პიარისა და მარკეტინგული კომუნიკაციების კურსის შეფასება

პიარისა  და მარკეტინგული კომუნიკაციების კურსს, პიარსკოლის კურსდამთავრებული, მარიკა გაჩეჩილაძე აფასებს:

მოკლედ მოგვიყევი შენი საქმიანობის შესახებ…

პიარსკოლის ლექციების დასაწყისშივე  მივხვდი, რომ კარიერული სვლა მარკეტინგის მიმართულებით უნდა გამეგრძელებინა. რეალურად, ამ კურსის დახმარებით შევძელი ჩემთვის საინტერესო საქმიანობის აღმოჩენა, ახლა კი სასიამოვნო სიახლეების მოლოდინის რეჟიმში ვარ.

პიარსკოლამ საშუალება მომცა აღმომეჩინა საკუთარი თავი აწმყოში და მომავალში. პატარა კომპასივითაა ეს კურსი, ბევრი ფიქრის, ცოდნის მიღების და გააზრების შემდეგ საბოლოო მიმართულებასაც ხედავ…

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში..

ჩემი პროექტი პროფესიული განათლების პოპულარიზაციის კამპანია წარმოადგენდა. ცხადია, თემა თავიდანვე ძალიან მაინტერესებდა, თუმცა პრაქტიკული მუშაობის პროცესმა სულ სხვაგვარად მიიპყრო ჩემი ყურადღება. პროექტზე მუშაობამ მომცა პრაქტიკული ცოდნა და უნარები, რასაც ვერ შეძლებდა მხოლოდ თეორიული სწავლება. რეალური, ცოცხალი, რთული და მომენტებში სტრესული სამუშაო რეჟიმი უფრო მეტ და ხელშესახებ ცხოვრებისეულ გამოცდილებას ტოვებს, ვიდრე მარტივი და იოლი საქმე. აქ ვისწავლე სირთულეებთან გამკლავება, კონფლიქტის მოგვარება, სტრესული სიტუაციების მართვა და რაც მთავარია, გუნდური მუშაობა, ეს უკანასკნელი კი, ხშირად, ყველაზე დიდი სირთულე შეიძლება აღმოჩნდეს. საბოლოოდ, მე და ჩემმა გუნდმა შევძელით პროექტის წარმატებით დასრულება.

შენი აზრით, რა არის პიარსკოლის უპირატესობა? რა მოგეწონა ყველაზე მეტად?

პიარსკოლის უპირატესობა წარმოდგენილი ლექტორების, მათი პროფესიული კომპეტენციებისა და ცოდნის მრავალფეროვანი არჩევანია. სწორედ განსხვავებული, ამავე დროს ერთმანეთთან დაკავშირებული საინტერესო ინფორმაციების მეშვეობით შეგვიძლია პანორამულად შევხედოთ მარკეტინგულ კომუნიკაციებს და ამ სფეროში კონკრეტული ადგილი მოვინიშნოთ ჩვენთვის. ყველაზე მეტად მომეწონა ლექციების საერთო ოპტიმისტური ხედვა, დადებითი მუხტი და მოტივაცია, რაც კურსის დასრულებისას კიდევ უფრო გაძლიერდა.

რას ნიშნავს შენთვის იყო პიარსკოლელი?

ეს არის პასუხისმგებლობა, დაპირება და დანაპირების მაქსიმალურად სწრაფად სისრულეში მოყვანა. რა თქმა უნდა, ეს ეხება მარკეტინგული კომუნიკაციების კურსისგან მიღებული ცოდნის რეალიზებას და მომავლისკენ წარმატებულ სვლას .

პიარსკოლის მენტორი – სალომე ქვრივიშვილი

წელს პირველად მომიწია სტუდენტებთან მუშაობა პიარსკოლის მენტორის როლში. გავიცანი უამრავი ჭკვიანი და მონდომებული ადამიანი, ვნახე, როგორ არაჩვეულებრივად გაართვეს თავი რეალურ პროექტზე მუშაობას, უმოკლეს დროში დაგროვილი ცოდნით.

