელი გახდა. ამ გამოცდილებამ მეტად ორგანიზებული და მრავალფეროვანი გამხადა ფიქრის პროცესში.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტისთვის ნიკო ნიკოლაძის პრემიის თემაზე ვიმუშავეთ. როცა მახსენდება პროცესი მუშაობის, რომელიც ჩემს არაჩვეულებრივ გოგოებთან ერთად გავიარე, სურვილი მიჩნდება ხელთავიდან მუშაობის. თავიდან რთული იყო მობილიზება, ყველა იდეა ერთად ჩქეფდა ჩვენს გონებაში, მაგრამ ზუსტად თეორიული ცოდნის საფუძველზე მალევე დავაორგანიზეთ, როგორც იდეები, ასევე მისი განხორციელების გზები და მგონი საბოლოოდ, ერთ-ერთი საუკეთესო ნამუშევარი გამოგვივიდა.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლაში გასწავლიან, როგორ უნდა გახდე პროფესიონალი და რა არის საჭირო იმისთვის რომ თანამედროვე სფეროს ტენდეციებს ყოველთვის ფეხი აუწყო, ან ზოგჯერ გაუსწრო კიდეც. ამის გარანტს კი, ლექტორების პროფესიონალიზმი და თეორიული და პრაქტიკული სწავლება იძლევა. განსაკუთრებით საბოლოო პროექტი, სადაც საკუთარი თავის და მიღებული ცოდნის გამოცდა გიწევს.

ყველაზე მეტად რა მოგეწონა კურსზე? რას გამოარჩევდი?

ჩემთვის ძალიან დიდი მნიშვნელობა აქვს სპიკერების დამოკიდებულებას და სურვილს, მოგაწოდონ ყველასაჭირო დეტალი სფეროს გარშემო. ეს კომფორტი პიარსკოლას ნამდვილად აქვს.

რას ნიშნავს შენთვის იყო პიარსკოლელი?

ძალიან მაგარი ოჯახის წევრის განწყობას მიტოვებს, სადაც ყველა შენს განვითარებაზეა ორიენტირებული და გგულშემატკივრობენ.

პიარსკოლის ეფექტური კომუნიკაციების ქვეკურსი

„მოგესალმებით, გილოცავთ პიარსკოლის დიდ ოჯახში შემოსვლას“ – ასე იწყება პიარსკოლის ეფექტური კომუნიკაციების ქვეკურსის პირველი მეცადინეობა. ეს პირველი ქვეკურსია და კეთილგანწყობილი კომუნიკაციის საშუალებით აქ იწყება ყინულის ლღობა, დისტანციის შემცირება  ერთმანეთისთვის უცხო ადამიანებს შორის, რომელიც კურსის ბოლოს მეგობრობით გრძელდება ხოლმე.

ეფექტური ინტერპერსონალური საქმიანი კომუნიკაციის ქვეკურსის ფარგლებში პიარსკოლელები ეუფლებიან კომუნიკაციურ ტექნიკებს, როგორიც არის ინფორმაციის სწორად გადაცემა, აქტიური და პასიური მოსმენა, უკუკავშირის მიცემა და მიღება, პრეზენტაციის ტექნიკა. ეს ის უნარებია, რომელიც პიარმენეჯერებს ეხმარება პროფესიული საქმიანობის ეფექტიანად წარმართვაში. მოკლე კურსის ფარგლებში ნასწავლი საკვანძო კომუნიკაციური ტექნიკები  აძლევს  შესაძლებლობას სტუდენტებს თავდაჯერებულად იმოქმედონ  და მიაღწიონ მიზანს საქმიან სიტუაციაში. ამ შედეგის ერთგვარი გატესტვა კურსის ბოლოს, პროექტების პრეზენტაციების დროს ხდება ხოლმე. საგამოცდო პრეზენტაციები აჯამებს მთლიანი კურსის ფარგლებში მიღებულ ცოდნას და გავარჯიშებული უნარების დემონსტრირების შესაძლებლობას აძლევს სტუდენტებს.

