პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ელენე გოგშელიძე აფასებს:

მოკლედ მოგვიყევი შენი საქმიანობის შესახებ..

ამ ეტაპზე ვმუშაობ “”სს თიბისი ლიზინგში” მედიცინისა და ჯანდაცვის სექტორის ლიზინგის მენეჯერის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

მიუხედავად იმისა, რომ PR და მარკეტინგი დავამთავრე უნივერსიტეტში, პიარსკოლაში მიღებული ცოდნა გადამწყვეტად მნიშვნელოვანი აღმოჩნდა. გაცვლითი პროგრამით მომიწია სწავლა ჩეხეთში, სადაც კონკრეტულად პიარი და მარკეტინგის კურსიც გავიარეთ. პიარსკოლაში ნასწავლი იმდენად გამომადგა, რომ ყოველთვის მოწინავე პოზიციაზე ვხვდებოდი.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ჩვენი ჯგუფის საბოლოო პროექტი იყო “ბორჯომი– ბუნების გულშემატკივარი”; ბორჯომის ამ წამოწყებაზეც პიარსკოლიდან გავიგე, შესაბამისად უამრავი რამ გავიგე არა მარტო კონკრეტულად ამ პროექტზე, თავად პროექტის წერის სპეციფიკაზეც.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პირველ რიგში სწორად შერჩეული ლექტორები, რომლებიც თავიანთ პრაქტიკულ გამოცდილებას გვიზიარებდნენ. დამეთანხმებით, ქეისურად პრობლემის გადაჭრის სწავლება უფრო ეფექტურია, ვიდრე მხოლოდ წიგნში წაკითხულის დაზეპირება. ამასთან, უამრავი მეგობარი შევიძინე, და ვფიქრობ, მართლა გამიმართლა ჯგუფში.

რას ურჩევდი მათ, ვინც დაინტერესებულია კომუნიაკაციების სფეროთი?

აუცილებლად უნდა ისწავლონ და ეძებონ სიახლეები მუდმივად; კომუნიკაციების სფერო იმდენად სპეციფიკურია, რომ თუ არ აუწყე ფეხი, გაგასწრებს, შესაბამისად, ერთადერთი გზა განვითარებისთვის საჭირო ინფორმაციის “შესრუტვა” და შემდეგ პრაქტიკაში სწორად გამოყენებაა.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ლიკა როგავა აფასებს:

მოკლედ მოგვიყევი შენი საქმიანობის შესახებ…

ვმუშაობ UDAID-ZRDA Activity in Georgia (USAIDის პროექტი ზრდა საქართველოში)-ს სამეგრელოს რეგიონალურ ოფისში თემის მობილიზატორის (Community Liaison) პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა მეხმარება სხვადასხვა აქტივობის განხორციელების პროცესში. ხაზგასმით შემიძლია ვთქვა, რომ ეს ცოდნა არის მნიშვნელოვანი და აქტუალური.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტი, რაზეც ჯგუფთან ერთად მომიწია მუშაობა, ნიკო ნიკოლაძის საუნივერსიტეტო პრემიის საკომუნიკაციო კამპანიის შექმნა იყო. ეს დავალება მიღებული თეორიული ცოდნის პრაქტიკაში გადატანაში დამეხმარა. ბევრ კითხვის ნიშანს რომელსაც თეორიული პასუხით ცოტა ბუნდოვანი შეხედულება ჰქონდა გამარტივდა და პრაქტიკაში ადვილად “მოგვარდა”.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსის უმნიშვნელოვანესი უპირატესობა არის ის ძლიერი, მცოდნე და გამოცდილი გუნდი, რომელიც ამ კურსს ანხორციელებს. სწორედ ამ გუნდითაა გამორჩეული სხვა პიარკურსებისგან. ხმამაღლა შემიძლია ვთქვა, რომ თუ გაინტერესებთ ეს სფერო, და გსურთ მიიღოთ ცოდნა ამ მიმართულებით, აუცილებლად უნდა მოხვიდეთ პიარსკოლაში.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ გუჯაბიძე აფასებს პიარის და მარკეტინგული კომუნიკაციების კურსს:
მოკლედ მოგვიყევი შენი საქმიანობის შესახებ…