მენტორების საქმიანობა სტუდენტებთან ერთად საფინალო პროექტზე მუშაობას – დავალებების მიცემას, დროულ ვადებში შესრულების კონტროლსა და შესრულებულ სამუშაოზე რეკომენდაციების მიცემას გულისხმობს. პირველ რიგში, ეს ჩემთვისაც სრულიად ახალი გამოცდილება იყო. საკმაოდ რთულია, შეაფასო სხვების იდეები ისე, რომ არა მათი დემოტივაციის, არამედ ახალი იდეების შთაგონების წყაროც კი გახდე. რაც მთავარია, უნდა შეგეძლოს საკუთარი და სწორი ხედვების გამიჯვნა, რადგან, როგორც წესი, ეს ორი ყოველთვის ერთიდაიმავეს არ ნიშნავს.

ჩვენს გუნდს ძალიან მნიშვნელოვან პროექტზე მოუწია მუშაობა. მათ ნაადრევი ქორწინების წინააღმდეგ საკომუნიკაციო კამპანია დაგეგმეს. ჩვეულებრივ, სოციალურ თემებზე კომუნიკაცია შედარებით კომპლექსურ მიდგომას საჭიროებს ხოლმე, თუმცა შეიძლება ითქვას, გუნდმა არაჩვეულებრივად გაართვა თავი. მუშაობის პროცესში გუნდის თითოეული წევრი პრობლემის უშუალო თანამონაწილე გახდა. შედეგიც შესაბამისი მივიღეთ – მათგან უამრავი კრეატიული იდეა მოვისმინეთ.

თუმცა, საბოლოოდ, ჩვენი ერთობლივი მუშაობიდან მიღებული მთავარი გაკვეთილი მაინც გუნდში როლებისა და პასუხისმგებლობების სწორად გადანაწილების მნიშვნელობა აღმოჩნდა. ჩვენი გუნდის თითოეულმა წევრმა მოახერხა საკუთარი უნიკალური უნარები საერთო მიზნის მისაღწევად გამოეყენებინა, რასაც უშედეგოდ არ ჩაუვლია. ჩვენმა პროექტმა ჟიურის დიდი მოწონება და უმაღლესი შეფასებაც დაიმსახურა.

პიარსკოლის მენტორი – ლალიტა კვიჟინაძე

წელს პირველად გავუწიე მენტორობა პიარსკოლის გუნდს. გავიარე ორ თვიანი თავგადასავალი, ძალიან ჭკვიან, კრეატიულ  და მონდომებულ ადამიანებთან ერთად.

რა იყო შენი, როგორც მენტორის როლი პროექტის მიმდინარეობისას?

ჩემი  და ჩემი მეწყვილის როლი იყო, სტუდენტებს დავხმარებოდით მთელი კურსის განმავლობაში დაგროვებული ცოდნის პრაქტიკაში გადატანის ეტაპზე. მათ საკმაოდ დატვირთული და მსუყე ლექციები ჰქონდათ. ისწვალეს ეფექტური კომუნიკაციისა და ამბის თხრობის ტექნიკები, ბრენდინგი, მედიასთან ურთიერთობა და სხვა ბევრი საინტერესო საგანი.

შემდეგ კი დადგა  ეტაპი, როცა  უნდა დაეწყოთ თვეების განმავლობაში  დაგროვებული ცოდნის კონკრეტულ, პრაქტიკულ პროექტში გამოყენება. თემა ძალიან საინტერესო იყო: მათ უნდა დაეგეგმათ ნაადრევი ქორწინების პრევენციის საინფორმაციო კამპანია.

ჩვენი მთავარი როლი იყო, პიარსკოლელებისთვის მიგვეცა მიმართულება, რეკომენდაციები, თუ როგორ გამოეყენებინათ თეორიული ცოდნა პრაქტიკაში და მაქსიმალურად  გაეერთიანებინათ ეს ცოდნა მათ კრეატიულ უნარებთან.

რას ითვალისწინებდი სტუდენტებთან ერთად პროექტზე მუშაობისას?

