Tag: პიარსკოლა

პიარის და მარკეტინგული კომუნიკაციების კურსის შეფასება

Posted on by Tinatin Samkurashvili

მოკლედ მოგვიყევი შენი საქმიანობის შესახებ..

მე მარკეტერი ვარ, რამდენიმე წელია საქმიანობა გავაციფრულე და ამჟამად წარმატებული ქართულიბრენდის – CROSTY-ის Digital Advertiser ვარ.

როგორ დაგეხმარა პიარსკოლაში მიღებული ცოდნა კარიერულ წინსვლაში?

პიარსკოლა ერთგვარი გარდამტეხი წერტილი იყო იმ პროცესში, რასაც პროფესიის ფუნდამენტური ცვლილება წარმოადგენდა ჩემთვის. ბაკალავრის ხარისხი პოლიტოლოგიაში ავიღე. პირველი ნაბიჯები ინდუსტრიაში ჩემივე დიდი დაინტერესებით გადავდგი და ჩემი საქმიანობა მეტწილად საკუთარ პრაქტიკას ეფუძნებოდა. პიარსკოლამ ცოდნა არამხოლოდ თეორიით გამიმყარა, არამედ საუკეთესო ლექტორების წყალობით დავინახე რეალურად უფრო ფართო მასშტაბში როგორ ოპერირებენ ინდუსტრიის წამყვანი მარკეტერები და პიარ სპეციალისტები.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული გამოცდილება განსაკუთრებით საქმიანობის სტრატეგიულ ნაწილში გამომადგა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტზე მახსოვს ყველაზე რთული  თემა შეგვხვდა, სსე-ს („საქართველოს სახელმწიფო ელექტროსისტემა”) საკომუნიკაციო კამპანია. მახსოვს, როგორ ვიკვლევდით სსე-ს საქმიანობას, წარსულ კომუნიკაციას, ვახდენდით შეცდომების დიაგნოსტირებას და ვცდილობდით გაგვეთვალისწინებინა ჩვენს საკომუნიკაციო გეგმაში. ვახდენდით თარგეთირებას მიზნობრივ აუდიტორიებზე და ვარჩევდით საკომუნიკაციო ლექსიკას.. ფანტასტიურად მახსენდება, ჩვევად მექცა პროექტების შესწავლა და მოკვლევა, პირველ რიგში.

უკან რომ შეგეძლოს დროის დაბრუნება, გაივლიდი თუ არა ისევ პიარსკოლის მარკეტინგული კომუნიკაციების კურსს?

სრულიად გულწრფელად – აუცილებლად გავივლიდი, გარდა იმისა რომ ბეევრი ცოდნა და გამოცდილება მივიღე ინდუსტრიის წამყვანი სპეციალისტებისგან, უამრავი ფანტასტიური ადამიანი შევიძინე ცხოვრებაში.

რა განაპირობებს კოკა-კოლას წარმატებას გლობალურ ბაზარზე?

Posted on by Tinatin Samkurashvili

რა განაპირობებს კოკა-კოლას წარმატებას გლობალურ ბაზარზე? როგორც ერთ-ერთმა ყველზე ცნობილმა ბრენდმა მსოფლიოში, ნამდვილად იცის რამოდენიმე რამ წარმატებული გლობალური მარკეტინგის შესახებ. თითქმის საუკუნეა, ის ინარჩუნებს ლიდერის პოზიციას, როგორც პროდუქტის გაყიდვების, ასევე მარკეტინგის მიმართულებით.

გაგაცნობთ კომპანიის სტრატეგიის რამოდენიმე მიგნებას:

სიმარტივე

მიუხედავად იმისა, რომ კოკა-კოლა გლობალურ ინდუსტრიაში მრავალი პროდუქციითაა წარმოდგენილი, მას არასდროს გადაუხვევია კომპანიის ძირეული იდეალებისგან. მის მიერ განხორციელებული ყველა მარკეტინგული კამპანია ყოველთვის ინარჩუნებს ერთ ძლიერ და ეფექტურ მესიჯს: სიამოვნება. დასამახსოვრებელი და მარტივი სლოგანები, ისეთი, როგორიცაა „ისიამოვნე“ და „ბედნიერება“, არასდროს იქნება მოსაბეზრებელი, თან, რაც მთავარია, მათი თარგმნა ყველა ენაზე მარტივია.