ყოველი ჯგუფი თავისი უნიკალობითა და მრავალფეროვნებით ამდიდრებს პიარსკოლას  და ქმნის ახალ გამოცდილებას, როგორც ჯგუფის წევრებისთვის, ისე ლექტორებისთვის.

დაიწყე სწავლა პიარსკოლის “მარკეტინგული კომუნიკაციების” ზამთრის კურსზე.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, თინათინ იმნაძე ფასებს:

მოკლედ მოგვიყევი შენი საქმიანობის შესახებ…

მერვე წელია ვმუშაობ ღვინის კომპანიაში “შუხმან ვაინს ჯორჯია”, ამ ეტაპზე ადგილობრივი გაყიდვების და მარკეტინგის განყოფილების უფროსის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა დამეხმარა ჩემი შესაძლებლობების აღმოჩენაში, უცნაურია, მაგრამ ის, რაც მეგონა არ ვიცოდი, ან არასდროს გამომივიდოდა თურმე ჩემი ძლიერი მხარე ყოფილა და პირიქითაც, რაც მეგონა, ვიცოდი თურმე მხოლოდ ზედაპირულად და მშრალად, აქ კი ყველაფერს დეტალებში გავეცანი .

ძალიან საინტერესო ლექციები თუ პრაქტიკული სამუშაოები  გადმოვიტანე ყოველდღიურ სამუშაო პროცესში და აშკარა წინსვლით ვტკბები.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტზე მუშაობა ჩემთვის ყველაზე სასიამოვნო აღმოჩნდა, ღვინის ფესტივალი შეგვხვდა და თავს ისე ვგრძნობდი როგორც თევზი წყალში :)) თვითონ პროექტის მომზადებაში ჩემი სამსახურეობრივი გამოცდილება ძალიან დამეხმარა და მერე უკვე ეს პროექტი გახდა ჩემთვის მაგალითი ბევრ კარგ საქმეში, რაც შუხმანში განვახორციელე.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ჩემი აზრით, პიარსკოლაში ერთხელ მაინც უნდა მოხვდეს ყველა, არ აქვს მნიშვნელობა მის პროფესიას და სამომავლო გეგმებს. სიმართლე რომ ვთქვა, თავიდან მოსაწყენი ლექციებისთვის მოვემზადე და ისე მოხდა საღამოობით სამსახურიდან დაღლილი სიხარულით გავრბოდი პიარკოლაში, იქ კი დროის და დაღლილობის შეგრძნებას საერთოდ ვკარგავდი. საბოლოოდ მივიღე სწორად დანახული საკუთარი თავი და ერთი შეხედვით რუტინული საქმიანობიდან სიამოვნების მიღებაც ვისწავლე.

სახელი “მარკეტინგული კომუნიკაციების კურსი” ვერ აღწერს იმ შეგრძნებებს, რაც აქ ელოდება ადამიანს. მეორედ რომ მომეცეს შანსი აუცილებლად დავუბრუნდები ამ ადგილს და დარწმუნებული ვარ კიდევ ბევრ საინტერესო რაღაცას აღმოვაჩენ.

რას ურჩევდი კომუნიკაციების სფეროთი დიანტერესებულ ადამიანებს?

თითქმის ყველა საქმიანობაში წარმატება დამოკიდებულია სწორ კომუნიკაციაზე. აუცილებელია ყველარგოლის თანამშრომელს ჰქონდეს ამის შესახებ ინფორმაცია და სულ მცირე ცოდნა მაინც. სამსახურეობრივისაქმიანობა რომ გვერდით გადავდოთ, ელემენტარული ურთიერთობებიც სწორ კომუნიკაციაზეა აგებულიდა რაღაც ეტაპზე ამის სწავლა ყველასთვის ძალიან მნიშვნელოვანია.

რატომ უნდა ისწავლო პიარი?

საზოგადოებასთან ურთიერთობა (პიარი) ისეთი საქმეა, ნებისმიერ ორგანიზაციას, ან საქმეს რომ სჭირდება. შესაბამისად, ამ ზოგადი დასკვნითაც შეგვიძლია მისი სწავლების მნიშვნელობაზე დავიწყოთ საუბარი. თუმცა შეგვიძლია უფრო კონკრეტულადაც ავხსნათ ეს ამბავი და დაგანახოთ საზოგადოებასთან ურთიერთობის ცოდნის საჭიროება. მოდით მივყვეთ მარტივი ჭეშმარიტებების ჯაჭვს და იქნებ სინათლეც გამოჩნდეს გვირაბის ბოლოში.