პირველ რიგში, ვცდილობდით, რომ მათი ნაშრომი ყოფილიყო ბრიფთან  – კამპანიის მიზნებთან, ამოცანებთან და სეგმენტთან შესაბამისობაში, ასევე, გამოყენებული ყოფილიყო სწორი არხები და მათთვის შესაბამისი კონტენტი.

თუმცა ეს ყველაფერი არ კმარა, უმნიშვნელოვანესი იყო, რომ ეს ნაშრომი  დასამახსოვრებლად გვექცია. ამ მხრივ კი ძლიერი უნდა ყოფილიყო, როგორც  წერილობითი, ასევე ვიზუალური ნაწილი, რომელიც ჩვენი პიარსკოლელების განსაკუთრებით ძლიერი მხარე გამოდგა.

დავალების შესრულება რამდენიმე ეტაპად იყო დაყოფილი. თითოეული ეტაპის დასაწყისში გვქონდა  შეხვედრები, სადაც ერთად განვიხილავდით, შესასრულებელ დავალებას, შემდეგ კი იმის მიხედვით ვნიშნავდით შეხვედრებს, თუ როგორ წარიმართებოდა პროცესი. ზოგჯერ კვირაში ერთი შეხვედრაც საკმარისი იყო, ბოლოს კი, როცა კრეატიულ კონცეფციასა და აქტივობებზე გადავედით, უფრო დინამიური შეხვედრები დავიწყეთ და ზოგჯერ ყოველდღეც ვხვდებოდით. პანდემიამ ამ მხრივ, შეიძლება ითქვას, ხელი შეგვიწყო  – ონლაინ შეხვედრები გაცილებით მოსახერხებელი აღმოჩნდა ამ ფორმატის სამუშოსთვის და ჩვენდა გასაკვირად, კრეატიული ბრეინშტორმინგებისთვისაც კი.

საბოლოოდ, ჩვენი ერთობლივი შრომა ნაყოფიერი გამოდგა და  გუნდმა ჟიურის უმაღლესი შეფასება დაიმსახურა. 🎉

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ნათია მოდებაძე აფასებს:

როგორ იყენებ პიარსკოლაში მიღებულ ცოდნას საქმიანობაში?

პიარსკოლაში მიღებული თეორიული და პრაქტიკული ცოდნა მეხმარება, როგორც სამუშაო პროცესში, ისე ყოველდღიურ ცხოვრებაში. კურსი დამეხმარა აღმომეჩინა ჩემი შესაძლებლობები და გავმხდარიყავი მეტად თავდაჯერებული.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

ვმუშაობდი პროფესიული განათლების პოპულარიზაციის კამპანიაზე. მუშაობის პროცესი ძალიან საინტერესო იყო, მომეცა საშუალება თეორიული ცოდნა გადმომეტანა პრაქტიკაში. მე და ჩემმა გუნდმა ყველა საფეხური გავიარეთ და პროექტი წარმატებით ჩავაბარეთ.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსს განსაკუთრებულს ხდის პროფესიონალი ლექტორები და გამოცდილება, რომელსაც გვიზიარებენ.

ყველაზე მეტად რა მოგეწონა კურსზე? რას გამოარჩევდი?

გამოვარჩევდი პრაქტიკულ დავალებებს, ის ამყარებდა თეორიულ ცოდნას და გვასწავლიდა გუნდურ მუშაობას. ამ დავალებების პროფესიონალი ლექტორების მიერ დეტალებში შეფასება კი ძალიან კარგი გამოცდილებაა.

რას ნიშნავს შენთვის იყო პიარსკოლელი?

აქ ცოდნასთან ერთად შევიძინე ახალი მეგობრები და ძალიან მიხარია,რომ ამ გუნდის წევრი ვარ.