პერსონალიზება

კოკა-კოლა იაზრებს, რომ მან მუდმივად უნდა ეძებოს გზები, მომხმარებლებთან ლოკალიზებულ ენაზე კომუნიკაციის დასამყარებლად.  მაგ.  მისი ერთ-ერთი კამპანია „Share a Coke” 50 ქვეყანაში იყო გაშვებული და  თითოეული ქეყნის შეთავაზება მორგებული იყო ლოკალურ კულტურასა და ენას. ეს კამპანია გლობალურ ბაზარზე ადგილობრივი პოზიციონირების სტრატეგიის განხორციელების ნათელი მაგალითია.

გამოცდილება

კოკა-კოლის წარმატების მნიშვნელოვან ელემენტს არა პროდუქტზე, არამედ ბრენდზე აქცენტი წარმოადგენს. კოკა-კოლა არ იყიდის სასმელს ბოთლში, ის ყიდის „ბედნიერებას“, რომელიც ბოთლშია. ათასობით განსხვავებული პროდუქტისა და შეფუთვის დიზაინი, რომლებიც რეგიონების მიხედვით განსხვავდება – კოკა-კოლას ადგილობრივ ბაზარზე სწორი პოზიციონირების საშუალებას აძლევს. გლობალური მარკეტინგის გეგმის მართვა, თუ კი ის პროდუქტზე იქნებოდა ფოკუსირებული, ნამდვილად გართულდებოდა. კოკა-კოლა ცდილობს მიყიდოს მომხმარებელს გამოცდილება და „ცხოვრების სტილი“, რომელიც დაკავშირებული იქნება მის ბრენდთან.

რისი სწავლა შეგვიძლია კოკა-კოლისგან, როცა საქმე ეხება წარმატებული გლობალური ბრენდის შექმნას? ადამიანური კავშირების დამყარება, ინოვაციურობის და ამავე დროს მარტივი პრინციპების შენარჩუნება, ბრენდირებული ემოციებისა და გამოცდილებების შექმნა – გლობალური მარკეტინგის ის ტექნიკებია, რომლებმაც კოკა-კოლას ლიდერობა განაპირობა.

პიარის და მარკეტინგული კომუნიკაციების კურსის შეფასება

Posted on by Tinatin Samkurashvili

ყველაფერი დაიწყო მაშინ, როდესაც სოციალური მეცნიერებების ფაკულტეტის მაგისტრატურას ვამთავრებდი. ამ პერიოდში ხშირად მქონდა კითხვა, თუ რომელი სფერო შემესწავლა დამატებით. მინდოდა ისეთი პროფესიის შესწავლა, რომელიც ჩემს ბუნებასთან იქნებოდა ახლოს. ჩემი კომუნიკაბელურობიდან და ხასიათის სხვა თვისებებიდან გამომდინარე, ვიფიქრე, რომ პიარი აყო ის სფერო, რომელშიც თავს კომფორტულად და თავისუფლად ვიგრძნობდი, ასეც მოხდა…

კურსი სოფო შუბლაძემ გახსნა. სოფო გვიკითხავდა ეფექტური კომუნიკაციის ლექციებს. სოფო – უენერგიულესი, უნიჭიერესი, თავის პროფესიაზე შეყვარებული და გადარეული ადამიანი იყო. ზუსტად მან მომცა დამატებითი სტიმული, მოტივაცია და მუხტი იმისა, რომ გამეგრძელებინა პიარსკოლაში სწავლა. ძალიან ბედნიერი ვარ, რომ მერგო წილად გამეცნო ის და მონაწილეობა მიმეღო მის სუპერ სამოტივაციო და ენერგიის მომცემ ლექციებში.

უნდა აღინიშნოს, რომ პიარსკოლის ყველა ლექტორი გამორჩეულია თავისი პროფესიონალიზმით. ისინი გვიზიარებენ არამხოლოდ თეორიულ ცოდნას, არამედ თავიანთ მრავალწლიან პრაქტიკულ გამოცდილებას.

მსოფლიო პანდემია პიარსკოლაში სწავლის პერიოდში გამოცხადდა. ყველანი ავღმოჩნდით ერთმანეთისგან იზოლირებული, ამიტომაც მიმდინარე კურსიც შეჩერდა. თვითიზოლაციის პერიოდში, პიარსკოლის წარმომადგენლები გვერდში გვედგნენ და უსასყიდლოდ გვამხნევებდნენ ონლაინ ტრენინგებით. ამისთვის განსაკუთრებული მადლობა სოსო გალუმაშვილს. იგი ყოველთვის გვაგრძნობინებდა, რომ არ უნდა გავჩერებულიყავით და თვითიზოლაციის პერიოდი გამოგვეყენებინა თვითგანვითარებისთვის.

