პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, LLC COLLIDER-ის დამფუძნებელი ანანო ჭიჭაღუა აფასებს:

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებულ ცოდნას დღევანდელ საქმიანობაში აქტიურად ვიყენებ და ძალიან მიხარია, რომ გავიარე პიარისა და მარკეტინგული კომუნიკაციების კურსი.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

M2-ის საკომუნიკაციო კამპანიაზე. ძალიან საინტერესო იყო და საერთოდ სხვა კუთხით შემახედა პიარისმიმართულებებზე და ცოდნის პრაქტიკაში გამოყენებაზე. საკმაოდ ეფექტური დასასრული იყო კურსის.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ვფიქობ, ვისაც პიარი და მარკეტინგი აინტერესებს, მათ აუცილებლად უნდა გაიარონ ეს კურსი, იმიტომ რომ საიტერესო ბეჭდვითი მასალის გარდა, ლექტორების გამოცდილებიდან გამომდინარე, მათი მაგალითებიდან კიდევ უფრო მეტს იგებს სტუდენტი. ზოგადად პრაქტიკული სავარჯიშოები არის ძალიან საინტერესო და პროდუქტიული.

რა მოგეწონა ყველაზე მეტად კურსზე? რას გამოარჩევდი?

გამოვარჩევდი ლექტორებს, მენეჯმენტს. ზოგადად ვფიქრობ, რომ ძალიან კარგად არის აწყობილი არამარტო კურსი, არამედ ზოგადად მენეჯმენტი. ასევე გამოვყოფდი პრაქტიკულ ლექციებს. თუმცა პრიორიტეტებში მაინც ლექტორები არიან.

რას ნიშნავს შენთვის, იყო პიარსკოლელი?

რაოდენ უცნაურადაც არ უნდა ჟღერდეს, ძალიან ამაყი ვარ, რომ  გავიარე ეს კურსი, და კიდევ უფრო მეტად ამაყი ვარ როდესაც ხმამაღლა ვამბობ, რო მე პიარსკოლელი ვარ,  ყველამ იცის რა დიდი და კარგი გუნდის წევრი ვარ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ანა მარშანია აფასებს:

მოკლედ მოგვიყევი შენი საქმიანობის შესახებ..

ამჟამად ვმუშაობ რადიო „პალიტრაში“, საინფორმაციო სამსახურის უფროსის პოზიციაზე, ასევე ვარ ტელეკომპანია PALITRANEWS-ის გადაცემა „აქტუალური თემის“ წამყვანი.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

სამუშაო პროცესში თავისთავად, თუმცა მის მიღმაც, აღსანიშნავია, რომ პიარსკოლაში მიღებული ცოდნის გამოყენება მხოლოდ საქმეში არ ხდება. კურსის პირველი ლექცია ეფექტური კომუნიკაციების შესახებ ტარდება. დამეთანხმებით, რომ ეფექტური კომუნიკაციის დამყარება ყველასთან საჭიროა, შინ და გარეთ. კარგად მახსოვს, პირველივე ლექციის დასრულებისთანავე როგორ შევცვალე და დავხვეწე მიდგომები ადამიანებთან ურთიერთობისას, რამდენი ხარვეზი და ნაკლი დავინახე ჩემი თუ სხვების კომუნიკაციაში.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარკოლაში ზუსტად იციან რა შესთავაზონ პიარისა და ინტეგრირებული მარკეტინგული კომუნიკაციებით დაინტერესებულ სტუდენტებს, რა მოთხოვნებია ბაზარზე. აქ საგნებს სფეროს ლიდერები ასწავლიან, შესაბამისად, მათ ყველაზე უკეთ იციან რა ხდება უშუალოდ მათ დარგში, რა სიახლეები და გამოწვევებია. თეორიული ნაწილის გარდა, ლექციებზე მნიშვნელოვანი დრო მათი მრავალწლიანი გამოცდილების გაზიარებას, კონკრეტული ქეისების განხილვას ეთმობა, შესაბამისად, პრაქტიკული ნაწილი ძალიან ინფორმაციული და საინტერესოა. ამასთან, აქ სტუდენტების სახით იკრიბებიან განსხვავებული პროფესიის, განსხვავებული ინტერესების მქონე ადამიანები, რაც თავის მხრივ, კონტაქტების დიდ წრესა და კაპიტალს ქმნის.

ყველაზე მეტად რა მოგეწონა კურსში?