პიარისა და მარკეტინგული კომუნიკაციების კურსის შეფასება

PR-ის და მარკეტინგული კომუნიკაციების კურსს, პიარსკოლის კურსდამთავრებული, ანუკა კობალაძე აფასებს:

მოკლედ მოგვიყევი შენი საქმიანობის შესახებ…

მე ვარ ქოუჩი (Life coach), ვატარებ როგორც ინდივიდუალურ, ასევე ჯგუფურ სესიებს კომპანიების დაკვეთით. ასევე ვმუშაობ ქოუჩ-დღიურის შექმნაზე, რომელიც დაეხმარება ადამიანს საკუთარი თავის პოვნაში, მიზნების დასახვასა და მიღწევაში.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა ძალიან მეხმარება ჩემს საქმიანობაში, როგორც ქოუჩს, ასევე ადამიანს, რომელიც მუშაობს საინტერესო პროექტზე და ქმნის ბრენდს. თამამად შემიძლია ვთქვა, რომ რომ არა პიარსკოლაში მიღებული ცოდნა დღიურზე მუშაობა აუხდენელ ოცნებად დარჩებოდა.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

ჩემს გუნდს პროფესიული განათლების პოპულარიზაციის თემა შეხვდა, რასაც მიღებული ცოდნისა და შესანიშნავი მენტორის დახმარებით წარმატებით გავართვით თავი. პროექტზე მუშაობამ კი მიღებული ცოდნა გამიმყარა და მასწავლა, თუ როგორ შეიძლება მიღებული თეორიული ცოდნის პრაქტიკაში წარმატებით გამოყენება.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

პიარსკოლის კურსი 3 თვიანია და ამ 3 თვის განმავლობაში ყველა საჭირო ცოდნის მიღებაა შესაძლებელი. კურსი არა მხოლოდ თეორიული მასალების გაცნობას, არამედ პრაქტიკული დავალებების შესრულებასაც მოიცავს. ეს კი მიღებულ ცოდნას ერთი ორად ამყარებს. ვფიქრობ, ნებისმიერი პროფესიის ადამიანისთვის აუცილებელია ამ კურსის გავლა, ვინაიდან აქ მიღებული ცოდნა ნებისმიერ ადამიანს გამოადგება, როგორც პროფესიულ ასევე ყოველდღიურ ცხოვრებაში.

ყველაზე მეტად რა მოგეწონა კურსზე? რას გამოარჩევდი?

ჩემი აზრით, შეუძლებელია ერთი კონკრეტული რამის გამორჩევა. მთლიანად კურსი იმდენად კარგად არის შედგენილი და რაც ყველაზე მნიშვნელოვანია, დაკომპლექტებულია პროფესიონალი ლექტორებით.

რას ნიშნავს შენთვის იყო პიარსკოლელი?

კურსის პირველ დღეს გვითხრეს, რომ პიარსკოლა არის დიდი ოჯახი და მოგვილოცეს, რომ ჩვენც ამ ოჯახის წევრები გავხდით. მეუცნაურა, თუმცა მალევე მივხვდი რას ნიშნავდა ეს სიტყვები. ეხლა კი ბედნიერი და ამავდროულად ამაყი ვარ, რომ პიარსკოლის ოჯახის წევრი ვარ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, თინათინ იმნაძე ფასებს:

მოკლედ მოგვიყევი შენი საქმიანობის შესახებ…

მერვე წელია ვმუშაობ ღვინის კომპანიაში “შუხმან ვაინს ჯორჯია”, ამ ეტაპზე ადგილობრივი გაყიდვების და მარკეტინგის განყოფილების უფროსის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა დამეხმარა ჩემი შესაძლებლობების აღმოჩენაში, უცნაურია, მაგრამ ის, რაც მეგონა არ ვიცოდი, ან არასდროს გამომივიდოდა თურმე ჩემი ძლიერი მხარე ყოფილა და პირიქითაც, რაც მეგონა, ვიცოდი თურმე მხოლოდ ზედაპირულად და მშრალად, აქ კი ყველაფერს დეტალებში გავეცანი .

