ზურა ბალანჩივაძე პიარსკოლის შესახებ

1. თქვენი აზრით, რა უპირატესობები აქვს გაუ-თბილისის პიარსკოლას და რატომ უნდა ჩააბარონ აქ?     

ყველა ჩვენგანის ცხოვრებაში ყოფილა ალბათ მომენტი, როცა არ ვიცით, რა გვინდა. გაუ-თბილისის პიარსკოლის ლექტორად ყოფნის ხუთწლიანი გამოცდილება მკარნახობს, რომ ყველაზე ხშირად ამ კითხვაზე პასუხის მისაღებად მოდიან აქ და შემდეგ აღმოაჩენენ, რომ ის, რასაც აქ ისწავლიან უკლებლივ ყველას გარკვეული დოზით სჭირდება. პიარი და მარკეტინგული კომუნიკაციები თითოეული ჩვენგანის ყოველდღიური ცხოვრების წესია კარიერიიდან პიროვნულ დონემდე და პიარსკოლის კურსი ადამიანში სწორედ ამ უნარებს აღრმავებს და ავითარებს.

2. რას მიიღებს სტუდენტი თქვენი ლექციებიდან და როგორ გამოიყენებს მიღებულ ცოდნას მომავალ საქმიანობაში?         

პირადად ჩემი ლექციებიდან სტუდენტი უმთავრესად მიიღებს ხედვას. ვინაიდან სოციალურ ქსელებში ყველაფერი მალე იცვლება, სწორი მარკეტინგული და პიარკამპანიის წარმოებისთვის მთავარი იარაღი სწორი ხედვის, მართვის სისტემისა და შედეგების გაზომვის მეთოდის შემუშავებაა.