იყო ლექცია და ლექტორი, მხოლოდ მისი ქვეკურსი რომ გამევლო, მხოლოდ მის მოსასმენად ღირდა პიარსკოლაში სწავლის დაწყება. ხშირად მიფიქრია, სიამოვნებით დავჯდებოდი სადმე, კუთხეში, მის სამუშაო ოთახში, მოვუსმენდი, დავაკვირდებოდი როგორ მუშაობს, როგორ გეგმავს. დიდი კომფორტი და გამართლებაა ასეთ ადამიანთან ურთიერთობა. ძალიან მაკლია და მენატრება… და წარმოიდგინეთ, მის გარდა იყო კიდევ 11 ლექტორი, თავისი საქმის მცოდნე და პროფესიონალი. შეიძლება გაგეცინოთ, მაგრამ ლექციების ვიდეოჩანაწერები აუდიო ფორმატში გადავიტანე, მობილურში გადავწერე და სამსახურიდან სახლში მიმავალი ყურსასმენებით ვუსმენ. სხვათაშორის, ბევრი მეკითხება რამდენად ეფექტური იყო კურსის ონლაინ ფორმატში გავლა. ბუნებრივია, რეალურ ურთიერთობებს არაფერი სჯობს, თუმცა ონლაინ ფორმატსაც თავისი პლიუსები აღმოაჩნდა. პირველ რიგში ის, რომ არც ერთი ლექცია არ გამიცდენია და კოვიდინფიცირებულმაც კი მოვახერხე კოვიდსასტუმროდან (სიცხიანმა და ზოგჯერ, ტკივილებით დაკლაკნილმა) ლექციებზე დასწრება.

რას ნიშნავს შენთვის იყოს პიარსკოლელი?

ვიყო პიარსკოლელი ნიშნავს ვიყო დიდი ოჯახის წევრი, რომელიც აერთიანებს მრავალფეროვან, წარმატებულ, მიზანდასახულ, მოტივირებულ ადამიანებს. იყო პიარსკოლელი ნიშნავს გყავდეს საკონტაქტო პირი ყველგან, სადაც დაგჭირდება და რაც მთავარია, შენც იყო მათთვის ერთგვარი ხიდი, საყრდენი, საჭირო ადამიანი კომუნიკაციის პროცესში. საქმიანი კავშირების გარდა, ეს არის  საინტერესო ადამიანების გამორჩეული ქსელი, გამორჩეული ურთიერთობებით.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ქრისტინა ცნობილაძე აფასებს:

მოკლედ მოგვიყევი შენი საქმიანობის შესახებ..

ს.ს “ოპპა”-ს  გაყიდვებისა და სააგენტო ქსელის მართვის განყოფილების უფროსი სპეციალისტი.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა გაყიდვების ზრდასა და კლიენტებთან ეფექტურ კომუნიკაციაში მეხმარება.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ვფიქრობ, ის სტუდენტები, ვინც პიარის ან მარკეტინგულ პოზიციაზე მუშაობს, ძალიან დიდ გამოცდილებას მიიღებენ, როგორც თეორიული ასევე პრაკტიკული თვალსაზრისით. ძალიან საინტერესოდ შედგენილი და საკმაოდ ინფორმაციული კურსია.

ყველაზე მეტად რა მოგეწონა კურსში?

ყველაზე მეტად მომეწონა ის, რომ თეორიულ მასალებთან ერთად ლექტორები გვიზიარებდენენ საკუთარ პრაკტიკულ გამოცდილებას, საინტერესო იყო ჯგუფური სავარჯიშოები, რომლებიც უფრო აღქმადს და გასაგებს ხდიდა თეორიულ მასალას. ასევე ავღნიშნავდი ლექტორების პოზიტიურ დამოკიდებულებას სტუდენტების მიმართ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ანანო ციცვიძე აფასებს:

მოკლედ მოგვიყევი შენი საქმიანობის შესახებ..

ვმუშაობ GAU-ში, მარკეტინგის დეპარტამენტში, მედია კომუნიკაციებისა და სტუდენტური სერვისების მიმართულების ხელმძღვანელის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

ერთის მხრივ, პიარსკოლაში მიღებული ცოდნა ამარტივებს ჩემს ყოველდღიურ საქმიანობას, ნაკლებადვორჭოფობ გადაწყვეტილების მიღებისას. მეორე მხრივ, მიღებული ცოდნა მეტ პროფესიულთავდაჯერებულობას მმატებს, რაც თავისთავად ზრდის შესრულებული საქმიანობის ეფექტურობას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტი იყო: “ნაადრევის ქორწინების საწინააღმდეგო სოციალური კამპანია”. პიარსკოლამდე ბევრ პროექტზე მიმუშავია, მაგრამ პირველად დავაკავშირე ერთმანეთთან “ა-დან ჰ-მდე” ტექნიკა, მომზადების პროცესი, დეტალები, მიზნები, ყველაფერი ის, რაც რეალურ სამუშაო სივრცეში კამპანიას აქცევს წარმატებულად.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

სულ რაღაც 3 თვეში, იღებ სისტემურ ცოდნას: თეორიულსა და პრაქტიკულს. იცნობ დარგის წამყვანსპეციალისტებს და გიყალიბდება ხედვა.

