Author: admin

პიარსკოლაში შემოდგომის სეზონზე რეგისტრაცია დაიწყო. კურსი “პიარი და ინტეგრირებული მარკეტინგული კომუნიკაციები” 26 სექტემბერს დაიწყება. 3-თვიანი პროგრამის ფარგლებში, მსმენელები 13 საგანს შეისწავლიან. კურსის დასასრულს სტუდენტები 2 ტიპის გამოცდას ჩააბარებენ, რის საფუძველზეც გაიცემა გაუ-თბილისი პიარსკოლის სერტიფიცირებული დიპლომი.

27 აპრილს, პიარსკოლაში პიარისა და ინტეგრირებული მარკეტინგული კომუნიკაციების ზამთრის კურსის გამოსაშვები საღამო გაიმართა. დიპლომების გადაცემის ცერემონიალზე დასახელდნენ ყველაზე მაღალი შეფასების მქონე სტუდენტები, რომელთაც ყველა ლექტორის მიერ ხელმოწერილი სარეკომენდაციო წერილები გადაეცათ.
დიპლომების გადაცემის ცერემონიალს გაუს პრეზიდენტი მაიკლ ქაუგილი, პიარსკოლის დამფუძნებლები, საორგანიზაციო ჯგუფი, ლექტორები და მენტორები ესწრებოდნენ.

18 აპრილს პიარსკოლაში საგამოცდო კვირეული დაიწყო. პიარისა და ინტეგრირებული მარკეტინგული კომუნიკაციების ზამთრის კურსის მსმენელები სერტიფიცირებული დიპლომების მისაღებად 2 ტიპის გამოცდას ჩააბარებენ. ინდივიდუალურ ტესტს პიარსკოლელები 18 და 19 აპრილს ჩააბარებენ, ხოლო 20-21 აპრილს სტუდენტები სადიპლომო ნაშრომებს ლექტორებს წარუდგენენ და მათგან შეფასებებსა და რეკომენდაციებს მოისმინენ.

პიარსკოლელების სერტიფიცირების ცერემონიალი 27 აპრილს გაიმართება.

პიარსკოლის პიარისა და ინტეგრირებული მარკეტინგული კომუნიკაციების კურსზე მიღება გამოცხადდა. მსმენელების რეგისტრაცია მიმდინარეობს ვებ-გვერდზე. 3-თვიანი პროგრამა 25 აპრილს დაიწყება და 30 ივლისს დასრულდება. კურსის დასასრულს, მსმენელები ორი ტიპის გამოცდის შედეგად შეფასდებიან, რის საფუძველზეც მათ გაუ-თბილისი პიარსკოლის სერტიფიცირებული დიპლომები გადაეცემათ.

26 დეკემბერს, პიარსკოლაში შემოდგომის კურსი დასრულდა. დიპლომების გადაცემის ცერემონიალს ქართულ-ამერიკული უნივერსიტეტის პრეზიდენტი მაიკლ ქაუგილი და პიარსკოლის ლექტორები და მენტორები დაესწრნენ. ასევე, პიარისა და ინტეგრირებული მარკეტინგული კომუნიკაციების კურსის ორივე ჯგუფიდან 4-4 სტუდენტს სარეკომენდაციო წერილი გადაეცა.

პიარსკოლაში ზამთრის კურსი 25 იანვარს იწყება.

პიარსკოლის პიარისა და ინტეგრირებული მარკეტინგული კომუნიკაციების კურსზე მიღება გამოცხადდა. მსმენელების რეგისტრაცია მიმდინარეობს ვებ-გვერდზე არსებული სააპლიკაციო ფორმის შევსების შედეგად. 3-თვიანი პროგრამა 25 იანვარს დაიწყება და 23 აპრილს დასრულდება. კურსდამთავრებულებს გადაეცემათ გაუ-თბილისი პიარსკოლის სერტიფიცირებული დიპლომი.

პიარსკოლის გუნდს ანა ქარჩავა შემოუერთდა, რომელიც პიარისა და ინტეგირებული მარკეტინგული კომუნიკაციების პროგრამაში მარკეტინგის კურსს გაუძღვება. 2009 წლიდან დღემდე ანას კომპანია „ნატახტარში“ პროდუქტების – ნატახტარის, მთიელისა და კოზელის ბრენდ მეჯერის პოზიცია უკავია, მანამდე მუშაობდა კრაფტ ფუდსა და ქოლგეით-პალმოლივში ბრენდ მენეჯერის ასისტენტის თანამდებობაზე.

28 სექტემბერს პიარსკოლაში სწავლა დაიწყო. პიარისა და ინტეგრირებული მარკეტინგული კომუნიკაციების კურსის ფარგლებში სტუდენტები პიარსა და მის მომიჯნავე სფეროებს შეისწავლიან, მიღებულ ცოდნას კი ინდივიდუალური ტესტისა და ჯგუფური პრეზენტაციების სახით სადიპლომო გამოცდის სახით ჩააბარებენ. კურსდამთავრებულებს გაუ-თბილისი პიარსკოლის სერტიფიცირებული დიპლომები გადაეცემათ. პროგრამის 3 საუკეთესო სტუდენტი ამასთანავე მიიღებს ყველა ლექტორის მიერ ხელმოწერილ სარეკომენდაციო წერილს.

26 ივლისს პიარსკოლაში საგაზაფხულო კურსი დასრულდა. ქართულ-ამერიკული უნივერსიტეტის პრეზიდენტისა და პიარსკოლის ლექტორების მონაწილეობით გაიმართა გამოსაშვები საღამო, სადაც სტუდენტებს კურსის წარმატებით დასრულებისთვის გაუ-თბილისის პიარსკოლის სერტიფიცირებული დიპლომები და ატესტატები გადაეცათ, პროგრამის მიმდინარეობისას გავლილი საგნების ჩამონათვალით.

პიარსკოლაში პიარისა და ინტეგრირებული მარკეტინგული კომუნიკაციების საშემოდგომო კურსი 29 სექტემბერს დაიწყება.

8 მაისს, ყირგიზეთის მთავრობის უწყებების საზოგადოებასთან ურთიერთობის სტრუქტურული ერთეულების ხელმძღვანელების დელეგაციის სამუშაო ვიზიტი „გაუ თბილისის პიარსკოლაში“ გაიმართა, რომელშიც მონაწილეობა ქართულ-ამერიკული უნივერსიტეტის ადმინისტრაციის წარმომადგენლებმა, პიარსკოლის ლექტორებმა და სტუდენტებმა მიიღეს.

ვიზიტის ფარგლებში, ყირგიზი სტუმრები შეხვდნენ გაუს პრეზიდენტს, მაიკლ ქაუგილს, მოისმენეს პიარსკოლის ლექტორების მოხსენება სკოლის ისტორიისა და კურსების თაობაზე. ვიზიტის ბოლოს, ყირგიზეთის დელეგაციის ხელმძღვანელმა, პრემიერმინისტრის პრესმდივანმა, ყირგიზეთის რესპუბლიკის მთავრობის აპარატის საინფორმაციო პოლიტიკის განყოფილების უფროსმა, გულნარა ტორალიევამ გააკეთა მოხსენება სტუდნტებისთვის, სათაურით „ყირგიზეთის რესპუბლიკის მთავრობის ძალისხმევა მოსახლეობასთან კომუნიკაციის გაუმჯობესების კუთხით“.