მოგვიანებით პიარსკოლის კურსი უკვე ახალი სახით, ონლაინ ჩართვების საშუალებით გაგრძელდა. მიუხედავად იმისა, რომ ყველას გვინდოდა აუდიტორიებში, ცოცხალ რეჟიმში გაგვერძელელებინა შეხვედრები, სახელმწიფოს მიერ დაწესებული რეგულაციების გამო ეს შეუძლებელი გახდა.

მაგრამ უნდა ითქვას, რომ ონლაინ სწავლების რეჟიმმა გაამართლა. ჩვენ, მოსწავლეებმა და პიარსკოლის წარმომადგენლებმა მარტივად ავუღეთ ონლაინ სწავლების რეჟიმს “ალღო” და დაწყებული საქმე ( კურსი) წარმატებულად მივიყვანეთ ბოლომდე.

პიარსკოლამ ბევრი რამ სხვა თვალით დამანახა, შემიცვალა ხედვა. პიარსკოლის კურსის საშუალებით საზოგადოებასთან ურთიერთობის სფეროში გამიფართოვდა ცოდნა არა მარტო თეორიული, არამედ პრაქტიკული მიმართულებითაც. მიღებული ცოდნა მეხმარება, ფეხი ავუწყო თანამედროვე მოვლენებს და თავდაჯერებულად ვუპასუხო ახალ გამოწვევებს.

პიარსკოლას ვურჩევ ყველას, განსაკუთრებით მათ, ვისაც სურს აღმოაჩინოს საკუთარ თავში ახალი უნარები და შესაძლებლობები, საკუთარ თავში ჩამოიყალიბოს ახალი ხედვა და მიზნები.

მე ვამაყობ რომ პიარსკოლის კურსდამთავრებული ვარ!

პიარის და მარკეტინგული კომუნიკაციების კურსის შეფასება

Posted on by Tinatin Samkurashvili

პიარსკოლის შესახებ ყოველთვის ბევრი მსმენოდა და გამეგო. ვიცოდი, რომ ეს იყო განსაკუთრებული, საინტერესო და მრავალფეროვანი კურსი, თუმცა ის რაც გამოვცადე, ის პროცესები, რაშიც აქტიური მონაწილეობა მივიღე არის დაუვიწყარი გამოცდილება და მოგონება, რომელსაც კომუნიკაციების ჯადოსნურ სამყაროში შებიჯებას დავარქმევდი და რომელიც მთელი ცხოვრება დარჩება ჩემთვის იმ წარმატებულ გადაწყვეტილებათა სიაში, რომლითაც ვამაყობ.

მთელი კურსის განმავლობაში აქამდე არსებულ თეორიულ ცოდნას ისეთი მიმართულება მიეცა, იმდენი ხედვა, ახალი იდეა დაიბადა, რომელთა სრულყოფილად განსახორციელებლად შეიძლება რამდენიმე წელიც დამჭირდეს.

პიარსკოლა – ეს არის თეორიულ ცოდნაზე დაფუძნებული პრაქტიკული გამოცდილება, რომელიც ყველა დახურულ კარს მიღმა, ყველა მიუწვდომელ “ჭუჭრუტანაში” გაგახედებთ და დაგანახებთ რომ კომუნიკაციები იმაზე მეტია, ვიდრე ოდესმე წარმოიდგენდით.

ახლა სეირნობ ქუჩებში,  უყურებ სარეკლამო ბანერებს, ბილბორდებს, გიგანტი ქართული თუ უცხოური კოპმანიების სარეკლამო და პიარ სტრატეგიებს და ისეთი შეგრძნება გაქვს, თითქოს თითოეული პიარ კამპანია შენს თვალწინ შეიქმნა, თითქოს მათ დაგეგმვაში შენი წვლილი შეიტანე, იცი რა პროცესს რა მოყვა, როგორი პოზიციონირების განაცხადით, სტრატეგიით და სეგმენტაციით განხორციელდა. თითქოს წინასწარ იმუშავე კომპანიის იმ ტენდენციებსა და მიდგომებზე, რომელიც  მის იმიჯსა და რეპუტაციას უზრუნველყოფს, აანალიზებ ამ ყველაფერს და გრძნობ, რომ ეს სფერო შენია, სფერო, რომელშიც ბევრი გაქვს სათქმელი.