ვარ დაზღვევის სახელმწიფო ზედამხედველობის სამსახურის იურისტი, ასევე, ვმართავ ტურიზმის მიმართულებით სოციალურ მედია პლატფორმებს, ვგეგმავ და ვახორციელებ ტურიზმის სექტორში სხვადასხვა პროექტებს.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნას და ინფორმაციას ძირითადად ვიყენებ პროექტების დაგეგმვის და მათი იმპლემენტაციის ეტაპზე, კამპანიის ცნობადობის ამაღლებასთან დაკავშირებით განხორციელებულ აქტივობებზე მუშაობის პერიოდში. გარდა ამისა, მიღებული გამოცდილება დამეხმარა საკუთარი კომპანიის ბრენდინგზე მუშაობისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

რეალურად, პროექტის მუშაობის ეტაპზე გამოვიყენე ყველა ის ინტრუმენტი, რის თაობაზეც სამი თვის განმავლობაში მოგვაწოდეს ინფორმაცია ლექტორებმა. პროექტის დაგეგმვის ეტაპიდან, მის პრეზენტირებამდე გავლილი დაგეგმვის პროცესი, არის რეალურად მუშაობის ის ხაზი, რაც მადგება ყოველდღიურ მუშაობაში. მიუხედავად განსხვავებული პროექტების კონტენტისა, ის მიმართულებები, იქნება ეს თაიმლაინი, ბიუჯეტირება თუ ვიზუალიზაცია, რაც წამოწეულია პროექტის მომზადების ეტაპზე, ძალიან მნიშვნელოვანია დღევანდელ დღეს, ყველა სფეროში თუ პოზიციაზე მუშაობისას.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

გარდა რეალურად უმაგრესი ლექტორებისა, სხვადასხვა მიმართულებით პიარის და მარკეტინგის საკითხების დეტალურად, პრაქტიკულ მაგალითებზე დაყრდნობით განხილვისა, ჩემი აზრით, დამატებით რაც პაირსკოლის კურსს სხვებისგან გამოარჩევს: პროექტზე მუშაობის კომპონენტია. სწორედ ამ პროცესში გიწევს მიღებული ცოდნის პრაქტიკაში გადატანა, რაც ერთი მხრივ, არის ცოდნის გამყარების საფუძველი, ხოლო მეორე მხრივ, ხედავ უკვე კურსის დროს შესწავლილი ინსტრუმენტების სწორად გამოყენების გზებსა და ხერხებს.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ ჩხარტიშვილი პიარის და მარკეტინგული კომუნიკაციების კურსის შესახებ:

მოკლედ მოგვიყევი შენი საქმიანობის შესახებ..

სოციალური მედია სააგენტოს ფრილანს კრეატიული მენეჯერი და ედვერთაიზერი ✋🏻

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

ჩემი საქმიანობიდან გამომდინარე, ძალიან გამომადგა მარკეტინგისა და ბრენდინგის ლექციების გამოცდილება. ასევე, უფრო დაკვირვებული გავხდი მომხმარებლებთან კომუნიკაციისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ზოგადად ბოლო 5 წლის განმავლობაში, ძალიან ბევრ ქეისზე მაქვს ნამუშევარი. ჩვენი საბოლოო პროექტისთვის თემები გვქონდა გადანაწილებული. მე ის სფერო შემხვდა, რომელშიც ისედაც დიდი პრაქტიკა მქონდა. თუმცა ახალ სირთულეებთან გამკლავება, ახალი ინფორმაციების მიღება – ყოველ ახალ პროექტში მონაწილეობის მიზეზია.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

უპირატესობა ეს ის გუნდია, რომელიც მუშაობს პიარსკოლელების განათლებაზე. თითოეული ტრენერი, მენტორი არის ის მიზეზი, რის გამოც ამ კურსის გავლას ვურჩევდი სხვას.