1.  ყველა არის ჩართული კომუნიკაციაში. ანუ, პიროვნულ თუ ორგანიზაციულ დონეზე ვერავინ გაექცევა კომუნიკაციას და კომუნიკაცია საზოგადოებრივი ცხოვრების განუყოფელი ნაწილია. ერთის მხრივ ყველას სჭირდება, რომ გააცნოს თავი გარემოს და მეორეს მხრივ საზოგადოებასაც სჭირდება ინფორმაცია იმის თაობაზე, თუ ვინ რას აკეთებს და რას წარმოადგენს. ინფორმაციის და მონაცემების მიმოცვლის გარეშე ვერაფერი გამოგვივა.

2. სწორი და ეფექტიანი კომუნიკაციის წარმოება არც ისე ადვილია, როგორც ერთი შეხედვით შეიძლება გამოჩნდეს. აუდიტორია მრავალფეროვანია, საინფორმაციო სივრცე კი – ჭრელი. ჩვენ კიდევ ამ ჭრელ სივრცეში, სადაც ყველაფერი არეულია და ინფორმაციის უზარმაზარი მოცულობის ნაკადებია, ჩვენ უნდა მოვახერხოთ, რომ ჩვენი სათქმელი მივიტანოთ იმ მრავალფეროვან აუდიტორიამდე, გავაგებინოთ ეს ნათქვამი და თან ამით მოვიპოვოთ მათი მოწონება და ნდობა. ადვილია? არც ისე. ცოდნა სჭირდება.

3. ეს ზედა ორი მიზეზი უკვე ბევრმა გააცნობიერა და ახლა ან თვითონ ერკვევიან ეფექტიანი კომუნიკაციის წიაღსვლებში, ან მცოდნე და გამოცდილ ხალხს ეძებენ. ეს კი ნიშნავს იმას, რომ პიარ სპეციალისტებზე მოთხოვნა არსებობს და ამ სფეროში დასაქმებასაც გააჩნია შესაბამისი პერსპექტივა. მარკშეიდერისა არ იყოს, ერთი-ორი პიარ მენეჯერი ყველას სჭირდება და ესეც პიარის სწავლის აუცილებლობის დამატებითი არგუმენტია.

რატომ უნდა ისწავლო პიარი პიარსკოლაში?

ნუ, იდეაში, პიარი პიარსკოლაში რომ უნდა ისწავლო, ეს ძალიან ლოგიკური და ცალსახაა, მაგრამ, რახან არ იშლით, მაინც აგიხსნით.

– აქ უბრალოდ გამოცდილი და პრაქტიკოსი ლექტორები კი არა, გამოცდილ და პრაქტიკოსების ლექტორებს ვინც ასწავლა თავის დროზე, ისეთი სპეციალისტები და ექსპერტები კითხულობენ ლექციებს. როცა რამე გიკეთებია და ამას ასწავლი ეს, რა თქმა უნდა, კარგია, მაგრამ როცა ბევრჯერ გიკეთებია და ნიუანსებში ერკვევი, ასე უკეთესად ასწავლი და ყველა მხარესაც დაანახებ სტუდენტს. ჩვენი ლექტორები კი სულ ზეგამოცდილები და ათას პროექტში ნამუშევრები არიან.

– ლექციებთან ერთად, პიარსკოლელები გუნდებად იყოფიან და მთელი კურსის განმავლობაში მუშაობენ საკომუნიკაციო კამპანიის დაგეგმვასა და სპეციალური პროექტის მომზადებაზე, სადაც ყველა მიღებულ ინფორმაციას და ახალ ცოდნას იყენებენ. პროექტები როგორც წესი რეალური პრობლემების და სხვადასხვა კლიენტი კომპანიის თუ ბრენდის წინაშე მდგარი ასევე რეალური ამოცანების გადაჭრას ემსახურება. ესეც დამატებითი პლუსია.

