გიორგი კალატოზიშვილი

გიორგი რეპუტაციის მართვის კომპანიის „მაინდერი“ დამფუძნებელი და ხელმძღვანელია. არის PR კონსულტანტი 20 წლიანი გამოცდილებით და ამ წლების განმავლობაში მუშაობდა სამთავრობო, არასამთავრობო და კერძო სექტორში. მუშაობდა ნაციონალური მასშტაბის ისეთ პროგრამებზე, როგორიც არის C ჰეპატიტის ელიმინაციის სახელმწიფო პროგრამა და საქართველოს ნარკოპოლიტიკის რეფორმა.

ის არის ერიქსონის საერთაშორისო ინსტიტუტის (Erickson.edu) კურსდამთავრებული ქოუჩი. 2011 წელს გაიარა The MGI Management Institute-ის და აშშ-ს პიარ ასოციაციის (PRSA) სასერტიფიკატო პროგრამა კრიზისული კომუნიკაციების ეფექტიან მართვაში. გიორგი ასევე არის GAU PR School-ის 2009 წლის კურსდამთავრებული.

გიორგი იყო PR-ის და მარკეტინგის სამსახურის უფროსი სსსტც „დელტაში“ 2016-2018 წლებში და PR-ის და ბრენდის განვითარების სამსახურის უფროსი გლობალურ საკონსულტაციო კომპანიაში „ეისითი“ 2014-2015 წწ. 2012-2014 წლებში ხელმძღვანელობდა საზოგადოებასთან ურთიერთობის და ინფორმაციული უზრუნველყოფის სამმართველოს შინაგან საქმეთა სამინისტროში;

ჩართულია ფორმალურ და არაფორმალურ სასწავლო პროცესში 2011 წლიდან.

ამჟამად მართავს ტრენინგებს და ლექციებს საზოგადოებასთან ურთიერთობის სტრატეგიის და ტაქტიკის, კრიზისების მართვის და ეფექტური კომუნიკაციების თემებზე ისეთ სასწავლებლებსა და ორგანიზაციებში, როგორიც არის: „ილიას სახელმწიფო უნივერსიტეტი“, „კავკასიის უნივერსიტეტი“ (ასოცირებული პროფესორი), „მართვისა და კომუნიკაციის საერთაშორისო სასწავლო უნივერსიტეტი – ალტერბრიჯი“, “ქართულ-ამერიკული უნივერსიტეტი” (GAU), “ევროპის ბიზნეს სკოლა” (ESB).

ჩატარებული აქვს 300-ზე მეტი ღია და დახურული ტიპის ტრენინგი და მასტერკლასი საქართველოში, სომხეთსა და აზერბაიჯანში.

გიორგი პიარსკოლის გუნდს შემოუერთდა 2025 წელს და უძღვება კრიზისების მართვის მოდულს.