რას ურჩევდი კომუნიკაციების სფეროთი დაინტერესებულ ადამიანებს?

არასდროს შეწყვიტონ სწავლა და სიახლეების შეცნობა!

ისტორია ცნობილი სლოგანის უკან

თითოეულ დიდ ბრენდს, როგორიც NIKE-ია, გამორჩეული და დასამახსოვრებელი სლოგანი აქვს, რომლის უკანაც, ხშირ შემთხვევაში, უცნაური და საინტერესო ისტორიები იმალება.

იცოდით, რომ Nike-ის სლოგანი „Just Do It”, მკვლელის მიერ სიკვდილამდე წარმოთქმულ ბოლო სიტყვებზეა დაფუძნებული?

დენ ვაიდენი, რომელმაც ყველასთვის ნაცნობი სიტყვების კომბინაცია შექმნა, 1988 წელს დიდი დაბრკოლების წინაშე იდგა: შეექმნა სლოგანი, რომელსაც ყველა აიტაცება. სლოგანის საბოლოო ვერსიის წარდგენის წინა დღეს, დიდი ფიქრის შემდეგ, 5 საბოლოო ვერსია ჩამოწერა და თითოეული მათგანი გააერთიანა ერთი ძირითადი მესიჯის „Just Do It” ის ქვეშ, სლოგანის, რომლისაც ყველაზე მეტად სჯეროდა.

ვაიდენი სლოგანზე მუშაობისას იხსენებდა კრიმინალ მამაკაცს, გარი გილმორს, პორტლენდიდან, რომელსაც 2 ადამიანის მკვლელობის გამო, სიკვდილით დასჯა მიუსაჯეს. სწორედ სიკვდილის წინ წარმოთქმულ მის ბოლო სიტყვებზე „Lets Do It” ინსპირაციით შექმნა ვაიდენმა მსოფლიოში ყველასთვის ნაცნობი სლოგანი „Just Do It”.

Nike-ს სლოგანიც და ლოგოც დაეხმარა გაესწრო იმდროინდელი მეტოქე Reebok-თვის და ჩამოყალიბებულიყო გლობალურ უზარმაზად კომპანიად, როგორადაც დღეს ჩვენ მას ვიცნობთ. ბევრი ჟურნალი და ჟურნალისტი აღწერდა სლოგანს, როგორც მე-20 საუკუნის საუკეთესო წარწერად, რომელიც აკავშირებდა არსებულ სიტუაციას ადამიანებთან და არწმუნებდა მათ, რომ შეეძლოთ ყოფილიყვნენ წარმატებულები, თუ კი Nike-ის პროდუქციას ჩაიცმევდნენ. მთავარი კი რაც შინაარსის გარდა სლოგანს ეფექტურს ხდიდად, მისი ლაკონურობა, სიმარტივეე და დამაჯერებლობა იყო.

პიარსკოლიდან მარკეტინგის ხელმძღვანელის პოზიციამდე

პიარსკოლის კურსდამთავრებული, ანა ქუტიძე კომუნიკაციების სფეროში მის გამოცდილებასა და პიარსკოლის კურსის შესახებ:

მოკლედ მოგვიყევი შენი საქმიანობის შესახებ..

ჩემი კარიერა თავიდანვე მნიშვნელოვან წილად განსაზღვრა სამშენებლო სექტორთან ერთმა წარმატებულმა თანამშრომლობამ და უკვე მერვე წელია ამ სფეროში ვარ.

ახლა დეველოპერული კომპანია “DUX DEVELOPMENT”- ის და გერმანული, ალუმინის საფასადე სისტემების მწარმოებელი კომპანია HUECK- ის მარკეტინგის ხელმძღვანელი ვარ.