– და ბოლოს, პიარსკოლაში მთავარი მაინც ნეთვორქინგი და კავშირებია. არ ვიცი ეს როგორ ხდება, ამაში ჩვენ დიდად ძალისხმევა არ ჩაგვიდია და ალბათ ვერც ჩავდებდით. ეს უბრალოდ ასე მოხდა და დღემდე პიარსკოლის კურსდამთავრებულები ჩვენი და რაც მთავარია, ერთმანეთის დიდ მეგობრებად რჩებიან.

მგონი საკმარისი მიზეზებია უკვე 😊

მიიღე პრაქტიკული გამოცდილება პიარსა და მარკეტინგში

ამ ბლოგპოსტში დეტალურად მოგიყვებით პიარსკოლის „ინტეგრირებული მარკეტინგული კომუნიკაციების“ კურსის შესახებ, რომელიც პიარისა და მარკეტინგის სფეროში აუცილებელ ყველა დარგს შეასწავლის მსურველებს.

თუ კი პიარსა და მარკეტინგში თეორიულ ცოდნასთან ერთად, პრაქტიკული გამოცდილების მიღება და ახალი პრაქტიკების პროფესიულ საქმიანობაში დანერგვა გსურთ, მაშინ ჩვენი კურსი თქვენთვისაა.

„ინტეგრირებული მარკეტინგული კომუნიკაციების“ კურსის უპირატესობას საქართველოს ბაზარზე არსებულ მოთხოვნებზე დაფუძნებული სილაბუსი და პრაქტიკოსი ლექტორები წარმოადგენენ.

კურსის ფარგლებში შეისწავლით 12 საგანს, რომელიც საკომუნიკაციო სტრატეგიის შემუშავებისა და განხორციელების პროცესის წარმატების მნიშვნელოვანი კომპონენტებია:

1. ეფექტური კომუნიკაციები

2. მარკეტინგი

3. მარკეტინგული კვლევა

4. ბრენდინგი

5. პიარი

6. ივენთ მენეჯმენტი

7. სოციალური მედია

8. მედია მენეჯმენტი

9. რეკლამა და მედია დაგეგმარება

10. ამბის თხრობის ხელოვნება

11. ვიზუალური მარკეტინგი

12. BTL

თითოეულ საგანს სფეროს წამყვანი პროფესიონალები უძღვებიან, რომლებიც სტუდენტებს არა მხოლოდ თეორიულ ცოდნას, არამედ პრაქტიკულ გამოცდილებასაც უზიარებენ.

კურსის მთავარი უპირატესობა მისი საბოლოო პრაქტიკული დავალებაა. 3 თვის განმავლობაში სტუდენტები მუშაობენ საკომუნიკაციო სტრატეგიის შექმნაზე, ამ პროცესში კი მათ საკონსულტაციო კომპანია “ჯეპრა”-ს კონსულტანტები უწევენ მენტორობას. პროექტზე მუშაობისას სტუდენტს უწევს ყველა იმ თეორიული ცოდნის გამოყენება, რომელიც თითოეული ქვეკურსის ფარგლებში მიიღო.

ყველა სტუდენტს, რომელიც პრაქტიკულ დავალებასა და ტესტს ჩააბარებს, გადაეცემა პიარსკოლის სერტიფიკატი და დიპლომი. ხოლო, ლექტორების რჩეულ 3 საუკეთესო სტუდენტს გადაეცემა 12 ლექტორის მიერ ხელმოწერილი სამოტივაციო წერილი.

კურსის დასრულების შემდეგ, პიარსკოლელები წევრიანდებიან კურსდამთავრებულთა ჯგუფში „PRSchool Alumni”, სადაც პიარსკოლის ადმინისტრაცია სხვადასხვა მნიშნნელოვან ინფორმაციას ანთავსებს, მათ შორის, საკომუნიკაციო სფეროში არსებულ ვაკანსიებს.

