პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, თინათინ იმნაძე ფასებს:

მოკლედ მოგვიყევი შენი საქმიანობის შესახებ…

მერვე წელია ვმუშაობ ღვინის კომპანიაში “შუხმან ვაინს ჯორჯია”, ამ ეტაპზე ადგილობრივი გაყიდვების და მარკეტინგის განყოფილების უფროსის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლა დამეხმარა ჩემი შესაძლებლობების აღმოჩენაში, უცნაურია, მაგრამ ის, რაც მეგონა არ ვიცოდი, ან არასდროს გამომივიდოდა თურმე ჩემი ძლიერი მხარე ყოფილა და პირიქითაც, რაც მეგონა, ვიცოდი თურმე მხოლოდ ზედაპირულად და მშრალად, აქ კი ყველაფერს დეტალებში გავეცანი .

ძალიან საინტერესო ლექციები თუ პრაქტიკული სამუშაოები  გადმოვიტანე ყოველდღიურ სამუშაო პროცესში და აშკარა წინსვლით ვტკბები.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში?

საბოლოო პროექტზე მუშაობა ჩემთვის ყველაზე სასიამოვნო აღმოჩნდა, ღვინის ფესტივალი შეგვხვდა და თავს ისე ვგრძნობდი როგორც თევზი წყალში :)) თვითონ პროექტის მომზადებაში ჩემი სამსახურეობრივი გამოცდილება ძალიან დამეხმარა და მერე უკვე ეს პროექტი გახდა ჩემთვის მაგალითი ბევრ კარგ საქმეში, რაც შუხმანში განვახორციელე.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ჩემი აზრით, პიარსკოლაში ერთხელ მაინც უნდა მოხვდეს ყველა, არ აქვს მნიშვნელობა მის პროფესიას და სამომავლო გეგმებს. სიმართლე რომ ვთქვა, თავიდან მოსაწყენი ლექციებისთვის მოვემზადე და ისე მოხდა საღამოობით სამსახურიდან დაღლილი სიხარულით გავრბოდი პიარკოლაში, იქ კი დროის და დაღლილობის შეგრძნებას საერთოდ ვკარგავდი. საბოლოოდ მივიღე სწორად დანახული საკუთარი თავი და ერთი შეხედვით რუტინული საქმიანობიდან სიამოვნების მიღებაც ვისწავლე.

სახელი “მარკეტინგული კომუნიკაციების კურსი” ვერ აღწერს იმ შეგრძნებებს, რაც აქ ელოდება ადამიანს. მეორედ რომ მომეცეს შანსი აუცილებლად დავუბრუნდები ამ ადგილს და დარწმუნებული ვარ კიდევ ბევრ საინტერესო რაღაცას აღმოვაჩენ.

რას ურჩევდი კომუნიკაციების სფეროთი დიანტერესებულ ადამიანებს?

თითქმის ყველა საქმიანობაში წარმატება დამოკიდებულია სწორ კომუნიკაციაზე. აუცილებელია ყველარგოლის თანამშრომელს ჰქონდეს ამის შესახებ ინფორმაცია და სულ მცირე ცოდნა მაინც. სამსახურეობრივისაქმიანობა რომ გვერდით გადავდოთ, ელემენტარული ურთიერთობებიც სწორ კომუნიკაციაზეა აგებულიდა რაღაც ეტაპზე ამის სწავლა ყველასთვის ძალიან მნიშვნელოვანია.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ქრისტინა ცნობილაძე აფასებს:

მოკლედ მოგვიყევი შენი საქმიანობის შესახებ..

ს.ს “ოპპა”-ს  გაყიდვებისა და სააგენტო ქსელის მართვის განყოფილების უფროსი სპეციალისტი.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

პიარსკოლაში მიღებული ცოდნა გაყიდვების ზრდასა და კლიენტებთან ეფექტურ კომუნიკაციაში მეხმარება.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

ვფიქრობ, ის სტუდენტები, ვინც პიარის ან მარკეტინგულ პოზიციაზე მუშაობს, ძალიან დიდ გამოცდილებას მიიღებენ, როგორც თეორიული ასევე პრაკტიკული თვალსაზრისით. ძალიან საინტერესოდ შედგენილი და საკმაოდ ინფორმაციული კურსია.

ყველაზე მეტად რა მოგეწონა კურსში?