ყველაზე მეტად რა მოგეწონა კურსში?

ძალიან ბევრი რამ მომეწონა, ყველაზე მეტად ალბათ დავალებები, მართალია ზოგჯერ ვწუწუნებდი, მაგრამ რეალურად ის პატარ-პატარა პროექტები, რომელსაც ლექტორები თავიანთი ქვეკურსის ბოლოსთვის გვაძლევდნენ ძალიან ეფექტური იყო მიღებული ცოდნის გააზრებისთვის.

აღსანიშნია ასევე გუნდურობა, ვიცი ეს ცნება ძალიან ტრივიალურია, მაგრამ რეალურ პროფესიულ სივრცეში თანაგუნდელის აღქმა და მასთან ერთად ნაყოფიერად მუშაობა ძალიან მნიშვნელოვანია. პიარსკოლაში ვისწავლე თუ როგორ ვიყო გუნდური მოთამაშე, ისე რომ არ დავკარგო ინდივიდუალურობა და თვითგამოხატვის უნარი.

რას ნიშნავს შენთვის, იყო პიარსკოლელი?

ერთი ნაბიჯით წინ ყოფნას კომუნიკაციების სფეროში ✌️

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ელენე გოგშელიძე აფასებს:

მოკლედ მოგვიყევი შენი საქმიანობის შესახებ..

ამ ეტაპზე ვმუშაობ “”სს თიბისი ლიზინგში” მედიცინისა და ჯანდაცვის სექტორის ლიზინგის მენეჯერის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

მიუხედავად იმისა, რომ PR და მარკეტინგი დავამთავრე უნივერსიტეტში, პიარსკოლაში მიღებული ცოდნა გადამწყვეტად მნიშვნელოვანი აღმოჩნდა. გაცვლითი პროგრამით მომიწია სწავლა ჩეხეთში, სადაც კონკრეტულად პიარი და მარკეტინგის კურსიც გავიარეთ. პიარსკოლაში ნასწავლი იმდენად გამომადგა, რომ ყოველთვის მოწინავე პოზიციაზე ვხვდებოდი.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ჩვენი ჯგუფის საბოლოო პროექტი იყო “ბორჯომი– ბუნების გულშემატკივარი”; ბორჯომის ამ წამოწყებაზეც პიარსკოლიდან გავიგე, შესაბამისად უამრავი რამ გავიგე არა მარტო კონკრეტულად ამ პროექტზე, თავად პროექტის წერის სპეციფიკაზეც.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პირველ რიგში სწორად შერჩეული ლექტორები, რომლებიც თავიანთ პრაქტიკულ გამოცდილებას გვიზიარებდნენ. დამეთანხმებით, ქეისურად პრობლემის გადაჭრის სწავლება უფრო ეფექტურია, ვიდრე მხოლოდ წიგნში წაკითხულის დაზეპირება. ამასთან, უამრავი მეგობარი შევიძინე, და ვფიქრობ, მართლა გამიმართლა ჯგუფში.

რას ურჩევდი მათ, ვინც დაინტერესებულია კომუნიაკაციების სფეროთი?

აუცილებლად უნდა ისწავლონ და ეძებონ სიახლეები მუდმივად; კომუნიკაციების სფერო იმდენად სპეციფიკურია, რომ თუ არ აუწყე ფეხი, გაგასწრებს, შესაბამისად, ერთადერთი გზა განვითარებისთვის საჭირო ინფორმაციის “შესრუტვა” და შემდეგ პრაქტიკაში სწორად გამოყენებაა.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, მარიამ ჩაჩუა აფასებს:

მოკლედ მოგვიყევი შენი საქმიანობის შესახებ..