“ინტეგრირებული მარკეტინგული კომუნიკაციების” კურსი 3 თვე გრძელდება. მისი საფასური 1800 ლარია, რომლის გადახდაც შესაძლებელია ეტაპობრივად, 3 თვეზე გადანაწილებით.

ლექციები ტარდება ყოველ ორშაბათს, ოთხშაბათსა და პარასკევს 19:00-22:00 საათებში.

პიარი და მარკეტინგი ყოველდღიურად ვითარდება. ამიტომაც, იჩქარე და დარეგისტრირდი პიარსკოლის 2022 წლის ზამთრის კურსზე:

3 რჩევა ბრენდის ცნობადობის გასაზრდელად

Არ აქვს მნიშვნელობა სტარტაპი ხართ თუ უკვე დამკვიდრებული ბიზნესი, ბრენდის ცნობადობა თქვენიწარმატების მთავარი განმსაზღვრელი ფაქტორია.

Ადამიანებისთვის ყოველთვის მნიშვნელოვანი იყო დეტალურად სცოდნოდათ თუ რას საქმიანობს ბრენდი. Ახლა კი ეს უფრო მეტად აუცილებელია მათთვის. Ამის ერთ-ერთ მთავარ მიზეზს კი ხშირი ონლაინშოპინგი წარმოადგენს.

Თუ თქვენი ბრენდი არც ისე ცნობილია, ძალიან ცოტა ადამიანი იარსებებს სამყაროში ვინც მოგძებნით, რაც შესაბამისად თქვენს გაყიდვებზე აისახება. Მთავარი პრობლემა კი ამის ის არის, რომ ბრენდები აქამდეარასდროს აწყდებოდნენ ამხელა კონკურენციას.

Და რისი გაკეთება შეუძლია მარკეტერს? Მოდით განვიხილოთ რამოდენიმე რჩევა, თუ როგორაა ბრენდისცნობადობის გაზომვა შესაძლებელი და როგორ შეიძლება მისი ზრდა ყოველწლიურად:

Ბრენდის ცნობადობის განსავითარებლად მნიშვნელოვანია, იცოდეთ, თუ როგორია ის დღეს. Თუ ახალი ბრენდი ხართ ან ახალ ბაზარზე აპირებთ გასვლას, შესაბამისად ცნობადობის მოპოვებას ნულიდან იწყებთ. Თუმცა, თუ კი თქვენი ბიზნესი უკვე გარკვეული დროა ფუნქციონირებს, აუცილებლად გექნებათგარკვეული დონის ცნობადობა.

Ცნობადობის გაზრდა ბევრნაირადაა შესაძლებელი, მათ შორის:

– Სოციალური მედიის მეშვეობით – გაანალიზეთ რამდენი ადამიანია თქვენი მიმდევარი სოციალურქსელებში (Facebook, Instagram, LinkedIn და ა.შ)

– Ვებ-გვერდის შედეგებზე დაფუძნებით – რამდენი უნიკალური ვიზიტორი ყავს თქვენს ვებ-გვერდსყოველთვიურად

– Საძიებო სისტემებიდან მიღებულ შედეგებზე დაყრდნობით – რამდენი ადამიანი ეძებს თქვენს ბრენდსGoogle-სა და სხვა საძიებო სისტემებში.

– აუცილებლად დააკვირდით, რამდენი ადამიანი საუბრობს თქვენს ბრენდზე ონლაინ პლატფორმებზე.

Ახლა კი განვიხილოთ თქვენთვის შერჩეული 3 რჩევა, თუ როგორ გაზარდოთ ბრენდის ცნობადობა:

– “Იყავი პერსონა და არა კომპანია”

Როდესაც ახალ მეგობარს იცნობ, მათში რისი აღმოჩენა მოგწონთ ყველაზე მეტად? Მაგალითად, მათი ჰობი, მისწრაფებები, რა მოსწონთ ან არ მოსწონთ. Როგორ საუბრობენ, რაზე უყვართ საუბარი..

Ეს არის ის თვისებები, რაც ბრენდმაც უნდა განსაზღვროს და კომუნიკაცია აწარმოოს. Იმისთვის, რომ აუდიტორიაზე გავლენა მოახდინოთ, ბრენდს იმაზე მეტი ღირებული თვისებები უნდა მიანიჭოთ, ვიდრე ესუ ბრალოდ რაღაცეების გაყიდვაა.