ამას გარდა პერიოდულად ვმუშაობ მოკლევადიან მარკეტინგულ პროექტებზე და პარალელურად ვცდილობ დრო  დავუთმო ჩემი ჰენდმეიდ სტარტაპის “BLUE JAY “ განვითარებას თუმცა ზემოთ ჩამოთვლილი საქმიანობების გამო საკადრის დროს და ენერგიას ვერ ვუთმობ ამ ეტაპზე, მუდამ მეჩაგრება და ამაზე ვღელავ.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა 5 წლის წინ იყო.. ზუსტად მაშინ, როცა მკაცრად გამომეკვეთა ინტერესები ამ სფეროს მიმართ და ჩემი პრაქტიკული გამოცდილების ხარჯზე მიღებული ცოდნის სისრულეში მოყვანა და თეორიული ცოდნით გამყარება მჭირდებოდა… ვ

ფიქრობ, ეს იყო ის შემთხვევა, როცა საჭირო დროს იღებ საჭირო გადაწყვეტილებას და ეს გადაწყვეტილება 100%-ით ამართლებს.

პიარსკოლამ და იმ საოცარმა ლექტორებმა, რომელთა მრავალფეროვნებითაც ასე განებივრებულნი ვიყავით, გარდა თეორიული და პრაკტიკული ცოდნისა, ისეთი ადამიანური რესურსები, თვისებები  აღმოგვაჩენინეს საკუთარ თავებში რაც აქამდე მიძინებული ან საერთოდ არ გვქონდა.

პიარსკოლამ მომცა თავდაჯერებულობა, მასწავლა მასშტაბური და კრეატიული აზროვნება, მომიხსნა წვრილმანი კომპლექსები საკუთარი აზრის დაფიქსირების, აუდიტორიასთან თამამად წარდგენის და ბევრი ისეთი ნიუანსის, რაც ჩვენს სფეროში ძალიან მნიშვნელოვანია..

არ შემიძლია არ გამოვყო სოსო გალუმაშვილის მუდმივი მხარდაჭერა, რეკომენდაციები და ძალისხმევა რომ ყველა პიარსკოლელი იყოს დასაქმებული და წარმატებული თავის სფეროში.. ეს მხარდაჭერა მე საკუთარ თავზე გამოვცადე არაერთხელ და მადლობა მას ამისთვის.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ჩვენი საბოლოო პროექტი იყო „ღვინის ფესტივალი“ და რეალურად ეს პროექტი იყო თავმოყრა მთელი იმ თეორიული ცოდნის, რაც იმ თვეების განმავლობაში მივიღეთ.. პრაქტიკულად გავდიოდით ყველა იმ პროცესს, რასაც რეალურ პროექტზე მუშაობისას გადიან..

მახსოვს რომ ძალიან ამაღელვებელი და ემოციური იყო პროექტის წარდგენის დღე.. ერთ კონკრეტულ ხერხს ალბათ ვერ გამოვყოფ, თუმცა ვიცი რომ მუშაობის ის სტილი და მიმართულება, რაც მაქვს ყველა პროექტთან მიმართებაში, თავის დროზე პიარსკოლამ ჩანერგა ჩემში.

უკან რომ შეგეძლოს დროის დაბრუნება, გაივლიდი თუ არა ისევ პიარსკოლის მარკეტინგული კომუნიკაციების კურსს?

აი ზოგჯერ არისხოლმე რომ რაღაცეებს ვნანობთ, თუნდაც განათლების კუთხით, სათანადო დროის არ დათმობას… ლექციებზე უყურადღებოდ ჯდომას, ნაკლებ ჩართულობას… ჩემ შემთხვევაში იმდენად მაბედნიერებდა „პროცესი პიარსკოლა“ რომ მსგავსი სინანული თითქმის არ მაქვს..