მე მიყვარს პიარსკოლა და ქართულ ამერიკულ უნივერსიტეტში გატარებული თითოეული ლექცია და ლექტორი. საალექციო საათები, რომელიც არასოდეს ყოფილა ისეთი საინტერესო და ჯადოსნური, როგორც 2019 წლის შემოდგომით..

და ბოლოს, იყო პიარისა და ინტეგრირებული მარკეტინგული კომუნიკაციების კურსდამთავრებული – ეს არის დიდი ძალისხმევა და გამოწვევაა, ერთგვარი გარანტი იპოვო საკუთარი თავი, გწამდეს შენი განუზომელი შესაძლებლობების და  იყო წარმატებული მთელი კარიერის განმავლობაში.

მარკეტინგული კომუნიკაციების კურსის შეფასება

Posted on by Tinatin Samkurashvili

ბევრი ჩემი მეგობარი ყოფილა პიარსკოლელი, გავიკითხე, მოვიძიე, გავეცანი ინფორმაციებს პიარსკოლის კურსის შესახებ და სულ რამდენიმე წუთში მივიღე გადაწყვეტილება – დავრეგისტრირდი.

20 იანვარს დავიწყეთ სწავლა.. თუმცა, 2 თვეში Covid-19 შემოიჭრა თითოეული ჩვენგანის ცხოვრებაში, გამოგვკეტა სახლებში და „დაგვაპაუზა“. სტუდენტების უმეტესობამ გადავწყვიტეთ, დავლოდებოდით პანდემიის გადავლას და კვლავ აუდიტორიაში გაგვეგრძელებინა სწავლა, თუმცა…

დისტანციურ სწავლებას თავისი დადებითი და უარყოფითი თვისებები აქვს… ლექტორების სიას თუ გადახედავთ, მიხვდებით თუ რა მიზეზით არ მსურდა სწავლის დისტანციურ რეჟიმში გაგრძელება. სხვა ხიბლი აქვს რეალურ კომუნიკაციას, რეალურ აღქმად ემოციებს ასეთ ლექტორებთან ურთიერთობისას…

ახლა, უსამართლობა იქნება Covid-19-ს მადლობა არ ვუთხრა, იმისათვის რომ მომცა შესაძლებლობა დავსწრებოდი ლექციებს განმეორებით, აწ უკვე ონლაინ რეჟიმში. სწავლა 20 სექტემბერს განვაახლეთ. პირველი გაოცება გასაუბრებისას, სოსო გალუმაშვილმა გამოიწვია, შემდეგ იყო ნინო ჩიჩუა, ანდრო მეტრეველი, მაიკო ძირკველიშვილი, კახა მაღრაძე, ნინი ლაშქარიშვილი და თითოული სხვა.. ესენი გახლავთ ადამიანები, რომლებიც შეყვარებულები არიან თავიანთ საქმეზე და სასწაული გრძნობით გადმოგცემენ და გიზიარებენ პირად გამოცდილებას.

რატომ პიარსკოლა? – იმიტომ რომ ეს არის კურსი, სადაც შესაძლებლობა გაქვს დარწმუნდე საკუთარ თავში და თამამად თქვა – მე ეს შემიძლია! ჰო, შენ შეგიძლია უკეთ დაინახო შენი შესაძლებლობები! სწორად დაგეგმო და მართო ესა თუ ის პროექტი! შეიძინო საუკეთესო მეგობრები ლექტორებისა და სტუდენტების სახით! დარწმუნდე, რომ ჩვენი მომავალი მართლა ჩვენს ხელშია!

როგორია იყო პიროვნული და ორგანიზაციული განვითარების ტრენერი

Posted on by Tinatin Samkurashvili

გამარჯობა, მე ნინო ეფხოშვილი ვარ, პოზიტიური ფსიქოკონსულტანტი, პიროვნული და ორგანიზაციული განვითარების ტრენერი და ქოუჩი. უფრო მარტივად რომ ვთქვა ადამიანებს და ორგანიზაციებს ვეხმარები განვითარებაში, ცნობიერების ამაღლებაში და შედეგების გაუმჯობესებაში.