ძალიან საინტერესო ლექციები თუ პრაქტიკული სამუშაოები  გადმოვიტანე ყოველდღიურ სამუშაო პროცესში და აშკარა წინსვლით ვტკბები.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტზე მუშაობა ჩემთვის ყველაზე სასიამოვნო აღმოჩნდა, ღვინის ფესტივალი შეგვხვდა და თავს ისე ვგრძნობდი როგორც თევზი წყალში :)) თვითონ პროექტის მომზადებაში ჩემი სამსახურეობრივი გამოცდილება ძალიან დამეხმარა და მერე უკვე ეს პროექტი გახდა ჩემთვის მაგალითი ბევრ კარგ საქმეში, რაც შუხმანში განვახორციელე.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ჩემი აზრით, პიარსკოლაში ერთხელ მაინც უნდა მოხვდეს ყველა, არ აქვს მნიშვნელობა მის პროფესიას და სამომავლო გეგმებს. სიმართლე რომ ვთქვა, თავიდან მოსაწყენი ლექციებისთვის მოვემზადე და ისე მოხდა საღამოობით სამსახურიდან დაღლილი სიხარულით გავრბოდი პიარკოლაში, იქ კი დროის და დაღლილობის შეგრძნებას საერთოდ ვკარგავდი. საბოლოოდ მივიღე სწორად დანახული საკუთარი თავი და ერთი შეხედვით რუტინული საქმიანობიდან სიამოვნების მიღებაც ვისწავლე.

სახელი “მარკეტინგული კომუნიკაციების კურსი” ვერ აღწერს იმ შეგრძნებებს, რაც აქ ელოდება ადამიანს. მეორედ რომ მომეცეს შანსი აუცილებლად დავუბრუნდები ამ ადგილს და დარწმუნებული ვარ კიდევ ბევრ საინტერესო რაღაცას აღმოვაჩენ.

რას ურჩევდი კომუნიკაციების სფეროთი დიანტერესებულ ადამიანებს?

თითქმის ყველა საქმიანობაში წარმატება დამოკიდებულია სწორ კომუნიკაციაზე. აუცილებელია ყველარგოლის თანამშრომელს ჰქონდეს ამის შესახებ ინფორმაცია და სულ მცირე ცოდნა მაინც. სამსახურეობრივისაქმიანობა რომ გვერდით გადავდოთ, ელემენტარული ურთიერთობებიც სწორ კომუნიკაციაზეა აგებულიდა რაღაც ეტაპზე ამის სწავლა ყველასთვის ძალიან მნიშვნელოვანია.

მიიღე პრაქტიკული გამოცდილება პიარსა და მარკეტინგში

ამ ბლოგპოსტში დეტალურად მოგიყვებით პიარსკოლის „ინტეგრირებული მარკეტინგული კომუნიკაციების“ კურსის შესახებ, რომელიც პიარისა და მარკეტინგის სფეროში აუცილებელ ყველა დარგს შეასწავლის მსურველებს.

თუ კი პიარსა და მარკეტინგში თეორიულ ცოდნასთან ერთად, პრაქტიკული გამოცდილების მიღება და ახალი პრაქტიკების პროფესიულ საქმიანობაში დანერგვა გსურთ, მაშინ ჩვენი კურსი თქვენთვისაა.

„ინტეგრირებული მარკეტინგული კომუნიკაციების“ კურსის უპირატესობას საქართველოს ბაზარზე არსებულ მოთხოვნებზე დაფუძნებული სილაბუსი და პრაქტიკოსი ლექტორები წარმოადგენენ.

კურსის ფარგლებში შეისწავლით 12 საგანს, რომელიც საკომუნიკაციო სტრატეგიის შემუშავებისა და განხორციელების პროცესის წარმატების მნიშვნელოვანი კომპონენტებია:

1. ეფექტური კომუნიკაციები

2. მარკეტინგი

3. მარკეტინგული კვლევა

4. ბრენდინგი

5. პიარი

6. ივენთ მენეჯმენტი

7. სოციალური მედია

8. მედია მენეჯმენტი

9. რეკლამა და მედია დაგეგმარება

10. ამბის თხრობის ხელოვნება

11. ვიზუალური მარკეტინგი

12. BTL

თითოეულ საგანს სფეროს წამყვანი პროფესიონალები უძღვებიან, რომლებიც სტუდენტებს არა მხოლოდ თეორიულ ცოდნას, არამედ პრაქტიკულ გამოცდილებასაც უზიარებენ.