ბოლომდე ვიხარჯებოდი, აქტიურად ვიყავი ჩართული პროექტში, ლექციებზე.. პასუხგაუცემელ კითხვას არ ვიტოვებდი, მითუმეტეს მქონდა ასეთი საინტერესო ლექტორების ფუფუნება და მეც მეტი რა მინდოდა.

საბოლოოდ 3 საუკეთესო სტუდენტს შორისაც მოვხვდი და ის სანუკვარი სარეკომენდაციო წერილიც მივიღე მათგან, რომელიც მომავალში ძალიან დამახმარა დასაქმებაში, ჩემ მიმართ დადებითი შთაბეჭდილების შექმნაში.

რა თქმა უნდა, დროის უკან დაბრუნება რომ შემეძლოს უალტერნატივოდ დავრეგისტრირდებოდი პიარსკოლის კურსზე და გავამეორებდი იმ ჯადოსნურ თვეებს რომელიც იქ გავატარე.

პიარის და მარკეტინგული კომუნიკაციების კურსის შეფასება

მოკლედ მოგვიყევი შენი საქმიანობის შესახებ..

მე მარკეტერი ვარ, რამდენიმე წელია საქმიანობა გავაციფრულე და ამჟამად წარმატებული ქართულიბრენდის – CROSTY-ის Digital Advertiser ვარ.

როგორ დაგეხმარა პიარსკოლაში მიღებული ცოდნა კარიერულ წინსვლაში?

პიარსკოლა ერთგვარი გარდამტეხი წერტილი იყო იმ პროცესში, რასაც პროფესიის ფუნდამენტური ცვლილება წარმოადგენდა ჩემთვის. ბაკალავრის ხარისხი პოლიტოლოგიაში ავიღე. პირველი ნაბიჯები ინდუსტრიაში ჩემივე დიდი დაინტერესებით გადავდგი და ჩემი საქმიანობა მეტწილად საკუთარ პრაქტიკას ეფუძნებოდა. პიარსკოლამ ცოდნა არამხოლოდ თეორიით გამიმყარა, არამედ საუკეთესო ლექტორების წყალობით დავინახე რეალურად უფრო ფართო მასშტაბში როგორ ოპერირებენ ინდუსტრიის წამყვანი მარკეტერები და პიარ სპეციალისტები.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული გამოცდილება განსაკუთრებით საქმიანობის სტრატეგიულ ნაწილში გამომადგა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტზე მახსოვს ყველაზე რთული  თემა შეგვხვდა, სსე-ს („საქართველოს სახელმწიფო ელექტროსისტემა”) საკომუნიკაციო კამპანია. მახსოვს, როგორ ვიკვლევდით სსე-ს საქმიანობას, წარსულ კომუნიკაციას, ვახდენდით შეცდომების დიაგნოსტირებას და ვცდილობდით გაგვეთვალისწინებინა ჩვენს საკომუნიკაციო გეგმაში. ვახდენდით თარგეთირებას მიზნობრივ აუდიტორიებზე და ვარჩევდით საკომუნიკაციო ლექსიკას.. ფანტასტიურად მახსენდება, ჩვევად მექცა პროექტების შესწავლა და მოკვლევა, პირველ რიგში.

უკან რომ შეგეძლოს დროის დაბრუნება, გაივლიდი თუ არა ისევ პიარსკოლის მარკეტინგული კომუნიკაციების კურსს?

სრულიად გულწრფელად – აუცილებლად გავივლიდი, გარდა იმისა რომ ბეევრი ცოდნა და გამოცდილება მივიღე ინდუსტრიის წამყვანი სპეციალისტებისგან, უამრავი ფანტასტიური ადამიანი შევიძინე ცხოვრებაში.