სასტუმროების ქსელ “ამბასადორი”-ში მარკეტინგის სპეციალისტის პოზიციას ვიკავებ.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა მრავალმხრივ მადგება ჩემს საქმიანობაში. პრაქტიკული მაგალითები, რომლებიც ლექტორებს მოჰყავდათ ლექციებზე განსაკურთრებით ნათელს ხდიდა, რა მომენტში შეიძლება გამოვიყენოთ ეფექტურად ესა თუ ის პიარსკოლაში ნასწავლი თეორიული მასალა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტისთვის მომიწია მუშაობა გურჯაანის ღვინის ფესტივალის პროექტზე, რაც ნამდვილად დამეხმარა პრაქტიკული ცოდნის მიღებაში. პროექტს ისე მივუდექით, თითქოს ნამდვილად ვგეგმავდით ღონისძიებას. ბიუჯეტირება, ივენთის რეკლამირება, გაშუქება, უშუალოდ ივენთის მოწყობისა და გაფორმების დეტალები – ყველაფერზე რეალურად გვქონდა ნაფიქრი და გათვლილი.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლას რამდენიმე უპირატესობა აქვს:

1.კურსის განმავლობაში კომუნიკაციებში არსებული სხვადასხვა მიმართულების შესახებ იღებ ცოდნას. ყოველი მიმართულება კი მნიშვნელოვანია ესმოდეს კარგ მარკეტერს.

2.ლექციებს უძღვებიან მარკეტინგული სფეროს წამყვანი სპეციალისტები.

3.კურსის განმავლობაში მუშაობ რეალურ პროექტზე, რაც თეორიულად ნასწავლ მასალას ამყარებს პრაქტიკით.

რას ურჩევდი მათ, ვინც დაინტერესებულია კომუნიაკაციების სფეროთი?

ვურჩევდი, იყვნენ მუდამ სიახლეების ძიებაში. ჩვენი სფერო მუდმივად ვითარდება და იხვეწება, მიდგომები ძალიან სწრაფად იცვლება. ამიტომ, არ გაჩერდეთ, საკუთარი თავის განვითარებით ბევრ საინტერესო საქმეს გააკეთებთ!

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ლიკა როგავა აფასებს:

მოკლედ მოგვიყევი შენი საქმიანობის შესახებ…

ვმუშაობ UDAID-ZRDA Activity in Georgia (USAIDის პროექტი ზრდა საქართველოში)-ს სამეგრელოს რეგიონალურ ოფისში თემის მობილიზატორის (Community Liaison) პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა მეხმარება სხვადასხვა აქტივობის განხორციელების პროცესში. ხაზგასმით შემიძლია ვთქვა, რომ ეს ცოდნა არის მნიშვნელოვანი და აქტუალური.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტი, რაზეც ჯგუფთან ერთად მომიწია მუშაობა, ნიკო ნიკოლაძის საუნივერსიტეტო პრემიის საკომუნიკაციო კამპანიის შექმნა იყო. ეს დავალება მიღებული თეორიული ცოდნის პრაქტიკაში გადატანაში დამეხმარა. ბევრ კითხვის ნიშანს რომელსაც თეორიული პასუხით ცოტა ბუნდოვანი შეხედულება ჰქონდა გამარტივდა და პრაქტიკაში ადვილად “მოგვარდა”.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსის უმნიშვნელოვანესი უპირატესობა არის ის ძლიერი, მცოდნე და გამოცდილი გუნდი, რომელიც ამ კურსს ანხორციელებს. სწორედ ამ გუნდითაა გამორჩეული სხვა პიარკურსებისგან. ხმამაღლა შემიძლია ვთქვა, რომ თუ გაინტერესებთ ეს სფერო, და გსურთ მიიღოთ ცოდნა ამ მიმართულებით, აუცილებლად უნდა მოხვიდეთ პიარსკოლაში.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ გუჯაბიძე აფასებს პიარის და მარკეტინგული კომუნიკაციების კურსს:
მოკლედ მოგვიყევი შენი საქმიანობის შესახებ…

ვარ დაზღვევის სახელმწიფო ზედამხედველობის სამსახურის იურისტი, ასევე, ვმართავ ტურიზმის მიმართულებით სოციალურ მედია პლატფორმებს, ვგეგმავ და ვახორციელებ ტურიზმის სექტორში სხვადასხვა პროექტებს.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნას და ინფორმაციას ძირითადად ვიყენებ პროექტების დაგეგმვის და მათი იმპლემენტაციის ეტაპზე, კამპანიის ცნობადობის ამაღლებასთან დაკავშირებით განხორციელებულ აქტივობებზე მუშაობის პერიოდში. გარდა ამისა, მიღებული გამოცდილება დამეხმარა საკუთარი კომპანიის ბრენდინგზე მუშაობისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