კურსის მთავარი უპირატესობა მისი საბოლოო პრაქტიკული დავალებაა. 3 თვის განმავლობაში სტუდენტები მუშაობენ საკომუნიკაციო სტრატეგიის შექმნაზე, ამ პროცესში კი მათ საკონსულტაციო კომპანია “ჯეპრა”-ს კონსულტანტები უწევენ მენტორობას. პროექტზე მუშაობისას სტუდენტს უწევს ყველა იმ თეორიული ცოდნის გამოყენება, რომელიც თითოეული ქვეკურსის ფარგლებში მიიღო.

ყველა სტუდენტს, რომელიც პრაქტიკულ დავალებასა და ტესტს ჩააბარებს, გადაეცემა პიარსკოლის სერტიფიკატი და დიპლომი. ხოლო, ლექტორების რჩეულ 3 საუკეთესო სტუდენტს გადაეცემა 12 ლექტორის მიერ ხელმოწერილი სამოტივაციო წერილი.

კურსის დასრულების შემდეგ, პიარსკოლელები წევრიანდებიან კურსდამთავრებულთა ჯგუფში „PRSchool Alumni”, სადაც პიარსკოლის ადმინისტრაცია სხვადასხვა მნიშნნელოვან ინფორმაციას ანთავსებს, მათ შორის, საკომუნიკაციო სფეროში არსებულ ვაკანსიებს.

“ინტეგრირებული მარკეტინგული კომუნიკაციების” კურსი 3 თვე გრძელდება. მისი საფასური 1800 ლარია, რომლის გადახდაც შესაძლებელია ეტაპობრივად, 3 თვეზე გადანაწილებით.

ლექციები ტარდება ყოველ ორშაბათს, ოთხშაბათსა და პარასკევს 19:00-22:00 საათებში.

პიარი და მარკეტინგი ყოველდღიურად ვითარდება. ამიტომაც, იჩქარე და დარეგისტრირდი პიარსკოლის 2022 წლის ზამთრის კურსზე:

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, LLC COLLIDER-ის დამფუძნებელი ანანო ჭიჭაღუა აფასებს:

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებულ ცოდნას დღევანდელ საქმიანობაში აქტიურად ვიყენებ და ძალიან მიხარია, რომ გავიარე პიარისა და მარკეტინგული კომუნიკაციების კურსი.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

M2-ის საკომუნიკაციო კამპანიაზე. ძალიან საინტერესო იყო და საერთოდ სხვა კუთხით შემახედა პიარისმიმართულებებზე და ცოდნის პრაქტიკაში გამოყენებაზე. საკმაოდ ეფექტური დასასრული იყო კურსის.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ვფიქობ, ვისაც პიარი და მარკეტინგი აინტერესებს, მათ აუცილებლად უნდა გაიარონ ეს კურსი, იმიტომ რომ საიტერესო ბეჭდვითი მასალის გარდა, ლექტორების გამოცდილებიდან გამომდინარე, მათი მაგალითებიდან კიდევ უფრო მეტს იგებს სტუდენტი. ზოგადად პრაქტიკული სავარჯიშოები არის ძალიან საინტერესო და პროდუქტიული.

რა მოგეწონა ყველაზე მეტად კურსზე? რას გამოარჩევდი?

გამოვარჩევდი ლექტორებს, მენეჯმენტს. ზოგადად ვფიქრობ, რომ ძალიან კარგად არის აწყობილი არამარტო კურსი, არამედ ზოგადად მენეჯმენტი. ასევე გამოვყოფდი პრაქტიკულ ლექციებს. თუმცა პრიორიტეტებში მაინც ლექტორები არიან.

რას ნიშნავს შენთვის, იყო პიარსკოლელი?

რაოდენ უცნაურადაც არ უნდა ჟღერდეს, ძალიან ამაყი ვარ, რომ  გავიარე ეს კურსი, და კიდევ უფრო მეტად ამაყი ვარ როდესაც ხმამაღლა ვამბობ, რო მე პიარსკოლელი ვარ,  ყველამ იცის რა დიდი და კარგი გუნდის წევრი ვარ.