პიარის და მარკეტინგის კურსის შეფასება

რატომ პიარსკოლა? ჩემი აზრით პასუხი მარტივია… დღეს, როდესაც ტექნოლოგიები უსწრაფესად ვითარდება, ყოველდღურად გვჭირდება გვქონდეს კომპეტენცია, როგორც მარკეტინგის მიმართულებით, ისე სოციალურ მედიასა და საზოგადოებასთან ურთიერთობაში. არ აქვს მნიშვნელობა საკუთარი ბიზნესი გაქვს, დასაქმებული ხარ კომპანიაში თუ ვიწრო მიმართულებით სპეციალიზდები.

პირადად მე ვთვლი, რომ ცოდნის გასაღრმავებლად, ნიშური ტრენინგები და კურსები იდეალური საშუალებაა, დაზოგო დრო და სწრაფად მიიღო მოკლე, დამუშავებული ინფორმაცია, რომელსაც მომდევნო დღესვე გამოიყენებ პრაქტიკაში. ზუსტად ამ მიზეზების გამო გავაკეთე არჩევანი პიარსკოლაზე.

ცალსახად პიარსკოლა არა მხოლოდ რაიმე ახლის შეძენაზეა, ჩემთვის საუბარია არაჩვეულებრივ ადამიანებზე, რომლებთან ერთადაც ვსწავლობდი. ასევე ლექტორებზე, რომლებიც პირდაპირ აზიარებენ იმ ცოდნასა და გამოცდილებას, რომელიც დიდი ხნის მანძილზე დააგროვეს.

საბოლოოდ კი მიმაჩნია, რომ დღევანდელ დღეს, ნებისმიერ მიზანზე ორიენტირებულ ადამიანს,  საკუთარი განვითარება მუდმივად უნდა უნდოდეს, ყოველდღიურად უნდა ცდილობდეს შექმნას უკეთსი „მე“ რომელიც დაეხმარება მიაღწიოს დასახულს.

სწორედ ამიტომ, ყველას ვურჩევ გაიზიაროს ის გამოცდილება რომელიც ლექტორებმა ბევრი წლის განამვლობაში დააგროვეს, მიიღონ მათგან მაქსიმუმი მინიმალურ დროში და უკეთესი „მე-ს“ შენებაში, უმარტივესად გაიღრმავონ ცოდნა, რადგან ეს ის სფეროა, რომელიც ნებისმიერი სახის მოლაპარაკებასა თუ ბიზნესის მართვაში, დიდ როლს ითამაშებს.

კომუნიკაციების საოცრებათა ქვეყანაში

ინტეგრირებული მარკეტინგული კომუნიკაციები – უამრავი ფიქრი, აზრი, განცდა, ასოციაცია უკავშირდება ამ სიტყვებს.

ყოველდღიურად ვუყურებთ, ვკითხულობთ, ვხვდებით საინტერესო  ,,კონტენტს“, მაგრამ ვერ ვხედავთ იმ ადამიანებს, რომლებიც მიმზიდველი სიტყვების თუ გამოსახულების უკან დგანან. მაგრამ ვგრძნობთ, ვგრძნობთ რომ ,,ფერად“ ეპოქაში ვცხოვრობთ, და კომუნიკაციაც, შესაბამისად, ,,მრავალფერია“ – ტრადიციული, ავანგარდული, თამამი, კონსერვატული, საინტერესო, მოსაწყენი, მიმზიდველი, ჩამთრევი…

თითქოს ყველაფერი ვიცოდი, ყველაფერი მესმოდა, ყველაფერს ვხედავდი, ვაფასებდი და ვაკეთებდი… მაგრამ, 2020 წლის სექტემბერი სულ სხვა ,,ფერებით“ და სიახლით შემოვიდა ჩემს ცხოვრებაში. უცნაური და საოცარი, თითქოს, არაფერი ჩანდა – ინტეგრირებული მარკეტინგული კომუნიკაციების კურსი უნდა დაწყებულიყო პიარსკოლაში. დაიწყო კიდეც, მაგრამ არა ისე, როგორც დაგეგმილი გვქონდა. პანდემიამ და იზოლაციამ, პიარ სკოლის მე-40 ნაკადი (ციფრიც თითქოს საკრალური აღმოჩნდა – 20+20=40) zoom-ში შეგვახვედრა ერთმანეთს.