რეალურად, პროექტის მუშაობის ეტაპზე გამოვიყენე ყველა ის ინტრუმენტი, რის თაობაზეც სამი თვის განმავლობაში მოგვაწოდეს ინფორმაცია ლექტორებმა. პროექტის დაგეგმვის ეტაპიდან, მის პრეზენტირებამდე გავლილი დაგეგმვის პროცესი, არის რეალურად მუშაობის ის ხაზი, რაც მადგება ყოველდღიურ მუშაობაში. მიუხედავად განსხვავებული პროექტების კონტენტისა, ის მიმართულებები, იქნება ეს თაიმლაინი, ბიუჯეტირება თუ ვიზუალიზაცია, რაც წამოწეულია პროექტის მომზადების ეტაპზე, ძალიან მნიშვნელოვანია დღევანდელ დღეს, ყველა სფეროში თუ პოზიციაზე მუშაობისას.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

გარდა რეალურად უმაგრესი ლექტორებისა, სხვადასხვა მიმართულებით პიარის და მარკეტინგის საკითხების დეტალურად, პრაქტიკულ მაგალითებზე დაყრდნობით განხილვისა, ჩემი აზრით, დამატებით რაც პაირსკოლის კურსს სხვებისგან გამოარჩევს: პროექტზე მუშაობის კომპონენტია. სწორედ ამ პროცესში გიწევს მიღებული ცოდნის პრაქტიკაში გადატანა, რაც ერთი მხრივ, არის ცოდნის გამყარების საფუძველი, ხოლო მეორე მხრივ, ხედავ უკვე კურსის დროს შესწავლილი ინსტრუმენტების სწორად გამოყენების გზებსა და ხერხებს.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ ჩხარტიშვილი პიარის და მარკეტინგული კომუნიკაციების კურსის შესახებ:

მოკლედ მოგვიყევი შენი საქმიანობის შესახებ..

სოციალური მედია სააგენტოს ფრილანს კრეატიული მენეჯერი და ედვერთაიზერი ✋🏻

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

ჩემი საქმიანობიდან გამომდინარე, ძალიან გამომადგა მარკეტინგისა და ბრენდინგის ლექციების გამოცდილება. ასევე, უფრო დაკვირვებული გავხდი მომხმარებლებთან კომუნიკაციისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ზოგადად ბოლო 5 წლის განმავლობაში, ძალიან ბევრ ქეისზე მაქვს ნამუშევარი. ჩვენი საბოლოო პროექტისთვის თემები გვქონდა გადანაწილებული. მე ის სფერო შემხვდა, რომელშიც ისედაც დიდი პრაქტიკა მქონდა. თუმცა ახალ სირთულეებთან გამკლავება, ახალი ინფორმაციების მიღება – ყოველ ახალ პროექტში მონაწილეობის მიზეზია.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

უპირატესობა ეს ის გუნდია, რომელიც მუშაობს პიარსკოლელების განათლებაზე. თითოეული ტრენერი, მენტორი არის ის მიზეზი, რის გამოც ამ კურსის გავლას ვურჩევდი სხვას.

რას ურჩევდი კომუნიკაციების სფეროთი დაინტერესებულ ადამიანებს?

არასდროს შეწყვიტონ სწავლა და სიახლეების შეცნობა!

პიარსკოლიდან მარკეტინგის ხელმძღვანელის პოზიციამდე

პიარსკოლის კურსდამთავრებული, ანა ქუტიძე კომუნიკაციების სფეროში მის გამოცდილებასა და პიარსკოლის კურსის შესახებ:

მოკლედ მოგვიყევი შენი საქმიანობის შესახებ..

ჩემი კარიერა თავიდანვე მნიშვნელოვან წილად განსაზღვრა სამშენებლო სექტორთან ერთმა წარმატებულმა თანამშრომლობამ და უკვე მერვე წელია ამ სფეროში ვარ.

ახლა დეველოპერული კომპანია “DUX DEVELOPMENT”- ის და გერმანული, ალუმინის საფასადე სისტემების მწარმოებელი კომპანია HUECK- ის მარკეტინგის ხელმძღვანელი ვარ.