ყველაზე მეტად მომეწონა ის, რომ თეორიულ მასალებთან ერთად ლექტორები გვიზიარებდენენ საკუთარ პრაკტიკულ გამოცდილებას, საინტერესო იყო ჯგუფური სავარჯიშოები, რომლებიც უფრო აღქმადს და გასაგებს ხდიდა თეორიულ მასალას. ასევე ავღნიშნავდი ლექტორების პოზიტიურ დამოკიდებულებას სტუდენტების მიმართ.

პიარისა და მარკეტინგული კომუნიკაციების კურსის შეფასება

პიარისა და მარკეტინგული კომუნიკაციების კურსს, პიარსკოლის კურსდამთავრებული, ანანო ციცვიძე აფასებს:

მოკლედ მოგვიყევი შენი საქმიანობის შესახებ..

ვმუშაობ GAU-ში, მარკეტინგის დეპარტამენტში, მედია კომუნიკაციებისა და სტუდენტური სერვისების მიმართულების ხელმძღვანელის პოზიციაზე.

როგორ იყენებ პიარსკოლაში მიღებულ ცოდნას პრაქტიკულ საქმიანობაში?

ერთის მხრივ, პიარსკოლაში მიღებული ცოდნა ამარტივებს ჩემს ყოველდღიურ საქმიანობას, ნაკლებადვორჭოფობ გადაწყვეტილების მიღებისას. მეორე მხრივ, მიღებული ცოდნა მეტ პროფესიულთავდაჯერებულობას მმატებს, რაც თავისთავად ზრდის შესრულებული საქმიანობის ეფექტურობას.

გაიხსენე საბოლოო პროექტისთვის რა თემაზე მოგიწია მუშაობა და რამდენად დაგეხმარა პრაქტიკული ცოდნის მიღებაში? არის რაიმე ხერხი, რომელიც ამ პროცესში ისწავლე და დღემდე იყენებ?

საბოლოო პროექტი იყო: “ნაადრევის ქორწინების საწინააღმდეგო სოციალური კამპანია”. პიარსკოლამდე ბევრ პროექტზე მიმუშავია, მაგრამ პირველად დავაკავშირე ერთმანეთთან “ა-დან ჰ-მდე” ტექნიკა, მომზადების პროცესი, დეტალები, მიზნები, ყველაფერი ის, რაც რეალურ სამუშაო სივრცეში კამპანიას აქცევს წარმატებულად.

შენი აზრით, რა არის პიარსკოლის კურსის უპირატესობა? რატომ უნდა ისწავლონ მარკეტინგული კომუნიკაციების კურსზე?

სულ რაღაც 3 თვეში, იღებ სისტემურ ცოდნას: თეორიულსა და პრაქტიკულს. იცნობ დარგის წამყვანსპეციალისტებს და გიყალიბდება ხედვა.

ყველაზე მეტად რა მოგეწონა კურსში?

ძალიან ბევრი რამ მომეწონა, ყველაზე მეტად ალბათ დავალებები, მართალია ზოგჯერ ვწუწუნებდი, მაგრამ რეალურად ის პატარ-პატარა პროექტები, რომელსაც ლექტორები თავიანთი ქვეკურსის ბოლოსთვის გვაძლევდნენ ძალიან ეფექტური იყო მიღებული ცოდნის გააზრებისთვის.

აღსანიშნია ასევე გუნდურობა, ვიცი ეს ცნება ძალიან ტრივიალურია, მაგრამ რეალურ პროფესიულ სივრცეში თანაგუნდელის აღქმა და მასთან ერთად ნაყოფიერად მუშაობა ძალიან მნიშვნელოვანია. პიარსკოლაში ვისწავლე თუ როგორ ვიყო გუნდური მოთამაშე, ისე რომ არ დავკარგო ინდივიდუალურობა და თვითგამოხატვის უნარი.

რას ნიშნავს შენთვის, იყო პიარსკოლელი?

ერთი ნაბიჯით წინ ყოფნას კომუნიკაციების სფეროში ✌️

ნუცა გედევანიშვილი -„მთავარია, კარგად იცოდე საზოგადოების განწყობა და ითვალისწინებდე მათ ინტერესს.“

ინტერვიუ დაზღვევის სახელმწიფო ზედამხედველობის სამსახურის საზოგადოებასთან ურთიერთობის მენეჯერ ნუცა  გედევანიშვილთან.

-რატომ გადაწყვიტეთ ამ სფეროში საქმიანობა და რა შესაძლებლობებს იძლევა, პიარი კარიერული ზრდის თვალსაზრისით?