პიარისა და მარკეტინგული კომუნიკაციების კურსის შეფასება

პიარსკოლის კურსდამთავრებული, მარიამ გუჯაბიძე აფასებს პიარის და მარკეტინგული კომუნიკაციების კურსს:
მოკლედ მოგვიყევი შენი საქმიანობის შესახებ…

ვარ დაზღვევის სახელმწიფო ზედამხედველობის სამსახურის იურისტი, ასევე, ვმართავ ტურიზმის მიმართულებით სოციალურ მედია პლატფორმებს, ვგეგმავ და ვახორციელებ ტურიზმის სექტორში სხვადასხვა პროექტებს.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნას და ინფორმაციას ძირითადად ვიყენებ პროექტების დაგეგმვის და მათი იმპლემენტაციის ეტაპზე, კამპანიის ცნობადობის ამაღლებასთან დაკავშირებით განხორციელებულ აქტივობებზე მუშაობის პერიოდში. გარდა ამისა, მიღებული გამოცდილება დამეხმარა საკუთარი კომპანიის ბრენდინგზე მუშაობისას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

რეალურად, პროექტის მუშაობის ეტაპზე გამოვიყენე ყველა ის ინტრუმენტი, რის თაობაზეც სამი თვის განმავლობაში მოგვაწოდეს ინფორმაცია ლექტორებმა. პროექტის დაგეგმვის ეტაპიდან, მის პრეზენტირებამდე გავლილი დაგეგმვის პროცესი, არის რეალურად მუშაობის ის ხაზი, რაც მადგება ყოველდღიურ მუშაობაში. მიუხედავად განსხვავებული პროექტების კონტენტისა, ის მიმართულებები, იქნება ეს თაიმლაინი, ბიუჯეტირება თუ ვიზუალიზაცია, რაც წამოწეულია პროექტის მომზადების ეტაპზე, ძალიან მნიშვნელოვანია დღევანდელ დღეს, ყველა სფეროში თუ პოზიციაზე მუშაობისას.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

გარდა რეალურად უმაგრესი ლექტორებისა, სხვადასხვა მიმართულებით პიარის და მარკეტინგის საკითხების დეტალურად, პრაქტიკულ მაგალითებზე დაყრდნობით განხილვისა, ჩემი აზრით, დამატებით რაც პაირსკოლის კურსს სხვებისგან გამოარჩევს: პროექტზე მუშაობის კომპონენტია. სწორედ ამ პროცესში გიწევს მიღებული ცოდნის პრაქტიკაში გადატანა, რაც ერთი მხრივ, არის ცოდნის გამყარების საფუძველი, ხოლო მეორე მხრივ, ხედავ უკვე კურსის დროს შესწავლილი ინსტრუმენტების სწორად გამოყენების გზებსა და ხერხებს.

პიარსკოლიდან მარკეტინგის ხელმძღვანელის პოზიციამდე

პიარსკოლის კურსდამთავრებული, ანა ქუტიძე კომუნიკაციების სფეროში მის გამოცდილებასა და პიარსკოლის კურსის შესახებ:

მოკლედ მოგვიყევი შენი საქმიანობის შესახებ..

ჩემი კარიერა თავიდანვე მნიშვნელოვან წილად განსაზღვრა სამშენებლო სექტორთან ერთმა წარმატებულმა თანამშრომლობამ და უკვე მერვე წელია ამ სფეროში ვარ.

ახლა დეველოპერული კომპანია “DUX DEVELOPMENT”- ის და გერმანული, ალუმინის საფასადე სისტემების მწარმოებელი კომპანია HUECK- ის მარკეტინგის ხელმძღვანელი ვარ.

ამას გარდა პერიოდულად ვმუშაობ მოკლევადიან მარკეტინგულ პროექტებზე და პარალელურად ვცდილობ დრო  დავუთმო ჩემი ჰენდმეიდ სტარტაპის “BLUE JAY “ განვითარებას თუმცა ზემოთ ჩამოთვლილი საქმიანობების გამო საკადრის დროს და ენერგიას ვერ ვუთმობ ამ ეტაპზე, მუდამ მეჩაგრება და ამაზე ვღელავ.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა 5 წლის წინ იყო.. ზუსტად მაშინ, როცა მკაცრად გამომეკვეთა ინტერესები ამ სფეროს მიმართ და ჩემი პრაქტიკული გამოცდილების ხარჯზე მიღებული ცოდნის სისრულეში მოყვანა და თეორიული ცოდნით გამყარება მჭირდებოდა… ვ

ფიქრობ, ეს იყო ის შემთხვევა, როცა საჭირო დროს იღებ საჭირო გადაწყვეტილებას და ეს გადაწყვეტილება 100%-ით ამართლებს.