ამას გარდა პერიოდულად ვმუშაობ მოკლევადიან მარკეტინგულ პროექტებზე და პარალელურად ვცდილობ დრო  დავუთმო ჩემი ჰენდმეიდ სტარტაპის “BLUE JAY “ განვითარებას თუმცა ზემოთ ჩამოთვლილი საქმიანობების გამო საკადრის დროს და ენერგიას ვერ ვუთმობ ამ ეტაპზე, მუდამ მეჩაგრება და ამაზე ვღელავ.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა 5 წლის წინ იყო.. ზუსტად მაშინ, როცა მკაცრად გამომეკვეთა ინტერესები ამ სფეროს მიმართ და ჩემი პრაქტიკული გამოცდილების ხარჯზე მიღებული ცოდნის სისრულეში მოყვანა და თეორიული ცოდნით გამყარება მჭირდებოდა… ვ

ფიქრობ, ეს იყო ის შემთხვევა, როცა საჭირო დროს იღებ საჭირო გადაწყვეტილებას და ეს გადაწყვეტილება 100%-ით ამართლებს.

პიარსკოლამ და იმ საოცარმა ლექტორებმა, რომელთა მრავალფეროვნებითაც ასე განებივრებულნი ვიყავით, გარდა თეორიული და პრაკტიკული ცოდნისა, ისეთი ადამიანური რესურსები, თვისებები  აღმოგვაჩენინეს საკუთარ თავებში რაც აქამდე მიძინებული ან საერთოდ არ გვქონდა.

პიარსკოლამ მომცა თავდაჯერებულობა, მასწავლა მასშტაბური და კრეატიული აზროვნება, მომიხსნა წვრილმანი კომპლექსები საკუთარი აზრის დაფიქსირების, აუდიტორიასთან თამამად წარდგენის და ბევრი ისეთი ნიუანსის, რაც ჩვენს სფეროში ძალიან მნიშვნელოვანია..

არ შემიძლია არ გამოვყო სოსო გალუმაშვილის მუდმივი მხარდაჭერა, რეკომენდაციები და ძალისხმევა რომ ყველა პიარსკოლელი იყოს დასაქმებული და წარმატებული თავის სფეროში.. ეს მხარდაჭერა მე საკუთარ თავზე გამოვცადე არაერთხელ და მადლობა მას ამისთვის.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ჩვენი საბოლოო პროექტი იყო „ღვინის ფესტივალი“ და რეალურად ეს პროექტი იყო თავმოყრა მთელი იმ თეორიული ცოდნის, რაც იმ თვეების განმავლობაში მივიღეთ.. პრაქტიკულად გავდიოდით ყველა იმ პროცესს, რასაც რეალურ პროექტზე მუშაობისას გადიან..

მახსოვს რომ ძალიან ამაღელვებელი და ემოციური იყო პროექტის წარდგენის დღე.. ერთ კონკრეტულ ხერხს ალბათ ვერ გამოვყოფ, თუმცა ვიცი რომ მუშაობის ის სტილი და მიმართულება, რაც მაქვს ყველა პროექტთან მიმართებაში, თავის დროზე პიარსკოლამ ჩანერგა ჩემში.

უკან რომ შეგეძლოს დროის დაბრუნება, გაივლიდი თუ არა ისევ პიარსკოლის მარკეტინგული კომუნიკაციების კურსს?

აი ზოგჯერ არისხოლმე რომ რაღაცეებს ვნანობთ, თუნდაც განათლების კუთხით, სათანადო დროის არ დათმობას… ლექციებზე უყურადღებოდ ჯდომას, ნაკლებ ჩართულობას… ჩემ შემთხვევაში იმდენად მაბედნიერებდა „პროცესი პიარსკოლა“ რომ მსგავსი სინანული თითქმის არ მაქვს..

ბოლომდე ვიხარჯებოდი, აქტიურად ვიყავი ჩართული პროექტში, ლექციებზე.. პასუხგაუცემელ კითხვას არ ვიტოვებდი, მითუმეტეს მქონდა ასეთი საინტერესო ლექტორების ფუფუნება და მეც მეტი რა მინდოდა.

საბოლოოდ 3 საუკეთესო სტუდენტს შორისაც მოვხვდი და ის სანუკვარი სარეკომენდაციო წერილიც მივიღე მათგან, რომელიც მომავალში ძალიან დამახმარა დასაქმებაში, ჩემ მიმართ დადებითი შთაბეჭდილების შექმნაში.

რა თქმა უნდა, დროის უკან დაბრუნება რომ შემეძლოს უალტერნატივოდ დავრეგისტრირდებოდი პიარსკოლის კურსზე და გავამეორებდი იმ ჯადოსნურ თვეებს რომელიც იქ გავატარე.