– Ჩამოყალიბე მოკლე და დასამახსოვრებელი სლოგანი

Მოკლე სლოგანის შექმნა ძლიერი ბრენდ ცნობადობის ჩამოყალიბებისთვის აუცილებელი პირობაა.

Ეს ნამდვილად არ არის მარტივი – მიუხედავად სიმოკლისა, ის უნდა აღწერდეს რამდენად განსხვავებულია თქვენი ბრენდი, რას სთავაზობს მომხმარებელს და რატომ უნდა აირჩიონ მათ ის.

– Შექმენი უფასო კონტენტი

Დღესდღეობით, კონტენტის შექმნა იმაზე მარტივია, ვიდრე ეს ოდესმე იყო. Კონტენტი სახალისო და საინტერესო გზაა ცნობადობის გასაზრდელად – ეს ყველაზე მარტივი საშუალებაა აჩვენო მომხმარებელს შენი ხასიათი და გაუზიარო რჩევები სხვადასხვა საკითხზე.

Არ არის აუცილებელი კონტენტი მხოლოდ წერილობითი ფორმის იყოს. Შეგიძლიათ შექმნათ ვიდეოები, პოდკასტები.

Თუ კი თქვენი ბრენდი არ ქმნის კონტენტს, მაშინ ბრენდის ცნობადობის გასაზრდელად არსებულ ძალიან დიდ შესაძლებლობას კარგავთ. Კონტენტი არის ის, რაც დაგეხმარებათ მყარი კავშირი დაამყაროთ მომხმარებელთან, ეს კი ძალიან მნიშვნელოვანია კომპანიის წარმატებისთვის.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, თათია ხორბალაძე აფასებს:

მოკლედ მოგვიყევი შენი საქმიანობის შესახებ…

ვმუშაობ “თეგეტა მოტორსში” საზოგადოებასთან ურთიერთობის მენეჯერის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

გამომდინარე ჩემი პროფესიიდან, რომელიც საზოგადოებასა და მედიასთან მუდმივ კომუნიკაციას მოიცავს, მიღებულ ცოდნას ყოველდღიურ საქმიანობაში ვიყენებ.

პიარსკოლის დასრულების შემდეგ კიდევ უფრო მეტი სიახლე შევიტანე ჩემს საქმეში და კომუნიკაცია უფრო მრავალფეროვანი გახდა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტისთვის ნიკო ნიკოლაძის პრემიის თემაზე ვიმუშავეთ. უნდა ვაღიარო, რომ თავიდან საკმაოდ სკეპტიკურად ვუყურებდი ამ თემას, თუმცა, ჩემი გუნდის მხარდაჭერით, პროცესი ძალიან საინტერესო აღმოჩნდა. მუშაობის პროცესში გუნდის წევრები ერთმანეთს საკუთარ ცოდნასა და გამოცდილებას ვუზიარებდით და შევძელით და მაქსიმალური შეფასებები მივიღეთ.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

კურსი გაძლევს ზოგად წარმოდგენას პიარისა და მარკეტინგის სფეროს სხვადასხვა მიმართულებაზე. გექნებათ საშუალება, რომ 3 თვეში ზოგადი ხედვა და წარმოდგენა შეიქმნათ იმ პროცესებზე, რაც ნებისმიერი დიდი თუ პატარა კომპანიის კომუნიკაციებისა და მარკეტინგის გუნდში ყოველდღიურად ხდება. საბოლოო პროექტზე მუშაობით კი მოსინჯავთ ძალებს საკომუნიკაციო კამპანიის შექმნაში, რაც პიარ მენეჯერის საქმის უმთავრესი ნაწილია.

რას ნიშნავს შენთვის, იყო პიარსკოლელი?

იყო პიარსკოლელი, ნიშნავს იყო წევრი მრავალფეროვანი ადამიანების გუნდის, რომლებიც მუდამ მზად არიან დაგეხმარონ ახლის ძიებასა და აღმოჩენაში.