გარემო ნამდვილად არ იყო ტრადიციული – არ გვქონდა დაფა, მერხები და მხოლოდ ერთმანეთის სახეებს ვხედავდით. უცნაური გრძნობა მქონდა, რა უნდა მომხდარიყო, როგორ ან რატომ?… მაგრამ მოხდა ის, რასაც ვერასდროს წარმოვიდგენდი; სწავლის პროცესი ,,საოცრებათა ქვეყანას“ დაემსგავსა და მეც ლუის ქეროლის ლეგენდარული პერსონაჟი – ელისი გავხდი. მოლოდინი ნამდვილად დიდი მქონდა, მაგრამ ის, რაც ვნახე, გავიგე და ვისწავლე, სტანდარტული განზომილების საზღვრებს გასცდა. გასცდა და მეც, გაოცებული და აღფრთოვანებული, კომუნიკაციების ჯადოსნურ ზღაპარში მოვხვდი.

არა, აქ არც ნახატი დეკორაციები იყო და არც გამოგონილი პერსონაჟები; ჩვენ ნამდვილი ადამიანები ვიყავით რეალურ დროსა და რეალურ ადგილას, მაგრამ, კომუნიკაციების საოცრებათა ქვეყანაში ვმოგზაურობდით საინტერესო ამბებით, თემებით, საკითხებით, პერსონაჟებით.

სასიამოვნოდ გაოცებულს, ხშირად, დაძინება მიჭირდა, დიდხანს ვფიქრობდი იმ სახეებზე, სიმბოლოებზე, ფორმებზე, საკითხებზე, თემებზე, რასაც ვეცნობოდი. ზოგჯერ გული მწყდებოდა, საგნები მალე რომ მთავრდებოდა, თუმცა მოუთმენლად ველოდი ახალ თემებს, ახალ ლექტორებს, სიახლეებს, სასიამოვნოდ გაოცებას, გამოცდილების მიღებას.

ისე საოცრად ვგრძნობდი თავს, არ მინდოდა ეს მოგზაურობა მალე დასრულებულიყო, მაგრამ ყველა დასაწყისს აქვს დასასრულიც. ჰო, ყველაფერი სრულდება… არა, არ სრულდება, გრძელდება ემოციების, ცოდნის, შთაბეჭდილებების, გამოცდილების მეშვეობით.

მე აღარ ვარ ის, ვინც აქ მოსვლამდე ვიყავი: ჩემთვის მარკეტინგული კომუნიკაცია ცხოვრების მანტრა გახდა,  ბრენდის შექმნა – დაუვიწყარი გამოცდილება, პიარ-გეგმის შედგენა – ემოციური ,,სთორი“, ყველაფერი ერთად კი – ცხოვრების სტრატეგია!..

6 ნაბიჯი ეფექტური საკომუნიკაციო გეგმის შესაქმნელად

შენს სამიზნე სეგმენტს მიაწოდო. ამისათვის კი საკომუნიკაციო გეგმა აუცილებელია. ის ერთგვარი რუკაა, რომელიც გეხმარება განსაზღვრო თუ როგორ მიიტანო მესიჯი სამიზნე აუდიტორიამდე. ის მნიშვნელოვანი ხელსაწყოა, რომელიც უზრუნველყოფს ორგანიზაციის მხრიდან მკაფიო, კონკრეტული მესიჯების შექმნასა და გავრცელებას და მისგან გაზომვადი შედეგების მიღებას.