განვითარება, ცნობიერების ამაღლება და საკუთარი შედეგების გაუმჯობესება ჩემთვის ყოველთვის მნიშვნელოვანი იყო, სწორედ ამიტომ მოვხვდი 2012 წელს პიარსკოლაში. 8 წლის წინ განსაკუთრებით დეფიციტური იყო საქართველოში ისეთი ადგილი, სადაც პიარზე და მარკეტინგული კომუნიკაციაზე შეგეძლო ყველაზე მაგარი ადამიანებისგან და პროფესიონალებისგან გესწავლა და მე ძალიან გამიმართლა. მაშინ ჯერ კიდევ კორპორატიულ სამყაროში ვიყავი და ჩემს კომპანიაში განვითარებაზე ორიენტირებული ადამიანები შემოვიკრიბე და ერთად წავედით პიარ სკოლაში.

მერე სულ ვაკვირდებოდი ამ ადამიანების განვითარებას და შემთხვევით არ იყო რომ ისინი კომპანიის შიგნით თუ გარეთ გამორჩეულად ახერხებდნენ წინსვლას, ვფიქრობ რომ ამაში პიარსკოლას დიდი წვლილი მიუძღვის.

რამდენიმე წლის წინ კორპორატიულ სამყაროში მოღვაწეობის პარალელურად საკუთარი მისიაზე ორიენტირებული კომპანია დავაფუძნე _ ,,წარმატების სკოლა” და თავისუფალ დროს ტრენინგებს ვატარებდით ადამიანებისთვის, ვისთვისაც განვითარება და ცნობიერების ამაღლება მნიშვნელოვანია. ცოტა ხნის წინ მთლიანად გადმოვერთე ამ საქმიანობაზე და ძალიან ბედნიერი ვარ, რომ შემიძლია ის ვაკეთო რაც ჩემთვის მნიშვნელოვანია და ადამიანებს და ორგანიზაციებს დავეხმარო საკუთარი ღირებულებების გარკვევაში და საკუთარი ღირებულებების ერთგულებით შედეგების გაუმჯობესებაში.

ვფიქრობ, რომ ამ ყველაფერში პიასკოლა ძალიან დამეხმარა და ძალიან დიდი მადლობა მინდა ვუთხრა ყველა ლექტორს, რომლებისგანაც ვისწავლე ღირებულებების ერთგულება და მთლიანად პიარსკოლას, რომელიც არის ჩემთვის კარგი და სასარგებლო საქმის კეთების მაგალითი.

ამბის თხრობა და მისი მნიშვნელობა მარკეტინგში

Posted on by Tinatin Samkurashvili

ამბის თხრობა მარკეტინგში ნარატივის მეშვეობით მომხმარებლისთვის გარკვეული მესიჯის მიწოდებას გულისხმობს. მის მიზანს, მაყურებლისთვის თუ მკითხველისთვის იმ შეგრძნებების გაჩენა წარმოადგენს, რაც მათ შთააგონებს განახორციელონ გარკვეული ქმედებები. ამბის თხრობა სხვადასხვა სახითაა შესაძლებელი: ისტორიები შეგიძლიათ გადმოსცეთ ფოტოებში, ვერბალურად ან წერილობით. ისინი შეგიძლიათ გაავრცელოთ სხვადასხვა არხებით – დაწყებული სოციალური მედიით, დასრულებული ბილბორდებით.

ამბის თხრობა ერთ-ერთი ყველაზე ეფექტური გზაა, რომელიც საშუალებას აძლევს მარკეტერებს გააცოცხლონ ბრენდი. მისი მეშვეობით მარკეტერები ძლიერ ემოციურ კავშირს ამყარებენ მომხმარებელსა და ბრენდს შორის.  ისინი იდენტობას ანიჭებენ ბრენდს და ამით მომხმარებელს მრავალფეროვან გამოცდილებას ანიჭებენ. მსოფლიოს უდიდესმა ბრენდებმა კი კარგად იციან, თუ რამხელა ძალა აქვს ამბის თხრობას მარკეტინგში.

ისტორიებს შეუძლიათ მოახდინონ ძლიერი ზეგავლენა ჩვენზე. ამის ძალიან კარგი მაგალითია Apple watch. 

2018 წელს Apple-მა გამოაქვეყნა Youtube ვიდეო სათაურად “Apple watch – რეალური ისტორიები”. ვიდეოში ასახული იყო რეალური ისტორიები, თუ როგორ გადაარჩინა 4 ადამიანი სიკვდილს Apple watch-მა.

