Team Type: ტრენერი

2009 წლიდან ჯეპრას სოციალური მედიის მენეჯერია. დამთავრებული აქვს თბილისის ივანე ჯავახიშვილის სახელობის სახელმწიფო უნივერსიტეტი ჟურნალისტიკის განხრით (ბაკალავრი) და საქართველოს საზოგადოებრივ საქმეთა ინსტიტუტი (ჯიპა) ამავე სპეციალობით (მაგისტრი).

2010 წელს გაუ-თბილისის პიარსკოლაში გაიარა კურსი “პიარი და ინტეგრირებული მარკეტინგული კომუნიკაციები”, ხოლო 2011 წელს – Government 2.0.

2008 წლიდან ზურა ბალანჩივაძე აქტიური ბლოგერია, რომლის დახმარებითაც იგი საფუძვლიანად დაეუფლა სოციალურ მედიას.

სამსახურებრივი აქტივობების გარდა ზურა დაინტერესებულია ხატვითა და ვოკალური მუსიკით. მუშაობს ნაწარმოებების ილუსტრაციებზე, პერიოდულად აწყობს პერსონალურ გამოფენებს.

2018 წლიდან გადაცემის “იმედის დილა” დილის ეთერის წამყვანია.

პიარსკოლაში 2012 წლიდან უძღვება სოციალური მედიის ლექციებს.

მეათე წელია, რაც სარეკლამო ინდუსტრიაში მოღვაწეობს. ამ წლების უდიდესი ნაწილი კრეატიულ სააგენტო Windfor’s-ში გაატარა, სადაც ხელმძღვანელობდა კლიენტების მომსახურების დეპარტამენტს როგორც საქართველოში, ასევე უკრაინაში.

მისი პორტფოლიო მრავალფეროვანია პროექტების შინაარსით, გეოგრაფიით და კომპლექსურობით. კლიენტების და ინდუსტრიების არასრული ჩამონათვალი, ვისთანაც თამარს უმუშავია – ასეთია:  „ჯიპიაი ჰოლდინგი“, სადაზღვევო კომპანია „Benefits”, „ტერა ბანკი“, „რე-ბანკი“, „თიბისი უზბეკეთი“, „ჯეოსელი“, „სილკნეტი“, „კავკასუს ონლაინი“,„მაგთიკომი“, FOX Channel, „ბორჯომი“, „ბაკურიანი“, ქართული ჩიფსი „ფრიქსი“,„დღის პროდუქტები“, ღვინო „ვისმინო“, “თბილღვინო“, “თელიანი ველი უკრაინა“,ფიტნეს დარბაზი „ოკტოპუსი“,„თბილისი მოლი“, „გალერია თბილისი“, “East Point”, „ვენდუ“, უკრაინული სუპერმარკეტების ქსელი “Silpo”, „ლისი დეველოპმენტი“, კურორტი „კოხტა-მიტარბი“, საქართველოს ტურიზმის ეროვნული ადმინისტრაცია, ეროვნული მუზეუმი, საქართველოს ეროვნული ლატარია, „Treepex”, ძეგვის თავშესაფარი, და ა.შ.

პროექტები რომლებზეც მუშაობდა გუნდთან ერთად, არაერთი საერთაშორიო ჯილდოს მფლობელია, მათ შორის Cannes Lions, Epica Awards, Eurobest, ADCE, Ad Black Sea და ა.შ.

2020-2021 წლების მანძილზე ცხოვრობდა უკრაინის დედაქალაქ კიევში, სადაც მუშობდა ღვინის ინდუსტრიაში, მარკეტინგის დეპარტამენტის ხელმძღვანელად და ასევე მართავდა კრეატიული სააგენტო Windfor’s-ის კიევის ფილიალს.

2016-2019 წლებში იყო კრეატიული ფესტივალის – Ad Black Sea აღმასრულებელი მენეჯერი. ფესტივალი დროებით შეჩერდა პანდემიის გამო.

პიარ სკოლაში ლექციებს კითხულობდა 2018-2019 წლებში და საქართველოში დაბრუნების შემდეგ, 2022 წლიდან კვლავ შემოუერთდა გუნდს განახლებული გამოცდილებით, ცოდნით და მიდგომებით.

მოცემულ ეტაპზე, მუშაობს მხოლოდ დამოუკიდებელ პროექტებზე, კონსულტანტის და აღმასრულებელი მენეჯერის პოზიციებზე.