საკომუნიკაციო გეგმის შექმნა არც ისე მარტივია და ბევრ დროს მოითხოვს. წარმოგიდგენთ 6 ნაბიჯს, თუ როგორ შექმნათ ეფექტური საკომუნიკაციო გეგმა:

  1. ჩაატარეთ სიტუაციური ანალიზი

ჩაატარეთ აუდიტი იმის შესაფასებლად, თუ სად ხართ ამჟამად კომუნიკაციების თვალსაზრისით. არსებული კომუნიკაციის აუდიტის ჩასატარებლად შემდეგი ნაბიჯები გაიარეთ:

  • კომუნიკაციაზე პასუხისმგებელ თანამშრომლებთან ერთად გაიარეთ ყველა საკითხი, რაც კომუნიკაციასთანაა კავშირში.
  • ჩაატარეთ კვლევები და ფოკუს ჯგუფები
  • არსებობის შემთხვევაში გაესაუბრეთ თქვენს კომპანიაში არსებულ სხვა დეპარტამენტებს
  1. განსაზღვე მიზნები

მას შემდეგ რაც შეაგროვებ და შეაფასებ მიღებულ ინფორმაციებს, განსაზღვრე კომუნიკაციის მიზნები. რა შედეგების მიღება გსურს? რისი მიღწევა გსურს საკომუნიკაციო გეგმის განხორციელების შედეგად? გაითვალისწინე, დასახული მიზნები უნდა იყოს:

  • კონკრეტული
  • გაზომვადი
  • მიღწევადი
  • შედეგზე ორიენტირებული
  • კონკრეტულ დროზე გათვლილი
  1. განსაზღვრე აუდიტორია

აუცილებლად განსაზღვრე, თუ ვისთვის გინდა მესიჯის მიწოდება. გაანალიზე ორგანიზაციის ყველა სამიზნე აუდიტორია. ეს შეიძლება იყოს:

  • კლიენტები
  • პარტნიორები
  • მედიის წარმომადგენლები
  • არასამთავრობო ორგანიზაციები და ა.შ.
  1. განსაზღვრე საკომუნიკაციო არხები

ეცადე, შენს სამიზნე აუდიტორიას სხვადასხვა საკომუნიკაციო არხებით მიწვდე და რაც მთავარია, ზუსტად განსაზღვრე თუ რომელი არხით რომელ სამიზნე აუდიტორიისთვის შეძლებ ხმის მიწვდენას.

  1. დროში გაწერე ყველა ქმედება

იმისათვის, რომ მიაღწიო საკომუნიკაციო მიზნებს, საჭიროა დაგეგმო და დროში გაწერო თითოეული ის ქმედება, რომლის განხორციელებასაც აპირებ. ეს ეტაპი ნათელ წარმოდგენას შეგიქმნით, თუ რა გაქვთ გასაკეთებელი და რა ვადებში.

  1. შეაფასე შედეგები

დაწერილი საკომუნიკაციო გეგმის განხორციელება თქვენთან გარკვეულ ძალისხმევას მოითხოვს – თუმცა ის ამად ნამდვილად ღირს. ეს ის ინსტრუმენტია, რომელიც დაგეხმარებათ წარმატებით მიაწოდოთ მესიჯი სამიზნე აუდიტორიას და ჩამოაყალიბოთ ორმხრივად მომგებიანი ურთიერთობა. სწორად დაწერილი საკომუნიკაციო გეგმა დაგეხმარებათ, მიაღწიოთ თქვენს ბიზნეს მიზნებს და გააუმჯობესოთ მუშაობა.

პიარსკოლის ინტეგრირებული მარკეტინგული კომუნიკაციების კურსზე, 3 თვის განმავლობაში, იმუშავებთ საკომუნიკაციო გეგმის შემუშავებაზე. მის შექმნაში კი ლექციებზე მიღებული თეორიული ცოდნა დაგეხმარებათ. პროექტზე მუშაობისას მენტორობას გაგიწერევენ პიარისა და მარკეტინგული კომუნიკაციები კომპანია „ჯეპრას“ კონსულტანტები.