ასეთი ისტორიები მომხმარებელს უჩვენებს იმ გავლენას, რასაც ზოგიერთი პროდუქტი ახდენს ჩვენზე. ეს კი მათ ეხმარება გაანალიზონ, თუ რა სარგებელი აქვს ამ პროდუქტს და როგორ გააუმჯობესებს ის მათ ცხოვრებას.

https://www.youtube.com/watch?v=0tqB4jnCxqA

 

 

ეს არის ის, რისკენაც ყველა ბრენდი უნდა ისწრაფვოდეს. მოტევი ისტორია, რომელშიც მომხმარებელი ამოიცნობს საკუთარ თავს,  დაინახავს თუ რატომ ვერ გაძლებს შენი პროდუქტის გარეშე, ან რამდენად კარგად იქნება თუ კი შენს პროდუქტს ან სერვისს მოიხმარს. სწორედ ესაა ამბის თხრობის ძალა..

თათა კაპანაძე “კალეისი”-სა და პიარსკოლაში მიღებული გამოცდილების შესახებ

Posted on by Tinatin Samkurashvili

4 წლის წინ ერთ-ერთ  სტარტაპ კომპანიაში დავიწყე მუშაობა, სადაც უამრავი გამოცდილება დავაგროვე და განვვითარდი. დროთა განმავლობაში გამიჩნდა სურვილი, პარალელურად, საკუთარ გამოცდილებებზე დაყრდნობით, პატარა ბიზნესი წამომეწყო და აღმომეჩინა, გამომეცადა საკუთარი ძალები და შესაძლებლობები. ჩემს ბავშვობის მეგობართან ერთად 2018 წელს შევქმენი ვერცხლის აქსესუარების კომპანია „კალეისი“, რომელიც მომხმარებელს მინიმალისტური სტილის, მაღალი ხარისხის ვერცხლით დამზადებულ აქსესუარებს სთავაზობს და გამოირჩევა ორიგინალური შეფუთვით.

რადგან აქამდე არ მქონია ბიზნესის კეთების გამოცდილება მივედი გადაწყვეტილებამდე რომ ჩემი ცოდნა უფრო მეტად გამეღრმავებინა და გამეფართოვებინა პიარისა და მარკეტინგის კუთხით, რადგან დღესდღეობით ამ ორი პროფესიის ცოდნის გარეშე ძალიან რთულია ბაზარზე პოზიციონირება და ბრენდის შექმნა. სწორედ ამიტომ, გადავწყვიტე პიარსკოლაში გამევლო პიარისა და ინტეგრირებული მარკეტინგის კურსი და ჩემი არჩევანით ძალიან კმაყოფილი ვარ. გავიგე უამრავი რამ კვლევების, მარკეტინგის, ბრენდინგის, სოც.მედიისა და სხვა ბევრი საკომუნიკაციო არხის შესახებ. ვიმუშვე რეალურ პროექტზე და მთელი ეს სამთვიანი გამოცდილებები უფრო მეტად დამეხმარა საკუთარი ბიზნესის განვითარებაში.

კალეისი დღესდღეობით დიდი პოპულარობით სარგებლობს როგორც საქართველოში, ისე საქართველოს ფარგლებს გარეთ.

იხილეთ კალეისის Facebook გვერდი მოცემულ ბმულზე: https://www.facebook.com/kaleisii/

ანი ხავთასის პირადი INSTAGRAM ბლოგი და მისი გამოცდილება

Posted on by Tinatin Samkurashvili

მას შემდეგ, რაც ვიზაჟისტობა შევისწავლე ინსტაგრამზე განვათავსე ჩემი ნამუშევრები იმ მიზნით, რომ ხალხს შეეტყო ჩემი საქმიანობის შესახებ. ჩემდა გასაკვირად მალევე წამოვიდა დაინტერესება და ხალხის ჩართულობა. თავიდან ბლოგის იდეა არ მქონდა, მაგრამ ნელ-ნელა დავიწყე ცოდნის გაზიარება და კიდევ უფრო გავაქტიურდი. ჩემი გვერდი სილამაზეს და თავის მოვლას ეხება.