ჩემი პირველადი განათლება ბაკალავრიატში იყო დიპლომატია და საერთაშორისო ურთიერთობები. საზოგადოებასთან ურთიერთობის  მიმართულებით საქმიანობის დაწყება იმ მომენტისთვის სპონტანური
იყო. სამსახურის პარალელურად ჩავაბარე და ავიღე მედია კომუნიკაციის მიმართულებით მაგისტრის ხარისხი.

კარიერაზე სიმართლე გითხრათ არ ვფიქრობ, ეს საქმიანობა ჩემთვის ძალიან საინტერესოა.

-რა არის საჭირო საზოგადოებასთან, წარმატებული კომუნიკაციის ჩამოსაყალიბებლად?

პირველ რიგში, აქტივობის დაგეგმვა, რომლის დროსაც აუცილებლად ვითვალისწინებ – არსებულ რეალობას, საზოგადოების განწყობას და ყველაფერს ვაკეთებ იმისთვის, რომ სიახლე ადამიანებისთვის იყოს მნიშვნელოვანი და პოზიტიური .

-3 რჩევა, რომელსაც მისცდემდით მათ, ვისაც ამ სფეროში მოღვაწეობა სურს.

პირველი – აუცილებლად უნდა გიყვარდეს შენი საქმე და მოგწონდეს, რასაც აკეთებ.

მეორე –  ფლობდე სრულ ინფორმაციას საკითხის გარშემო. 

მესამე – მთავარია კარგად იცოდე საზოგადოების განწყობა და ითვალისწინებდე მათ ინტერესს.

-რის ცოდნის ქონას ისურვებდით კარიერის დაწყებამდე პიარის სფეროში?

ახლა რომ ვიწყებდე ამ სფეროში საქმიანობას, კარგი იქნებოდა მცოდნოდა მარკეტინგის საფუძვლები.

როგორია თქვენი ტიპიური სამუშაო კვირა?

ჩვენი სამსახური „სსსიპ საქართველოს დაზღვევის სახელმწიფი ზედამხედველობის სამსახური“ სულ რამდენიმე წელია რაც შეიქმნა. სერიოზული მუშაობა მიმდინარეობს, რათა ქვეყანა უფრო მეტად დაუახლოვდეს ევროპულ სადაზღვევო სტანდარტებს. ძალიან ბევრი სიახლეა, ამიტომაც არც ერთი სამუშაო კვირა არ გავს ერთმანეთს, მაგრამ ყოველი კვირა საინტერესოა.

-რა გზები მიგაჩნიათ საუკეთესოდ კონტაქტების და წყაროების მოსაპოვებლად?

ჩვენს ტექნოლოგიურად განვითარებულ დროში მრავალფეროვანი ინფორმაციის მოძიება არ წარმოადგენს სირთულეს და რა თქმა უნდა, პირადი კონტაქტები.

-როგორ იწყებთ სამუშაო დღეს?

სიახლეების გაცნობით, როგორც ჩემს სფეროში, ასევე ქვეყანაში. საინფორმაციო სააგენტოების მეშვეობით.

-რა უნარებია საჭირო წარმატებული პიარ მენეჯერისთვის?

კომუნიკაციის უნარი, ღიაობა, ყველა კატეგორიის ადამიანებთან ურთიერთობა. ამაში იგულისხმება, როგორც მედია, ასევე ჩემი სამსახურის სპეციფიკიდან გამომდინარე მომხმარებლებთან კონტაქტი და მათი ინტერესის დაკმაყოფილება.

-რა თვისებებს აფასებთ ადამიანებში, სამუშაო გარემოში?

გუნდურობას, პასუხისმგებლობას, ერთი მიზნისკენ და საერთო საქმის წარმატებისკენ სწრაფვას.

-რა არის საუკეთესო პიარ პრაქტიკა, რომელსაც ტექნოლოგია ვერ შეცვლის?

პირდაპირ კომუნიკაციას და ურთიერთობებს ვერანაირი ტექნოლოგია ვერ შეცვლის.

-რა ტრენდები და ინოვაციები იკვეთება საზოგადოებასთან ურთიერთობის სფეროში?

ბოლო წლებია ბევრი ინოვაციაა – სოციალური ქსელის, ონლაინ ვიდეობის, ბლოგების და ფორუმების მეშვეობით ხდება ბევრი პიარ აქტივობები.  განვითარება ძალიან სწრაფად ხდება, რადგან 21-ე საუკუნე უამრავი სიახლით არის საინტერესო, ამიტომაც პიარიც მუდმივ განვითარებაშია.