პიარსკოლამ და იმ საოცარმა ლექტორებმა, რომელთა მრავალფეროვნებითაც ასე განებივრებულნი ვიყავით, გარდა თეორიული და პრაკტიკული ცოდნისა, ისეთი ადამიანური რესურსები, თვისებები  აღმოგვაჩენინეს საკუთარ თავებში რაც აქამდე მიძინებული ან საერთოდ არ გვქონდა.

პიარსკოლამ მომცა თავდაჯერებულობა, მასწავლა მასშტაბური და კრეატიული აზროვნება, მომიხსნა წვრილმანი კომპლექსები საკუთარი აზრის დაფიქსირების, აუდიტორიასთან თამამად წარდგენის და ბევრი ისეთი ნიუანსის, რაც ჩვენს სფეროში ძალიან მნიშვნელოვანია..

არ შემიძლია არ გამოვყო სოსო გალუმაშვილის მუდმივი მხარდაჭერა, რეკომენდაციები და ძალისხმევა რომ ყველა პიარსკოლელი იყოს დასაქმებული და წარმატებული თავის სფეროში.. ეს მხარდაჭერა მე საკუთარ თავზე გამოვცადე არაერთხელ და მადლობა მას ამისთვის.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

ჩვენი საბოლოო პროექტი იყო „ღვინის ფესტივალი“ და რეალურად ეს პროექტი იყო თავმოყრა მთელი იმ თეორიული ცოდნის, რაც იმ თვეების განმავლობაში მივიღეთ.. პრაქტიკულად გავდიოდით ყველა იმ პროცესს, რასაც რეალურ პროექტზე მუშაობისას გადიან..

მახსოვს რომ ძალიან ამაღელვებელი და ემოციური იყო პროექტის წარდგენის დღე.. ერთ კონკრეტულ ხერხს ალბათ ვერ გამოვყოფ, თუმცა ვიცი რომ მუშაობის ის სტილი და მიმართულება, რაც მაქვს ყველა პროექტთან მიმართებაში, თავის დროზე პიარსკოლამ ჩანერგა ჩემში.

უკან რომ შეგეძლოს დროის დაბრუნება, გაივლიდი თუ არა ისევ პიარსკოლის მარკეტინგული კომუნიკაციების კურსს?

აი ზოგჯერ არისხოლმე რომ რაღაცეებს ვნანობთ, თუნდაც განათლების კუთხით, სათანადო დროის არ დათმობას… ლექციებზე უყურადღებოდ ჯდომას, ნაკლებ ჩართულობას… ჩემ შემთხვევაში იმდენად მაბედნიერებდა „პროცესი პიარსკოლა“ რომ მსგავსი სინანული თითქმის არ მაქვს..

ბოლომდე ვიხარჯებოდი, აქტიურად ვიყავი ჩართული პროექტში, ლექციებზე.. პასუხგაუცემელ კითხვას არ ვიტოვებდი, მითუმეტეს მქონდა ასეთი საინტერესო ლექტორების ფუფუნება და მეც მეტი რა მინდოდა.

საბოლოოდ 3 საუკეთესო სტუდენტს შორისაც მოვხვდი და ის სანუკვარი სარეკომენდაციო წერილიც მივიღე მათგან, რომელიც მომავალში ძალიან დამახმარა დასაქმებაში, ჩემ მიმართ დადებითი შთაბეჭდილების შექმნაში.

რა თქმა უნდა, დროის უკან დაბრუნება რომ შემეძლოს უალტერნატივოდ დავრეგისტრირდებოდი პიარსკოლის კურსზე და გავამეორებდი იმ ჯადოსნურ თვეებს რომელიც იქ გავატარე.