პიარსკოლას დიდი როლი მოუძღვის ჩემს გაზრდაში, აქ მიღებული მარკეტინგული ცოდნა დამეხმარა დამესვა სწორი აქცენტები და ესა თუ ის პროდუქტი მომხმარებლამდე სწორად მიმეტანა. პიარსკოლიდან ბევრ სიკეთესთან ერთად ვისწავლე ისიც, რომ “მომხმარებელს”, ჩემს შემთხვევაში გამომწერებს, არასდროს უნდა მოვატყუო, მთავარია მათ გულწრფელი ემოცია გავუზიარო! ამიტომაც, ვფილტრავ კომპანიებსაც და კონკრეტულ პროდუქტებსაც. ვისწავლე სწორი კომუნიკაცია, როგორც ბრენდებთან,  ისე გამომწერებთან, რაც უმნიშვნელოვანესია.

ქალბატონი სოფო შუბლაძის ლექციების (ეფექტური კომუნიკაციები) დახმარებით უფრო გახსნილი და თავდაჯერებული ვარ, ბატონი ალექსანდრე გაბუნიას ლექციების (ვიზუალური მარკეტინგი) დახმარებით კი დეტალებზე ორიენტირებული გავხდი! “ბრენდინგი” კი იყო ის საგანი, რომელმაც ახალი იდეები და მათი სწორად განხორციელების სურვილი მომიტანა.

იხილეთ ანის პირადი ბლოგი: https://www.instagram.com/anixavtasii/

სტარტაპ-სტატუსის გამარჯვებული MUZA და თინა დონაძის გამოცდილება

Posted on by Tinatin Samkurashvili

ხშირად გვესმის, რომ ახალი თაობა ტექნოლოგიებმა დააშორა ისტორიასა და კულტურას, გვინდა სწორედ ტექნოლოგიების დახმარებით აღვადგინოთ ეს კავშირი.

MUZA აპლიკაციაა, რომელიც მუზეუმში ვიზიტს თამაშად აქცევს. გუნდში სამნი ვართ, მე, ქეთა ჩიღვინაძე და სალომე ნაფეტვარიძე. მალე, მუზეუმში სტუმრობა მეტად სახალისო და შემეცნებითი გახდება, განსაკუთრებით კი ბავშვებისთვის. სხვადასხვა სივრცესა და ექსპონატებზე მორგებული მისიები, გუნდური თამაში და ინტერაქცია მუზეუმში მიღებული ინფორმაციის დამახსოვრებას ამარტივებს. აპლიკაციას ექნება ისეთი ფუნქციები, როგორიცაა, სიჩქარის კონტროლი, რაც გარანტიას გვაძლევს, რომ ჩვენი მოთამაშეები დანარჩენი დამთვალიერებლებისთვის ‘შეუმჩნევლები იქნებიან. თამაშის ბოლოს კი ვიზიტორი კითხვარს ავსებს, რომ მიღებული ცოდნა გაამყაროს და გამოცადოს.

იდეამ რამდენიმე დემო დღე და კონკურსი გაიარა. MIT-ს გლობალურ სტარტაპ ლაბს, რეგიონში პირველად, ჩვენმა უნივერსიტეტმა BTU-მ უმასპინძლა. პროექტის ფინალურ დღეს Silknet-ის ფულადი პრიზი 10,000 ლარი მოვიგეთ. ამ თანხით აპლიკაციის საცდელ ვერსიაზე ვიმუშავეთ, რომელსაც მალე ვაჩვენებთ მომხმარებელს. ცოტა ხნის წინ BTU-ს სტარტაპ-სტატუსი მოგვენიჭა, რაც კიდევ უფრო დააჩქარებს პროდუქტის ბაზარზე ჩაშვებას.

პროექტზე მუშაობისას ბევრი ადამიანის აზრს ვითვალისწინებთ. ფსიქოლოგები, მასწავლებლები, ისტორიკოსები, მუზეუმის გუნდის წევრები გვეხმარებიან, რომ აპლიკაცია გამართული იყოს და სხვადასხვა ადამიანის ინტერესებს მოვარგოთ.

ჩემი ძირითადი ყოველდღიური საქმიანობა და როლი MUZA-ს გუნდში მარკეტინგულ კომუნიკაციებს უკავშირდება. ამ მიმართულებით თეორიული და პრაქტიკული ცოდნა პიარსკოლაში მივიღე, რაც ყოველ ეტაპზე მეხმარება. დღემდე ხშირად ვუბრუნდები ლექტორებს და მენტორებს სხვადასხვა რჩევისთვის. მიხარია, რომ ეს გუნდი გავიცანი და სამთვიანმა გამოცდილებამ ბევრი რამ მასწავლა.