1994 წლიდან დღემდე, როგორც ჟურნალისტი, აქტიურად თანამშრომლობს მედიასაშუალებებთან. სხვადასხვა დროს ჟურნალ-გაზეთებში იყო კულტურის მიმართულების რედაქტორი, სამაუწყებლო კომპანია „რუსთავი 2“-ის საერთაშორისო პროექტების პროდიუსერი, რადიოწამყვანი. აქვს საჯარო სექტორში მუშაობის გამოცდილება – 2013-17 წლებში იყო ბანაკების მართვისა და პროგრამების დეპარტამენტის უფროსი, ხოლო 2018 წელს საქართველოში გამართული 43-ე მსოფლიო ოლიმპიადის გახსნა-დახურვის ცერემონიალების პროდიუსერი. 2009 წლიდან დღემდე არის „ლიტერატურული გაზეთის“ ტექნიკური რედაქტორი.

2018 წლიდან საერთაშორისო ორგანიზაციის – ევროპის საჭადრაკო კავშირი (აერთიანებს ევროპის 54 ქვეყნის ეროვნულ ფედერაციას) – პიარისა და მარკეტინგის დირექტორია. 2019 წელს მისი ინიციატივით დაარსდა საჭადრაკო სამყაროს ერთ-ერთი  უმაღლესი ჯილდო – ევროპის ოქროს პაიკი, რომელიც მისივე ხელმძღვანელობით გაიმართა მონაკოში.

პიარსკოლის გუნდს თეა ყიფშიძე შემოუერთდა 2021 წელს, სადაც უძღვება კურსს – ამბის თხრობის ხელოვნება.

2011 წლიდან არის სტუდია “ჩინემანი Fილმს” დამფუძნებელი. 2003 წელს დაამთავრა “მედიისა და ტელეხელოვნების კოლეჯი” ჟურნალისტის კვალიფიკაციით. 2009 წელს ქალაქ ნიუ იორკში გაიარა “ნიუ იორკის კინო აკადემიის” კურსი, კინო რეჟისორის სპეციალობით.

2004 წელს მუშაობა დაიწყო ტელეკომპანია “იმედში” საინფორმაციო გამოშვების კორესპონდენტად. 2004-2006 წლებში მუშაობდა ტელეკომპანია საკვირაო ანალიტიკური გადაცემა “დროება”-ს ჟურნალისტად.

2012 – 2013 წლებში მუშაობდა საზოგადოებრივი მაუწყებლის პირველ არხზე დოკუმენტური ფილმების რედაქციაში რეჟისორის თანამდებობაზე.

არის “მუნდენსის საერთაშორისო კინოფესტივალის” – აშშ, გრანპრის მფლობელი, მოკლემეტრაჟიანი დოკუმენტური ფილმისთვის “მუღამი”.

იმავე ფილმით წარდგენილი იყო ლონდონის საერთაშორისო კინოფესტივალის ნომინაციაზე – საუკეთესო მოკლემეტრაჟიანი დოკ. ფილმი. ფილმმა აიღო ჯილდო “ხალხის რჩეული”.

2002 წლიდან საკონსულტაციო კომპანია “ჯეპრას” მმართველი პარტნიორი და უფროსი კონსულტანტია. მისი 20 წლიანი სამუშაო გამოცდილება ბეჭდვით და ელექტრონულ მედიაში, კერძო, საზოგადოებრივ და სახელმწიფო სტრუქტურებში საზოგადოებასთან ურთიერთობის სპეციალისტად და რეკლამის მენეჯერად მუშაობას მოიცავს.

წლების განმავლობაში ხელმძღვანელობდა არსის, კავკასუს ონლაინის, ბაზისბანკის, ნიკორას, ჰაიდელბერგცემენტის, საქართველოს დამსაქმებელთა ასოციაციის, HSBC ბანკი-საქართველოს, უნიქარდის ბრენდ საკომუნიკაციო კამპანიებს.

მისი საკონსულტაციო საქმიანობა ასევე მოიცავდა კერძო და სახელმწიფო ორგანიზაციების გრძელვადიანი საკომუნიკაციო სტრატეგიებისა და სოციალური პარტნიორობის პროექტების შემუშავებას.

2002-2020 წლებში საქართველოს სხვადასხვა რეგიონში კონსულტაციებს უწევდა მაჟორიტარ კანდიდატებს საპარლამენტო და ადგილობრივი თვითმართველობის არჩევნებზე.

2008 წლიდან არის თბილისის პიარ კლუბის სამეთვალყურეო საბჭოს თავმჯდომარე. 2010 წლიდან საქართველოს მცირე და საშუალო ბიზნესის ასოციაციის დამფუძნებელია.

2007 წლიდან არის პიარსკოლის დამფუძნებელი და მმართველი პარტნიორი. უძღვება BTL-ის ლექციებს.